Agi aku di Miri apin lama tu tadi, aku bisi ampit enggau orang bepasang ka bulu mata palsu ... kira ka semi-permanent meh nya, laban iya tau ditinggal dia datai ka dua minggu. Ooohh, bukan main bajik asai ma nyermin ka diri!! Lebat serta ngelentik gamal bulu mata. Apa agi bisi dipuji orang .. makin bajik endar gamal nuan, biak endar gamal nuan diatu .... senga asai idung! Haha.
Tang nya meh, laban ti ka ngemiak serta ngemajik ka diri, mata asai ka enda entu meda utai laban ayong bulu mata! Akai merinsa endar asai, meda asai ka enda meda. Tak silau aja aja asai utai dipeda!
Kapa aku ngenat ka bulu mata nya agi. Datai aku ba California alu ditingkil bulu mata nya. Tang enggai enda bejimat jimat ga ningkil bulu mata nya, enggai ka tingkil abis bulu mata asal! Gam ti kena ngelekat ka bulu mata nya rat endar.
Taja bulu mata palsu nya udah dibuai tang agi belala ga asai ka enggau orang ngegap ka diri. Meli meh tudah aku bansa ka tau dilekat (temporary) ... berapa pasang enda dibeli aku! Heheh. Apu ukai nyamai masang nya ke diri empu! Tak timpang aja aja! Enggi semi-permanent nya kutai dipasang ba saloon. Dah puas nguji ka ga iya lekat.
Sekali aku bisi masang bulu mata palsu maya aku ka nurun sembiang. Ka sepiak kanan, nadai beleman iya lekat ba kulit mata. Ka sepiak kiba, akai dai, nyau puas nginggap iya baru iya ka lekat! Eh, nama main bulu mata sepiak kiba nya tak lebat agi ari ka ba kanan? Hmm, engka sigi baka iya. Nurun meh kami menyanak sembiang udah nya.
Malam nya maya aku ti ka muka bulu mata nya, dia aku tepeda ka sepasang bulu mata ba sink alai aku ka betuchi ka moa. Aieeeee, nama nya enda sama deh? Perening aku baru bulu mata ti dikena aku. Heheh! Paduhal endang salah ambi meh ka sepiak kiba nya! Endang ukai pangan ka sepiak kanan!
Nya meh gara gara aku ti bekena ka bulu mata palsu!
ehehehehe.. lucu ndar gak cerita sebalik bulu mata palsu nuan sist.
ReplyDeleteagi ka nuan ngena ya kini?
Heee...he..he... ketawa lakah-lakah aku ke cerita lucu nuan tu! Kati ko enda, laban aku pan bisi ga enggau meli bulu mata palsu udah aku ke meda nuan ngena enggi nuan leboh maia agi di Miri suba. Ingat nuan tua ke becerita entara pagar rumah aku! Ko meri komen sarinya, enda kempang ati ga tang aku rindu endar meda nuan "daring enough" nguji ke "trend" maia kitai agi biak suba. Au, agi maia dara-dara suba, ko amat nguji ke macam-macam "cosmetics". Bah pulai ngagai bulu mata palsu aku tadi, leboh ko ngena tak enggai lekat. Nyau abis peluh tusur ngelekat ke iya, ni munyi puchau agi, ni ga mata endang enda lansik, tang enggai meh enda enggau gila-gila ngena utai macam-macam. Nyau kepuas lekat ga bulu mata palsunya, tang tak gatal kulit mata. Enda berasai gusok, nama.... tingkil meh tudah! Amat lansang endar ga ngejar pengawa ma udah tuai tu! He..he..he.. Anyway, keep up with the fashion fab, there's no age limit to it!
ReplyDeleteHeheh, meda meh org ngaga diri enda nemu meh sida! Bisi disapu aku enggau mascara meh bulu mata palsu ka sepiak ngicha ka balanced agi gamal, tang agi meh enda balanced!
ReplyDeleteLF, enti beguai sigi enda ulih ngelawa ka diri ngena bulu mata palsu! Nadai jam! Sigi enggai entu lekat enti mina ngarap ka glue asal, nya lah enggai enda meli glue kena ngasoh iya ka agi lekat.
Dellyne, agi aku ngena bulu mata palsu maya ka bisi jam kena masang ka iya ... heheh. Agi mayoh stock dalam lachi!
Makin tuai makin ka agi ngenara ka diri! Heheh. Ni bebeli ka skin care agi!!
hehe...amat nya, munyi ko akak aku makin tuai makin tampak agik pemajik tauka penyigat..kati ndak nyadi urang indu mayuh macam perengka serta utai dikena ndak lelak ka..tang bisi gak ya ke laki "metroseksual" ko org..bekena ka make up laaa..mayuh gik, t aku utai kena nuchi mua nya bisi meh, nivea for men nyak pen ukai dikena slalu, time management urang laki tuk bisi problem mimit, cey, mentang2 baru blajar design management bak skool tadi eheh..tang aku sigi respek enggau kita ke indu tok, mayuh g tanggung jawab urg indu ari bala ke laki peda aku..eyy..nakat tuk meh ko aku, jengok2 meh blog aku wai...daadadaaaaa...!!
ReplyDeletesigi gaya kitai ka ngemajik kedirik empu...aku kala ngena local skincare,apoo...ngasuh mua aku terkelupak baka kurap...dah nyak alu nemu manah...tapi bila dah badu ngena,alu ka bisi pigmentasi..Teruk amai..diatu dah ngena nutrimetics,ok dah.
ReplyDelete