Makai Malam

Nah, tu iya gamal prawn mee pandok aku lemai tu tadi. Tau dikenyadi. Umbas iya penyamai kuah iya. Baru iya aku nguji mandok prawn mee. Seminggu minggu tu aku tengok ka prawn mee. Meda nya bisi kangkong, undang enggau tulang babi, ka ga aku nguji. Tang aku enda nitih resipi laban enda chukop jam. Siti aja aku enda ingat .. minyak chabi. Kira nadai entu kick meh mee aku sahari tu.

Ditu alai resipi enti bala kita ka nguji. Dudi ila ka aku ngaga prawn mee nunda resipi tu.

Kuyok

Akai agi pedis pegu aku. Enti diurut, nyamai endar asai iya. Ubat sigi bisi diberi lutor tang ma udah dempa, mata alu ngantok. Nya lah mina malam hari aja aku bepakai ka ubat nya. Tambah mega ubat nya sigi ka ngasoh perut bepedi. :-( Ubat ti ngasoh gastrik gerai dempa ga tang ubat pedis pegu nginsil ubat ti ngerai ka perut! Enda berapa!

Nyamai endar ga bisi kuyok. Ney, tampal aja kuyok ba pegu, medua iti ditampal dia! Heheh. Mina iya isi enda tan ditampal kuyok kelalu lama. Sahari tu betampal enggau kuyok pagila enda ulih agi. Isi enda tan.

Ah bejako pasal isi ... sekumbang aku bekena ka produk Beauticontrol, berupai endar insur kulit moa aku! Nyau dua bulan udah aku bekena ka skincare produk Beauticontrol. Enti enda tegal tai lalat ti kelalu mayoh ba moa, sigi lichin endar kulit moa aku. Enda kala aku meda moa aku meresi nya. Tak bula munyi iya tang maya murus moa alu ngasai pengalus iya, ehh, enda bula!

Tu tadi maya aku betemu enggau lutor, gaga asai ati ninga iya nyebut, "I thought you were younger". Lutor nya indu, tinggi besai, bok pirang bejako ngena accent orang asal ari menoa Russia. Tentu iya biak ari aku! Heheh.

Betemu Lutor

Pagi tu tadi udah aku ngangjong bala anak ka sekula aku alu ka Flea Market meli sida sayur enggau ikan. Akai chelap endar hari laban puput angin! Seminggu tu kami nadai masang heater dalam rumah laban hari udah mupok angat. Tang kemari enggau demalam hari bisi ujan tambah angin, nya ti ngasoh hari chelap sahari tu.

Udah aku datai ba rumah aku alu telipon ngagai klinik ka ngaga appointment kenu. Tang misi ti bejako enggau aku, takut ninga "penyakit" aku alu madah lutor ulih betemu enggau aku dalam sejam. Beguai meh aku alu mupok ka klinik.

Nama penyakit aku nya? Heheh. Nyau ka dua minggu tu aku udah ensepi pedis ba pegu enggau ba belakang semak pegu. Tambah mega degup jantung aku ka endar deras (palpitations). Bisi dua tauka tiga kali sahari jangtung aku nya nemu deras degup iya. Takut aku, engka tak kena heart attack ila!

Tang ko lutor nadai bisi apa nama enggau jantung aku. Diberi iya EKG meh aku nya tadi, normal gamal graph peda iya. Nama temu aku pasal macha graph neh! Peda bakanya aja meh! Pemedis pegu aku nya, ko lutor, laban muscle pain. Enti munyi nya lantang meh ati aku. Iissh, enggai aku kena heart attack! Anak aku agi mit, kasih meda sida enti indai sida ninggal sida!

Ko lutor kebuah degup jantung aku nya ka laju engka laban stress tauka anxiety. Aieee, nadai ga asai aku tu irau pasal nama nama!

Siti agi penyakit aku nya, sakit gastrik. Perut selalu pedik apa agi enti salah utai dempa tauka laun makai. Beri ga ubat kena ngubat penyakit nya. Tiga bengkah ubat dibai aku pulai ari pharmacy. Dua igi kena ngubat pedis pegu, sigi kena ngubat sakit gastrik. Pasal degub jantung ti laju nya, err, nadai ubat. Learn to relax ko doctor. Mina diberi iya surat dibacha, pasal chara kitai tau reduce stress and anxiety.

