Pesen Baru Part II

Sapa kala meda pesen tu sebedau tu?

Amat bisi kini pesen tu dijual ba pasar din? Enti bisi, ka kita ngena pesen baka tu? Ngayan ka tanjut dalam kita?

Tauka skirt dikena indu jepun tu chap ba skirt aja? Tauka pesen tu digaga ngena Photoshop?

Pesen Baru

Nadai siko bala kita ka agi dara ka ngansing kasut moden ka diayan aku ditu kutai. Takut tetungkam tauka teterap sebelah pasar ma ngena kasut nya, ko kita.

Mama Doyee madah enti iya diupah, nadai iya enggai ngansing kasut nya.

Ko Licia, enti iya diberi kasut nya, iya ka meram (frame) kasut nya awak ka tau nyadi bantang randau temuai ngagai rumah iya.

Nama runding kita pasal pesen baju tu? Sapa bala kita berani ngansing pesen tu? Designer label, you, baru udah dibantai maya London Fashion Week tu tadi.

Aku ka ngansing baju tu tang aku ngena baju kot ba luar. Baju kot nya enda tau dibuka!

Blog Promo

Aku ngelalu ka penatai Kumang Malai a.k.a Lyana ka dunya blog! Woohoo!

Aku sigi lama udah mai iya enggau betulis ka blog tang iya selalu madah enti pasal ngena computer iya sigi enda entu berapa, selalu minta tulong anak tauka laki iya! Nyah, sapa orang nulong nuan ngaga blog tu? Nadai nya pedis, enda?

Kami duai Kumang Malai a.k.a Lyana endang bekaban (2nd cousin actually), kadang-kadang bisi ga betulis email, kadang-kadang betelipun ga enggau pangan diri enti udah lelengau ka ninga nyawa pangan diri.

Aku bisi udah nemuai ngagai sida menyanak ba menoa Peranchis din, ah, taun 1995 enti enda salah ingat aku. Manah endar aku dibai orang raun meda menoa Peranchis. Bisi endar asai aku aku ka nemuai ngagai sida menyanak baru tang sekali tu aku mai bala anak enggau apai tuai aku. Enda meh nya baka asai aku ka agi dara kelia nemuai menoa Peranchis. Nadai meh aku ulih ngerek lelaki Peranchis ka sigat enggau agi bujang!

Bah, aku mai bala kitai bela meri peransang ngagai Kumang Malai alu ngabas blog iya ka benama Randau Lyana.

Welcome to the world of blogging!

P.S. Laban ka enda berapa iga beblog, bisi salah tekan tudah Kumang Malai. Udah betukar url enggau nama blog iya nya.

Kerigai Janik Panggang

Anang meliur, au? Tu meh gamal kerigai janik panggang dempa kami menyanak lemai ari satu tu tadi.

Nadai mayoh macham resipi iya. Mina diunsut enggau McCormick Roasting Rub dalam butol .. lada, garam, bawang burak, rosemary, chabi .. engka bisi utai bukai meh dia. Udah nya diunsut aku enggau orange marmalade, alu panggang sejam.

Tau kita nguji ma ka. Sedap sampai menjilat jari! Woohoo!

Kasut Moden

Enda nyelai gamal kasut tu peda kita? Ka kita ngena pesen kasut baka tu?

Enti nya aku, tau enda. Nadai aku nemu ngena kasut baka nya! Bisi hari telichok kaki, terap sebelah pasar ngena nya maya shopping!

Selamat Hari Valentine

Selamat Hari Valentine nuju bala kita samoa!

Nya gamal bungai rose diterima aku ari apai tuai aku. Ni bala kita bisi nerima bungai rose enggau cokelat?

Aku mina bisi meli cokelat ka bala classmate saduai Denice enggau Duncan, bala cikgu saduai enggau meli ka Kathy, tutor saduai.

Aku empu sigi enda tau makai cokelat ... err, mimit aja tau, tang sigi enggai, takut blood sugar niki! Rugi asai, neh!

Sekali agi, Selamat ngintu Hari Valentine!

Manok Panggang

Pagi tadi aku bisi nurun shopping ka supermarket. Celery udah abis ... enggai nyadi enda meli baru enti ka ngirup juice celery carrot!

Meda rega manok siko enda bulih $4, meli aku siko. Tau dipanggang ko ati. Taja aku nemu manggang sida manok kulok, aku amat enda kala manggang manok!

Issh, main lantak aja, nadai ngena resipi. Temu unsut seasoning salt, udah lah.



Tu gamal iya udah mansau. Apin disepi, lemai lagi makai iya! Udah nya lagi tau ga nguring retak panjai. Kutai aku meli iya tang alu apin dipandok. Guring enggau teluk, udah lah, kiroh mayoh macham! Haha.

Ila aku ka nguji manggang manok stail panggang china. Enda aku nemu chara manggang stail baka nya, sampai kulit iya crispy. Sapa bisi resipi tau magi, ngambi ka aku tau nguji ditu!

Ooii, cherita makai aja eh! Ni ka slim tubuh!

Roti canai enggau juice celery-carrot

Aku bisi macha ba bup siti, celery manah dempa orang ka bisi sakit tinggi darah. Aku tu bisi enggau orang sakit tinggi darah laban bisi endar purih!

Bekareh meh aku tu tadi meli celery kena ngaga juice. Empat batang celery sahari ko bup nya, tau nulong nurun bp. Champur enggau carrot, ko bup nya agi. Au meh.

Bantai juicer ti lama dah disimpan dalam cabinet. Laban ka bisi sakit kencing manis mimit, nadai meh tau enggau orang ngirup ai manis agi deh. Juice buah buah ka manis ... forget it!


Tu gamal juice celery campur enggau carrot. Isssh, dua igi carrot kelalu mayoh. Nadai asai celery agi! Asai carrot aja!

Sahari tu aku ngaga juice ari lima batang celery, sigi carrot enggau setengah tunjok pemesia lia. Akai, nya baru bisi kick juice celery carrot nya! Hehehe.


Maya aku ka shopping meli buah petai kutai aku tepeda ka roti canai/paratha buatan Malaysia. Kala ninga roti canai dikumbai Asian Pancake? Haha, ketawa aku macha nya!


Tepantup ka nyawa makai roti canai frozen tu! Roti canai nya bedau mansau. So simpan dalam kali mit, mansau sepiak, kalih, mansau udah lah.

Ahh, udah nya ngirup ai celery carrot! Sihat tubuh, oii, kenu lah! Heheh.