Thursday, April 26, 2007

Cherita Terkini

Apu, nyau ka ujung bulan, baru post kedua pia?! Mayoh pengawa bulan tu. Kami tiga menyanak (Denice tinggal enggau aki ini iya) bisi nemuai ka Arkansas. Seminggu kami din. Pangan lama aku bisi mega nemuai ari KL (asal ari Miri) lalu bisi enggau kami ka Arkansas. Nadai entu utai dipeda ba Arkansas. Tang taja pia rindu endar ga meda sebelah menoa Arkansas. Asai ka ba Malaysia din laban ka mayoh pun kayu, tak gadong aja utai di peda. Sungai sida pen besai besai.

Pulai kami ari Arkansas, aku enggau pangan aku enda ngetu beganjuh. Shopping kebendar iya! Bebeli ka marik, gari enggau sekeda utai pemakai.

Pangan aku sakit sebedau iya mupok pulai. Ko iya maya iya dalam bilun, nesal enda minta ubat ari aku sebedau iya mupok. Kasih amat.

Bala anak pen ampit enggau sakit pun minggu tu tadi. Dua hari saduai enda nurun sekula laban ti tabin sereta mutah mutah.

Ok, tu sekeda gambar diambi maya di Arkansas.


Dam ba Dardanelle. Tanah Doug ba atas bukit alu ulih meda sungai nya. Angan angan ka ngaga rumah ti bisi view sungai nya!

Waterfront ba Little Rock. Hari bisi ujan maya kami ti bejalai ba Little Rock. Ni ka gasak angin agi! Chelap bulu!

Duncan bemain atas "big boom boom" ba Dardanelle.

Petunggal Doug, benama Joyce. Kami bisi ngusong iya laban ka ngabas indai iya ti sakit laban kena stroke.

Aunt Vida, indai Cousin Joyce. Iya menyadi tuai sekali entua indu aku.

Willaim Jefferson Clinton Presidential Library, Little Rock.

View leboh malam hari Presidential Library.

Monday, April 02, 2007

Beauticontrol ba Malaysia

Tu jako gerah nuju cik-cik, puan-puan, enggau datin-datin. Nitih ka dipadah Coki, Beauticontrol bisi ba Malaysia. Amat bisi laban tu iya website Beauticontrol ba Malaysia! Enti munyi nya manah amat berita nya. Aku ka nesau bala geng di Malaysia din, ngasoh sida badu agi ngena skin care ti dikena sida diatu alu nukar ngagai Beauticontrol! Tentu bala sida deka beterima kasih enggau aku udah sida meda insur ba moa sida ila.

Wah, aku meda bisi skin care line ti nadai dijual ditu. Skinlogics White. Aku endang nemu bala indu ba Malaysia rindu bekena ka produk ti tau ngasoh moa tampak burak agi. Nah, tu iya ka kita ti ka moa kita burak. Ukai mina burak aja, tang licin baka teluk ila!

Diatu aku nguji produk siti da ari Beauticontrol. Produk tu dikumbai Sculptique Body Contour Cream. Apu enti amat lemak ba perut enggau ba pah aku tau nyau laban ngena produk tu, amat tau dikarap endar samoa produk Beauticontrol. This is their claim:

See results in just two weeks!
Do you have visible cellulite? Studies show 95% of women do! But in our two-week independent clinical study, women who used Sculptique Body Copntour Creme as directed noticed a difference!
82% noticed smoother skin
79% saw improvement in skin tone
55% noticed improvement on "orange peel" effect
53% saw improvement in skin elasticity
50% noticed improvement in skin firmness

Dermatologist, sensitivity and allergy tested.

Ila aku ngereport enti amat bisi insur gamal perut enggau pah. Baru dua hari aku udah ngena cream tu. Err, anang guai dulu, nganti aku nyukat pemesai punggung aku. Ni alai measuring tape aku bah? Heheh.
Related Posts Plugin for WordPress, Blogger...