Gara gara ngena bulu mata palsu

Agi aku di Miri apin lama tu tadi, aku bisi ampit enggau orang bepasang ka bulu mata palsu ... kira ka semi-permanent meh nya, laban iya tau ditinggal dia datai ka dua minggu. Ooohh, bukan main bajik asai ma nyermin ka diri!! Lebat serta ngelentik gamal bulu mata. Apa agi bisi dipuji orang .. makin bajik endar gamal nuan, biak endar gamal nuan diatu .... senga asai idung! Haha.

Tang nya meh, laban ti ka ngemiak serta ngemajik ka diri, mata asai ka enda entu meda utai laban ayong bulu mata! Akai merinsa endar asai, meda asai ka enda meda. Tak silau aja aja asai utai dipeda!

Kapa aku ngenat ka bulu mata nya agi. Datai aku ba California alu ditingkil bulu mata nya. Tang enggai enda bejimat jimat ga ningkil bulu mata nya, enggai ka tingkil abis bulu mata asal! Gam ti kena ngelekat ka bulu mata nya rat endar.

Taja bulu mata palsu nya udah dibuai tang agi belala ga asai ka enggau orang ngegap ka diri. Meli meh tudah aku bansa ka tau dilekat (temporary) ... berapa pasang enda dibeli aku! Heheh. Apu ukai nyamai masang nya ke diri empu! Tak timpang aja aja! Enggi semi-permanent nya kutai dipasang ba saloon. Dah puas nguji ka ga iya lekat.

Sekali aku bisi masang bulu mata palsu maya aku ka nurun sembiang. Ka sepiak kanan, nadai beleman iya lekat ba kulit mata. Ka sepiak kiba, akai dai, nyau puas nginggap iya baru iya ka lekat! Eh, nama main bulu mata sepiak kiba nya tak lebat agi ari ka ba kanan? Hmm, engka sigi baka iya. Nurun meh kami menyanak sembiang udah nya.

Malam nya maya aku ti ka muka bulu mata nya, dia aku tepeda ka sepasang bulu mata ba sink alai aku ka betuchi ka moa. Aieeeee, nama nya enda sama deh? Perening aku baru bulu mata ti dikena aku. Heheh! Paduhal endang salah ambi meh ka sepiak kiba nya! Endang ukai pangan ka sepiak kanan!

Nya meh gara gara aku ti bekena ka bulu mata palsu!

ABPBH 2006

Wahhhhh, sapa bisi meda Anugerah Bintang Popular Berita Harian ba TV3 tu tadi? Tentu mayoh kita bisi!

Heheh, nadai meh aku nemu pasal program tu enti enda ari blog Mr Manager! Aku sigi rindu pen macha blog tu enti ka nemu pasal perkembangan selebriti Malaysia. Rindu endar meda gaya enggau pakaian bala selebriti ba red carpet. Segak ga gamal Mr Manager ngiring Ning!

Beterima kasih endar aku ka bala sida ti rajin mengupload video ngagai YouTube. Ampit ga aku ti diau ba menoa orang ditu meda sekeda penyanyi ti bisi merindang orang malam nya. Rindu endar aku meda serta ninga Misha enggau Jac belagu Cinta.

Tapi siti lah aku enda paham. Amat popular kah Mawi nya?! Iya menang Bintang Paling Popular enggau Penyanyi Lelaki Popular. Maya aku di Malaysia din aku meda Mawi ba billboard, ba iklan TV .... la, boring lah aku meda moa iya. Nyawa iya, kira ok lah, tang enda ga terer ni! Amat ka enda?! Lagu Aduh Saleha nya errrr .....!

Errr, aku ka meli ku-band dish!! Awak ka ulih nangkap tv ari Malaysia!

Meda TV

Pagi hari enam tu tadi aku bisi meda tv channel G4. Aku jarang meda tv pagi pagi hari tang enda nemu kebuah pagi nya aku bisi masang tv alu tepeda ka program dikumbai Jamie Kennedy Experiment. Enti kita kala meda Candid Camera, baka tu meh program Jamie Kennedy Experiment.

Bendar endar aku ketawa meda Las Vegas Wedding ba Jamie Kennedy Experiment tu. Enti kita ulih meda video tu, uji peda ... perati ka moa apai indai lelaki ti ka kawin. Perati ka reaction indai lelaki nya ... apu, geli endar ati aku!! Totally hilarious!!

Cherita Indonesia

Kala ninga lagu My Heart enggau Aku Pecinta Wanita? Tentu kala, eh! Aku pen ampit ninga lagu nya maya di Miri tu tadi. Lagu nya diambi ari cherita Indonesia dikumbai Heart.

Waaa, naka pengaga ati aku tetemu ka cherita Heart ba YouTube. Enti kita udah meda cherita tu tentu kita nemu cherita tu tau ngasoh sekeda kitai ti sentimental nyabak. Heheh, nyabak meh aku meda cherita tu .... cherita tu tau dikumbai "corny" serta bisi enda entu logik tang, eh, tau dikenyadi ga!

Mayoh cherita Indonesia bukai ditemu aku ba YouTube. Udah aku ka meda cherita Heart, aku alu meda cherita Alexandria. Waaahh, Alexandria manah agi ari Heart! Apu sigat endar laki dua iko ba cherita nya! Heheh.

Sebedau aku tetemu ka cherita Indonesia ba YouTube, aku bisi berunding pasal ka meli parabola. Ka nangkap TV channels ari Malaysia, Singapore, Brunei, Indonesia, Vietnam etc, ko jako. Tang aku enda nemu amat ka enda ulih nangkap satelit ari southern hemisphere?! Ko orang ka nyual parabola nya ulih, tang aku ka ngiga serta nanya orang ti udah meli parabola tu. Enggai ga aku ngeluar duit $300, meli equipment enti iya enda entu ulih nerima TV channels ti dikedeka aku.

Satellite TV kami ditu bisi package ari overseas tang mina ari China/Taiwan, Philippines, Korea, Vietnam, India, enggau sekeda menoa Europe. Nadai ngena jako ti ditemu aku! :-( Nya kebuah ka meli serta masang parabola.

Ulih meda RTM ba internet tang problem iya selalu enda bulih laban mina limited number of users aja ulih ngena sekali, kadang kadang slow internet connection enggai ka nyadi.

Nemu tengok ka meda program TV tauka cherita ari menoa kitai din meh aku tu! Ingat ka sida ipar enggau indai aku ti rindu endar meda siri Bawang Putih Bawang Merah.