Enggai Tindok

Sigi merinsa endar laban jet lag. Bala anak, siang tinduk, malam bejaga. Pagi tadi, pukul dua pagi, mata bala dah peli-peli. Pukul empat pagi dah ngaga utai dempa. Kapa kiroh nguji tindok agi!

Pulai kami sembiang enggau shopping pagi tu tadi, Denice saduai Duncan nganjong diri tindok. Nya baru iya tindok! Ari pukul dua belas tengah hari datai ka pukul tujuh malam! Ni mata nya ka tindok malam tu lagi! Bejaga baru bala!

Demalam kada bisi empat jam aku tindok. Aku mina sempat tindok sejam tengah hari tu tadi. Dani ari tindok nganjong indai aku ngagai salun bok, alu aku empu pen sempat ga nuchi bok ba salun. Tang kami duai enda ngagai salun ti sama. Iya ngagai favorite iya, aku ngagai enggai aku ga!

Aku diatu, semadi ngetat diri meh enda tindok. Ka endar asai mata tindok tang bala anak apin lama dah dani. Enda aku nemu maya saduai tu tindok baru malam tu lagi!

Kami angkat ka rumah panjai ari tiga tu ila. Arap ka ulih ngabang ngagai sida Cathess, Grace enggau Chris maya gawai tu ila.

Ni bala kita bisi mindah gawai tu ila?

Selamat Hari Indai

Selamat ngintu Hari Indai ngagai bala indai-indai ti bisi mansa ditu. Arap ka kita gerai serta lantang ngintu bilik kita!

Nuju indai aku ti kesayau - I love you!



Send this eCard !