Bemain Dalam Salji

Baru iya meh tu Duncan saduai Denice meda snow. Naka pengaga ati saduai ulih bemain dalam snow. Alai saduai bemain nya dikumbai Cisco Grove ba atas bukit din, bisi 2 jam ari rumah kami. Taun tu nadai entu mayoh snow. Snow ti alai saduai bemain nyau udah kering, sekeda tempat udah nyadi ais ... lichin endar. Semadi nadai meh nya!

Anak orang endang bisi perangka kena bemain atas snow, tang saduai ngena kerupik carpet enggau papan! Heheh, nadai bisi ngetu meli utai kena saduai nepan enggau belanchar atas snow. Nganti saduai nyau besai agi ila, baru tau bemain enggau utai menyana agi!

Musim chelap taun tu kami kurang ujan enggau snow ... mansi ka taun dulu, kelalu bangat ujan! Tang maya kami ba Cisco Grove bisi ga snow turun ... anang enda aja turun laban ka bisi awan tebal atas langit din. Enti bangat amat enggai ga nyadi, enda ulih pulai kami! Hari pen udah petang maya kami pulai.

Nya pen udah pama, bala anak ulih meda snow serta bemain mimit dia.

Chelap Bulu!

Selalu iya maya winter kami ba California ditu nadai entu chelap laban kami nadai ampit enggau orang besnow. Mina ba bukit din aja bisi snow. Tang taun tu, kami bisi "Big Freeze". Empat malam beturut turut temperature kami ditu a few degrees below freezing.

Big Freeze tu lebih agi affect sida ti nanam citrus .. bala sida buah orange rosak laban kelalu balat chelap. Ko kawan aku tadi, iya bisi meda icicles dripping from citrus trees! Ai dalam dulang alai ansa kami ngirup meku nyadi ais! Heheh, enda ulih ngirup sida semadi ais nya lela dalam panas.

Aku enda tan pansut maya hari chelap lebih agi enti bisi angin. Duncan kena renga enggau angat tubuh laban tiga hari iya bisi bemain ba luar dalam chelap. Engka mega sudden change in weather. Denice nadai apa nama mina eczema (penyakit kulit gatal) iya bisi pansut sebelah lengan enggau kaki.

Pagi tadi maya kami nurun sembiang beguai tama ka kereta laban kelalu chelap. Pulai ari gereja baka nya mega! Heheh. Kitai baru pulai ari menoa angat kati enda tekakah laban hari chelap!?

Udah Datai ba Rumah

Kami menyanak angkat ari KL tumu pagi kena 10 January ngena Cathay Pacific. Kami ngetu enda lama ba Hong Kong sebedau terus terbai ka San Francisco.

Pedis amat sepi aku diatu nepan bilun lama. Engka umur nyau udah tuai ... kaki enda tan dudok lama ...pedis serta penat. Enggai enda angkat suah awak ka kaki enda pedis. Mata enda entu ulih tindok laban ka selalu angkat tambah mega sigi enda nemu tindok dudok! :-(

Sekali tu Duncan pama mimit, enda entu ka besegau dalam bilun ... bisi besegau tang kurang ari ka udah. Denice sigi rindu betitih ka pengawa Duncan.

Kami tumu setengah jam datai ba San Francisco tang bilun enda ulih terangkah, engka enggai enda nganti nitih ripih iya. Nyau ka sejam kami bepusin ba langit din nganti ripih kami terangkah ba padang bilun. Nyau ngelu asai pala! :-(

Kami enda terus pulai ka Galt, tang bemalam ba San Francisco semalam. Enggai nyadi mai kereta laban tubuh agi lelak serta mata ngantok. Malam nya kami nganjong diri tindok pukul 7.30 p.m. Duncan dani pukul 11.30 p.m. alu madah diri "me not sleepy". Nyau diberi ubat ti tau ngasoh iya tindok baru iya tindok baru! :-) Kasih tudah.

Nyamai endar asai udah datai ba rumah. Kami sempat ngetu ba supermarket; bebeli ka sida manok, babi, sayur, teluk, utai ka nadai agi ba rumah din.

Kati baka kita deh? Bisi insur dalam taun baru tu? Heheh.