Ba menoa kami ditu, enti nuan sakit, nuan enda naka ati mupok ka klinik lalu betemu enggau lutor. Nuan enda tau enda ngaga appointment dulu sebedau betemu enggau lutor! Amat merinsa sepi aku atur baka tu. Malam hari empat nyin kemari aku enda ulih tindok laban pedis perut, di pelaba aku sakit jugal. Semalam malam datai ka pagi, agi ka pedis perut aku. Makai ubat ti ngelama tu ngasi ba aku pen nadai bisi insur. Pagi hari lima aku endang udah bisi appointment mai Duncan betemu enggau lutor. Betelipon meh aku ka opis lutor engka tak ulih betemu enggau lutor maya aku ti nganjong Duncan. Pei!! Ni bisi ulih, udah penuh appointment lutor sahari nya!
Tudah Duncan di bai betemu enggau lutor laban di peda kami duai Doug bisi utai kembai ba rekong iya. Ko lutor tonsilitis .. enda nemu nama nya dalam jako Iban. Nadai ngachau ko lutor, enti nadai nyekat seput tauka nyekat nelan maya makai. Pulai kami ari lutor, ngambi Denice ari sekula iya. Datai ba rumah nemu nya Denice ga angat isi. Apu, naka meh nya, sakit magang magang bala anak aku! Malam nya mutah tudah Denice. Siko tu ma udah angat isi enda tau enda bisi mutah.
Tumu pagi tu tadi aku talipon ngagai klinik engka tak ulih di bai pagi nya betemu enggau lutor. Duncan endang dua bulan udah batuk lalu demalam enda tindok iya laban batuk. Ko lutor, maya kami mai Duncan hari lima nyin kemari, enti batuk iya nadai insur, bai betemu enggau iya baru. Nasit endar ga pagi tu, bisi kosong appointment lutor alu ulih di bai saduai ngagai klinik.
Aku ka endar mut mut pasal chara kitai betemu enggau lutor ditu. Amat meh chukop macham penyakit tau di ubat ditu tang enti ka betemu enggau lutor baka ti ka betemu enggau Agung! Pama agi kitai di Malaysia din, barangsapa lutor tau alai kitai betemu enti udah sakit. Asal bisi duit aja kena berubat, enti nadai duit spital perintah bisi alai nganjong diri. Ditu enggai enda bisi insuran baru tau nganjong diri berubat. Sekeda lutor enggai di bayar enggau duit. Mesti ngena kad insuran. Tambah mega enti udah sakit amat amat datai ka bebuntas, puluh ribu bayar iya, nya meh enti nadai insuran enda ulih meh tudah kitai berubat. Tang enti nganjong diri ngagai bilik emergency ba spital nadai ga orang enggai nerima kitai masuk spital. Nya meh bilik emergency ditu penuh enggau orang ti masuk sechara haram ngagai menoa tu... iya ga sida nadai insuran tambah mega nadai duit kena mayar lutor pribit.
Chisss, amat enda berapa! :-)
apu pedis amai ne kita dia..mujur ditu enda bakanya..aku pen demam meh puteri bedau agi ke klinik nadai cukup masa mina makai ubat pharmacy aja..engka musim demam diatu..
ReplyDeleteBah - pedis amai bakanya. Hope it does not reach that stage here. I remember at one time one of our longhouse folks has appendicits in the middle of the night (20 km by river from the nearest town (Pasar Song). The relatives had to take him on a boat in the middle of the night (risking their own lives as there are no such things as street lights - just on the moon shine). Back to the US, is it standard practice also in the Interior of the States? I thought they are more lenient there.
ReplyDeleteThat is how medical care is managed here ... but by law the hospitals cannot turn away anyone who turns up in their emergency room. Of course all medical emergencies will be attended to at the hospitals.
ReplyDeleteIf you owe the hospital money for your medical treatment and don't pay your utang, your financial credit can be ruined .. any unpaid bills that end up at collection agencies (companies paid to collect debts from people) can really ruin your credit standing.
apu!balat ga ka ngidup ka seput ba menua org putih. Ko kitai nyamai din. ish...
ReplyDeleteBut the scenario ba local Govt hospital is, enda tentu badas. Aku udah jera suba diberi ubat sengapa, dipadah ka lutor sakit nadai balat. akai ubat, jari gegetar, nadai ngawa ko lutor. Di tat ka aku meh for weeks, pulai ke kampus baru nganjong diri jengap-jengap ngagai Pusat Kesihatan Universiti. Nyau dianu lutor aku laban bronkitis aku udah kelalu balat nambah ubat ti diempa sebedau nya enda ulih diempa aku. Nyau ngena ubat spray ga aku. Ukai lutor ngubat, tang nyau munoh. :(
That's why I don't trust them, nadai ngawa bebayar lebih, amat meh seput agi ulih ditampong.
heheh, enda tau bejako pasal penyakit enti udah munyi nya, Jatt, alu ka bejangkit! Arap ka mina nyilu bulu aja meh, anang nyadi penyakit.
ReplyDelete