Bingong

Mayoh endar ulah bala anak sahari tu! :-( Tekaung kaung. Akai, bingong untak ninga utai ngemalat nya!

Ni ka berebut ka ayam, ni ka bepinta ka utai, ni ka bejuk juk pangan diri .... Ka makai pisang, beri pisang, abis dempa, minta baru .. udah nya di pichit pisang enggai agi makai. Tekaung kaung minta turun ari kerusi (high chair) ... udah turun ka bemain ka ai, ka masu jari kenu, tang enggai angkat angkat ari ti bejelangkit ba dulang ai! Udah nya bira, enggai di tuchi burit .. belanda kin kitu mai tai ba pampers! Akai!

Tudah Mag nye ninga anak ti rauh rauh ba telipon! Heheh. Multi-tasking meh tudah aku .... bejako ba telipon enggau Mag, berara ka anak, begaga ka tusu.

Sigi baka iya beranak mit, neh! Encha nemu hal tu laban bisi anak mit ga. Mag nemu meh laban ka udah beranak mit suba. Enggi aku nye double-trouble laban ti se-umur .. mina 2 bulan aja entara umur saduai.

Bah, kini agi ka chuti, kena ngelantang ka ati? Heheh.

Nya sekeda main bala anak.

Nipomo/San Luis Obispo

Ujong minggu tu tadi kami menyanak bisi ka Nipomo/San Luis Obispo. Sida entua aku diau ba Nipomo. Kami bisi mai pangan aku, Catherine, kin mega. Penyauh Nipomo ari rumah kami 295 batu (474 km). Pengelama kami ba rantau jalai 5 jam setengah.


Tu gamal wind farm ba nanga jalai I 580 nuju San Jose/Milpitas. Kami nengah jalai tu laban Catherine diau enggau anak menyadi iya ba Milpitas. Duncan rindu endar berati ka windmills nya. Bendar endar iya ngelara ma meda windmills.

Kena hari minggu kami bisi bejalai ba pasar San Luis Obispo. Aku nadai entu ngambi gambar ... tu gambar sungai ti mansa pasar San Luis Obispo. Manah endar alai tu laban bisi di gaga alai orang bejalai niti sungai .. siti ba tebing, siti atas mimit tisi bukit.

Doug, Catherine, enggau bala anak. Anembiak ti bok pirang nya anak menyadi Doug. Hari maya nya enda entu chelap tang ma bisi angin, chelap ga asai iya.

Bala anak bemain ba fountain ... berimbai enggau amphitheater depan Mission ba San Luis Obispo.

Kami ngetu makai tengah hari ba Bon Temp, restoran makanan cajun .... makanan ari Louisiana. Sedap endar makanan cajun .. bisi mai tapau pulai, enda alah empa!

Balat pengelelak Denice .. tengah makai potato chip iya tetindok! Heheh. Maya kami mansang ka San Luis Obispo, iya tetindok makai cracker ... baka nya ga gamal iya. Mula mula kumbai aku cousin iya nyimpan roti nya ba mulut iya!

Agi kenyang asai perut, malam nya nurun baru makai steak ba McClintock's .... tempat tu popular endar, tambah mega mar! Enti enda tegal aku nagih Doug, engka enda iya mai aku makai dia! Heheh. Sorry nadai gambar kami makai .. mina ba camera Catherine.

Pagi siti sida entua aku mai kami makai pagi ba Cowgirl .. menyadi biak Doug enggau anak indu iya bisi betemu enggau kami ba restoran nya. Iya ka berimbai enggau Doug, nya menyadi iya ka biak sekali. Indai ka bok pirang nya nadai enggau kami.

Udah kami pulai breakfast, kami alu bekemas ka barang udah nya alu pulai ... ka Milpitas dulu nganjong Catherine, udah nya ka Galt. Ngam ngam maya kami pulai ari Milpitas rush hour .. apu balat ga pemayoh kereta! Sepatut iya mina sejam setengah penyauh Milpitas ari Galt, tang laban traffic jam, nyau dua jam setengah baru kami datai rumah! Issshhh, amat enda berapa!

Summer tu ila bisi kami ka Nipomo/San Luis Obispo baru. Ka camping ba tanah entua aku ... mai bala pangan ari Galt. Ka pegi target shooting. Ila nyerita iya. :-)

Ka Kita Enggau?

Gambar tu di ambi ba menoa Venezuela kena hari minggu tu tadi. Ka kita enggau orang begambar telanjai baka tu? Hehehe, ka pen sekeda kita enggau, tang sangka aku, ba Malaysia din permit begambar mayoh baka tu endang enda di setuju polis! Heheheh. (AP via Yahoo News)

Udah Pulai

Temuai aku udah pulai .. pulai ngagai rumah anak menyadi iya di Milpitas, California. Pangan aku tu pulai ka Kuching kena bulan empat tu ila. Ko iya, enti aku bisi ka Kuching dudi hari ila, anang enda bemalam ba iya. Ngelama tu aku bemalam ba rumah pangan aku ba St Faith's flat/vicarage. Diatu aku udah bisi anak dua iko, enggai nyadi bemalam ba pangan aku ba St Faith agi. Pangan aku nya udah bisi empat iko anak. Apu balat utai munyi dia enti di tambah enggau anak aku empu!

