Persimmon

Diatu musin buah persimmon. Aku enda nemu nama buah tu dalam jako iban. Hari tiga tu tadi aku bisi ngagai Galt Flea Market alu bisi meli 4 pound (kira 3 kilo) buah tu. Apuuuu .. aku sigi rindu makai buah tu! :-)

Dalam taun 2003, bendar aku makai buah persimmon, lalu taun nya mega aku ngandong! Hahaha, aku nyangka kebuah aku tau ngandong taun nya, iya nya laban aku bendar makai buah persimmon. Lebih 3 taun aku udah belaki, alu apin kala ngandong sebedau nya.

Kami bisi nanam 2 pun buah persimmon tang taun tu, buah iya enda entu nyadi. Mina 2 iti buah ba pun siti, enggau siti buah ba pun siti da. Kasih! :-( Asa asa asai ati ka makai buah persimmon ari pun buah di tanam diri empu. Arap ka taun baru, pun buah mansang subur agi.

Jadi ka Laut?

Agi aku sekula di malaya kelia, mayoh endar laki laut ti sigat peda aku. Amat tau tekuing ati enti enda bejimat. Tang nya meh, tegal pengarap ti enda sebaka, nya meh nye nagang diri bepangan enggau bansa laut. Bepangan ngapa nadai salah, laban bansa laut nyamai ga enggau begulai.

Tang enti bala nembiak nanya aku pasal jadi ka bansa laut, endang "anang'" saut aku. Ukai nama, bansa laut tu tau di sebaka ka enggau pengarap sida. Bansa enggau pengarap sida enda ulih di bagi. Jadi ka bansa sida reti iya nitih pengarap sida. Amat meh enti orang udah jadi ka laut, ukai reti iya muai bansa diri empu. Amat meh nya, tang berapa iko anak iban udah di peda kitai jadi ka laut agi ngembuan chara pengidup bansa iban? Tentu enda mayoh.

Anang enda ingat mega, pengarap sida enda nagang sida lelaki bebini datai ka empat iko. Sapa kitai indu rindu bekunsi ka laki kitai? Enda meh kitai rindu, tang pengarap iya udah meri kemendar, ulih tagang nya? Anang enda berunding panjai. Anang tegal pengerindu, runding kitai nyadi kabur.

Pesan aku ngagai kita bujang dara, sebedau utai baka tu nyadi, manah agi mutus dalam ati diri enggai pepangan enggau bansa laut. Enti kita bisi ngembuan runding baka nya, kita ulih nyeliah ka diri ari bepangan enggau bansa laut, ulih ngetan diri ari penguji, lalu ari penusah dudi hari.

Bemain Enggau Manah

Enda ka rindu Mommy meda enti selalu bebaik baka tu? Tu meh gamal saduai ngansing ka craft ti di gaga saduai ba sekula. Tang enda lama aja menyana, udah begambar, nadai temu tunga agi utai nya. Carik! Nye nyadi uras sebelah bilik.

MP3 Lagu Iban

Update: Ngiga mp3 lagu Iban? Download ari YouTube!! Tu iya aku ngajar chara kita tau convert lagu ari YouTube ngagai mp3!

******

Bedau lama tu tadi aku bisi download lagu iban ari rumahdayak.com Nitih ko James Guang, kumpulan tu udah meri pemendar lagu sida di rekod ngena MP3 lalu tau mega di download nadai bebayar. Ko kumpulan tu, tu siti jalai sida ngelaku ka lagu sida, ngambi ka di temu lebih mayoh agi bala ti bisi ninga. Sida ngarap ka bala ti rindu ninga sida belagu, datai ngagai pub endor sida main.

Manah endar ga kumpulan tu bisi ngerekod lagu ba studio di rumah diri empu. Bisi ga duit enda tebesau mayar sewa studio ti dempu tokay china.

Pasal kualiti lagu ti di rekod sida nya tadi, ba penemu aku, kira umbas iya. Tau di kemanah ka agi. Nyawa penyanyi nya, tau ga di kemanah ka agi. Kira agi amateaurish munyi nyawa iya. Naka ka diatu, apin bisi penyanyi lelaki Iban ti bempu ka nyawa ti tau di kumbai amat berkebolehan. Nadai siko udah di dinga aku ngembuan nyawa baka Vince Chong ... enda iboh aku nyebut penyanyi melayu ti udah lama tebilang. Penyanyi indu Iban bisi ga sekeda ti ngembuan nyawa ti setanding enggau penyanyi indu melayu bukai.

Amat lelengau ga ka ninga lagu Iban bemain ba radio. Suba catsfm ulih di dinga ba internet tang engka nadai agi modal, nadai agi di dinga ba internet. Stesen RTM bukai tau di dinga ba internet. Lama udah nadai ninga stesen RTM ba internet.

Gari nembiak dibeli sahari tu 

Batuk

Nadai entu tindok demalam tegal batuk. Rengkong rengkong munyi batuk. Sebutol ubat batuk udah dempa bedau ga penyakit nya! :-( Tu udah masuk hari ka lima ngenat ka batuk.

Pagi tu tadi, udah bala anak di anjung sekula, pulai ka rumah enda lama. Mandi dulu. Udah nya mupok ka klinik. Betemu enggau indu misi (lutor agi kemisi). Udah sebulan pepakai ka ubat tinggi darah, pagi tu tadi merasa enti ubat ti dempa bisi ngasi tauka enda. Ngasi ga ahh. Bisi turun mimit ga peninggi darah nya.

Pulai ari klinik, alu ngetu ba Wal-mart. Ngiga baju panjai lengan ka bala anak. Hari diatu udah majak chelap, kelebih agi maya pagi hari. Gari bala anak, nye enda umbas agi. Nadai entu mayoh macham gari di jual dia. Bulih siti aja baju ka Duncan. Apu, bendar ngetat diri batuk ba Wal-mart! Hahaha, enggai nyadi enda ngiga ai irup! Gatal batang rekung! Nasit bisi water fountain ngimbai jamban.

Uji meda ba Khols ga. Kada bisi mayoh agi gari nembiak dia. Bisi ga tulih ga 2 - 3 ka saduai. Meli jacket ka diri empu ... meda nya saiz small and petite. Enti enda saiz tu, tak rigang rigang gari di kena! :-( Bala indu ribai ditu besai besai tubuh!