Cherita Semadi Nadai

Seminggu minggu tu aku kiroh bejait, benong ngaga quilt ngena kain batik. Batik ti dijual ditu endang manah amat, nadai aku udah meda dijual di Malaysia din. Tang aku bisi ga ngena batik buatan Malaysia, dibeli aku di KL dua taun ti udah. Engka minggu dudi tu ila tembu quilt tu.

~ ~ ~

Hari kami ditu majak panas. Seminggu minggu tu tadi pengangat hari ditu manggai 40 degree Celcius. Kitai di Malaysia din enda kala ngasai pengangat baka tu. Ko kawan aku ari KL ti bisi ngabas kami ditu maya summer, "Nadai nemu utai pengangat tu, ukai alai diau menoa kita tu". Haha. Amat, enti nadai air-con sigi merinsa diau ba menoa tu. Tang ma mata panas udah padam, jampat endar hari chelap. Ba langit din nadai entu awan, nya iya jampat chelap ma hari udah malam.

~ ~ ~

Minggu nyin tadi anak aku bisi enggau orang sakit HFM. Huh, sakit HFM?! Au, sakit hand, foot and mouth meh tudah saduai. Aku pen enda nemu dini alai saduai bulih penyakit nya. Nasib saduai nadai ngerampit bala nembiak ba sekula sida. Ko doktor penyakit nya nadai tau nganu .. mudah ngerampit orang tang nadai nganu. Duncan bisi ga angat tubuh, tang mina dalam nyawa iya aja bisi meletur. Udah Duncan gerai Denice ga kena, tang enggi iya ba mulut/nyawa, kaki enggau jari. Tubuh iya nadai ga tabin laban nya.

~ ~ ~

Dua hari tu aku gila bedownload ka lagu Indonesia .. Naff, Ada Band, Nidji, Gigi, Sheila on 7, Radja etc. Heheh, ukai ori lah .. cetak rompak! Sempat ga bulih album terbaru Siti, Transkripsi. Heheh.

~ ~ ~

Naka tu aja cherita semadi nadai. :-)

Gambar Ansa

Gambar diambi minggu nyin tadi.

Gambar diambi pagi tadi. Jampat endar sida besai. Baru sebulan umur sida, pemesai nyu pemesai manok. Ba sayap sida nyau udah bisi tumbuh bulu kering tang ba tubuh agi bulu alus.

Rindu endar meda anak ansa betitih ka apai indai sida.

Makai Malam

Demalam kami menyanak bisi nganjong diri keluar makai kena ngintu Hari Apai. Ko jako ka makai steak tang leboh datai ba Texas Roadhouse kami meda orang agi mayoh nganti dia, kami alu nganjong diri ka restoran cina.

Ba restoran cina pen mayoh orang tang agi ga bisi alai dudok. Bisi orang kawin ga dia tang sida mina ngena separoh ari restoran nya.

Akai balat ga penginggar bala sida ti ngerami orang ti kawin nya. Ni ka bepangkong ka gelas, ni ka bekaraoke meh dia. Bingong aku ninga. Tang Duncan rindu endar, betunda ka orang belagu meh iya, betempik ka jari ma ninga orang betempik ka jari. Haha.

Enti lauk di order enda nyamai sigi sendat rekong makai, tang laban lauk nyamai endar, tau ditat penginggar bala ti rami dia.

Nya aku bepikir, bala orang cina, ukai bejai ka bansa sida, sigi sebaka dini aja sida diau .... sigi inggar ma udah begempuru! Heheh, bala Iban enda baka nya ga? Lebih agi inggar ma udah palau! Haha.

Jako Peranchis

Bonjour. Comment ça va?
(Hello. How are you?)

Aujourd’hui est le jour de père. Le jour de père heureux a mon père.
(Today is Father's Day. Happy Father's Day to my father.)

Haha, nya iya aku nguji nulis ngena jako peranchis! Anang ketawa bala kita ti macha blog aku sahari tu.

Amat ngumba endar betulis ka utai ngena jako peranchis, kada ka nemu?! Heheh. Sekumbang aku bisi iPod aku begiga ka utai ti tau di download, alu bisi tetemu ka podcast alai kitai tau belajar ka jako peranchis, Beginner French.

Hari enam tu tadi aku bisi bejako enggau petunggal aku ti diau ba menoa Peranchis. Aku bisi madah ka iya aku ka belajar bejako peranchis .. haha, aram meh ko iya, ila aku ngajar nuan! Haha. Mupok meh nya.

Kati ko aku tau belajar jako peranchis enti nadai orang enggau aku bejako peranchis? Amat pedis. Siti chara kena aku meransang ka diri iya nya bepasang ka tv peranchis ba internet. Haha, mina ngelala seleka dua utai disebut orang dia! Ba penemu aku nya siti ari jalai aku pritis ninga jako peranchis ... engka tak bisi ngait utai didinga aku ila! :-)

Macha tulis jako peranchis pedis amat sepi aku. Laban tulis jako peranchis tu ukai ngena bahasa baku. Lain spiling iya, lain ga sebut iya. Munchong mulut besebut ka sekeda leka jako peranchis! Ka endar ngasoh diri ketawa ngeripit utai dipelajar.

Rindu ga ah, belajar jako bukai. Aku bisi ati ka belajar jako jepun ga .. engka dudi ila meh. Haha.

Salut.
(Hi/Bye)

Update: Anak Ansa

Anak ansa diatu tinggal 10 iko aja. Pagi tadi meda siko melepung atas ai dalam bisin. Kasih tudah tama dalam bisin ai, enda nemu mansut ka diri agi. Lemas meh tudah. Umur bala anak ansa baru 3 minggu tang sida besai gamal.

Arap ka nadai agi meh sida nya nyau baka nya.

Anak Ansa

Ansa kami diatu udah beranak. Sebelas iko anak ansa! Lebih lima puluh igi teluk ansa nya, tang lebih ari empat puluh igi digumpul kami serta dempa.

Udah nya kami ka nguji meda enti teluk nya tau nyadi anak. Kami bisi macha ba internet, ko orang, taun keterubah teluk ansa "infertile". Nguji aja lah kami, meda enti nyadi. Sebulan ansa indu meram teluk dua belas igi. Sigi aja teluk enda mechah.

Ari sida sebelas iko nya, siko enda entu sihat maya iya mechah. Engka iya dudi sekali mechah. Tambah mega, hari sida mechah, hari ujan. Tudah ka enda entu dapat, enda ulih bejalai, mina ranggak ranggak begetar ba babas enda entu ulih nitih sida bukai. Meda nya baka nya, dibai kami kedalam rumah, simpan dalam kutak udah nya di engkah lampu berimbai iya dia, ngambi ka ngangat iya.


Siko nya meh nyadi "ayam" saduai diri menyadi! Nya ko aku, enti bisi penyakit avian flu, sigi baka nya meh bala kitai mensia kena jangkit. Besium ka anak ansa ulah saduai iya!

Bisi endar dagin ansa dempa dudi ila! Heheh, engka manggang ansa Thanksgiving ila .. enda iboh manggang manok kulok. Kasih sida ansa! :-(