Kami sebilik endang bisi ati ka pulai ujong bulan lima tu ila, lalu enti nadai penanggul lalu enggau sida apai indai aku ka menoa .. Nanga Drau, Saratok.

Tang diatu bisi penyakit HFM, errr, enti bulan lima tu ila penyakit nya agi bisi di Sarawak, engka enda nyadi pulai maya nya. Takut endar aku berunding ka penyakit nya ngerampit bala anak aku. Saduai agi mit, endang maya iya penyakit nya tau nganu.

Sinu endar macha pasal bala anembiak ti mati tegal penyakit nya. Ari ni penyakit nya datai, neh. Iran endar ati berunding pasal chukop macham penyakit. Agi mit suba nadai kala ninga penyakit baka nya. Kati nadai bisi vaccine kini kena kitai ngenan anak mit ari kena jangkit penyakit nya? Arap ka bisi meh dudi ila tetemu ka vaccine kena kitai nuchok anak kitai awak ka enda kena rampit penyakit HFM agi.

Pulai baru ngagai cherita pangan aku ti baru nemuai tu tadi. Kami duai sempat ngaga siti quilt, tang bedau entu tembu .. mina ka nyait binding nya agi laban enggai enda di jait ngena jait jari, awak ka manah agi di peda ... baka reti kitai nyait hem ba skirt.

Minggu baru kami ka ke Nipomo, alu mai pangan aku nya. Sida entua aku diau di Nipomo. Lama udah kami enda kin ... ka ngena peluang tu mai pangan aku meda menoa din. :-) Maya nya ila aku meri quilt ngagai iya .. guarantee udah tembu maya nya ila!

Tu iya quilt digaga ka pangan aku, Catherine.

Temuai

Minggu tu aku bisi temuai. Nadai entu bisi hari ka nunga computer serta betulis ka blog.

Pangan aku nya ari Miri suba tang diatu udah pindah ka Kuching. Iya ka California nganjong menyadi laki iya pindah. Ka samoa anak menyadi iya tu diau ba menoa kami ditu .. 3 iko ba California siko ba Nevada. Meda anak iya ditu magang, bini pen udah lama nadai, ka ga iya pindah kitu bai bala anak iya. Anak iya ka tuai sekali udah nyadi rakyat orang ditu nya ulih sponsor apai iya migrate kitu.

Hari enam tu tadi kami bisi ka mai pangan aku ka Celtic Faire tang ko weather forecast, hari enam ba endor Faire nya ujan serta bisi snow. Meda nya baka nya, enda kami nyadi nurun .. pedis berangkut ka anak ngelaban ujan.

Lemai kemari udah pulai sembiang kami duai berengkah ngaga quilt siti ka iya. Ari taun 2004 kutai iya bisi ngasoh aku ngaga quilt ka iya, heheh, alu ga enda! Orang udah nagih ka pen enda, gaga dia meh quilt!

Sahari tu lagi, kami duai ka shopping. Ka ngiga sekeda perengka ti enda chukop kena ngaga gelik marik crystal. :-) Dua pasang antin crystal udah tembu di gaga.

So what else is new eh?! Tiap iko pangan aku ti bisi nemuai ngagai aku endang sigi bisi mai gelik tauka antin pulai!

Rindu ga aku bisi pangan aku ditu .. bisi ga orang enggau beloyar bekenang ka bala pangan ti agi di Miri din. Bekenang meh ga bala sida ka rebak apai indai kami ti udah nadai. :-(

Ngarap ka lebih mayoh meh bala pangan aku ari Sarawak ulih datai nemuai aku kitu ila.

Cherita Industan

Berapa iko orang putih temu kita rindu makai durian? Makai laksa Sarawak? Meda cherita Industan? Heheh, Douglas sigi rindu ka samoa utai nya!

Tengah hari tadi aku masang DVD, cherita Industan. Semadi nadai entu pengawa, ka rilek mimit, sambil makai pizza dudok meh kami duai meda cherita Shah Rukh Khan benama Swades. Bala anak udah tindok, lelak pulai sembiang. Douglas ka gawa ba luar, enda ga ulih laban hari ujan.

Maya kami ti meda cherita tu, bisi telepon pangan aku ari Florida. Douglas nyaut telepon, tang sebedau nya, iya nekan button pause ba DVD player ... ooii, enggai miss mimit cherita nya lah!

Ukai kitai sama enda nemu, cherita Industan sigi panjai nyau lebih 3 jam siti cherita. Bala anak tedani diri agi meh cherita Industan nya bemain. Bira' meh anak, ok, tekan button pause, nukar diaper anak dulu. Anak ka makai epal, ok, tekan aja button pause. Apu, udah ga cherita nya panjai, ngetu berapa kali agi, nyau petang hari baru abis cherita!

Aku ka ketawa ninga Douglas betelepon enggau pangan iya ti diau ba Kansas. Tedinga ka iya nyerita cherita Industan ti baru di peda iya. Hahaha, pangan iya nya ukai kala meda cherita Industan!

Nyamai endar diatu, ka meda cherita Industan, tauka ka meda cherita China endang sigi bulih ditu. Aku kira ka baru start bepeda ka cherita Industan enggau cherita China .. mina sekumbang aku start nginjau DVD ari Netflix.