Aku dianjong lutor ngagai lab mega awak ka diambi darah ... bisi lah test ti deka digaga sida. Enda aku nemu nama test nya .. bisi ngecheck pendiau thyroid aku meh.

Aku diasoh lutor exercise meh. Aku tu sigi bansa orang malas exercise. Kelalu mayoh utai bukai ti ngerindang ati! Nadai hari ka exercise! Basikal kena exercise bisi tang nyau alai ngantong sida beg enggau gari sida handle basikal nya! Kekekek.

Ah, nya meh, bala kita ti bepengerai anang enda ngintu pengerai diri empu. Ma bisi kena penyakit baka kencing manis lagi ukai nya ulih diubat. Aku tu endang bisi purih orang sakit tinggi darah enggau kencing manis. Pasal tinggi darah nya aku endang udah bepakai ka ubat kena ngontrol iya. Kami diri menyadi tiga iko udah bepakai ka ubat tinggi darah. :-( Anang kelalu bepakai ka utai manis, tauka udu nginsap tauka ngirup. Tau mai penyakit dudi hari ila.

St. Patrick's Day Dinner

Sahari tu orang di Amerika ngintu St. Patrick's Day. Pemakai kena orang ngintu hari tu iya nya corned beef enggau kubis. Taun tu kami ngundang Kathy saduai Richard makai ba rumah kami laban taun dulu saduai udah ngundang kami.

Tu meh gamal pemakai ti disedia aku kena ngintu hari St. Patrick.

Corned Beef dipandok ngena guinness stout.

Irish potato casserole

Richard saduai Kathy. Duncan enggai tinggal begambar.

Doug saduai Kathy ngirup Irish coffee, tang aku enggau Richard ngirup Bailey's Irish Cream.

Corned Beef and Cabbage in Guinness

4 hours 20 min prep
6-8 Servings


4 lbs flat cut corned beef briskets
1 (12 ounce) bottle Guinness stout, draught
1 medium yellow onion, peeled and cut into wedges
3 cloves garlic, minced
1 bay leaf
1/4 teaspoon ground cinnamon
1/8-1/4 teaspoon ground cloves (to taste)
1/4 teaspoon ground allspice
1/4 teaspoon ground black pepper
1 head cabbage, cut into wedges,rinsed and drained
6 medium white potatoes, peeled and quartered
1-2 lb carrots, peeled and cut into 3-inch pieces


1. Rinse corned beef under cold water, and pat dry.
2. In a Dutch oven, or other large pot with a cover, brown corned beef well on all sides over high heat.
3. Pour Guinness over the meat, and add enough water to just cover the brisket.
4. Add the onion, garlic, bay leaf, cinnamon, cloves, allspice and pepper to the pot.
5. Bring pot to a boil and skim off any foam.
6. Reduce heat to a simmer. Cover pot and simmer for 3 hours.
7. Add carrots, then potatoes and then the cabbage wedges to the pot.
8. Cover pot, and continue cooking until meat and vegetables are tender (about 20-30 minutes).
9. Remove meat and vegetables to warm serving platter/dishes, leaving the cooking liquid/sauce in the pot.
10. Over high heat, bring the cooking liquid to a boil, and cook until the amount of liquid is reduced by half (about 10 minutes).
11. Slice the corned beef; serve with the vegetables and the sauce on the side.


IRISH POTATO CASSEROLE

Printed from COOKS.COM

2 lbs. pkg. frozen hash browns, thawed
1 c. sour cream
1 can cream of chicken soup
2 c. grated cheese
1/2 c. chopped onions
1 stick melted butter
Salt and pepper to taste

Spread thawed hash browns on bottom of oblong dish, 13 1/2 x 9 inch. Mix sour cream and chicken soup together and spread over hash browns. Sprinkle onions over all, then pour melted butter on onions. Do not mix. Top with grated cheese. Bake at 350 degrees for 45 minutes.

Beterima Kasih Endar

Aku arap bala kita ti bedau belaki tauka bebini, kita tulih ka entua ngemanah enggi aku!

Tu meh gamal van diberi sida entua aku ka kami. Peda pemesai van nya! Lantang endar ma mindah ngena van tu. Bala anembiak ulih rindang laban bisi TV enggau video player dalam van tu.

Sida entua aku nadai entu ngena van tu agi nya lah sida meri nya ka kami. Saduai mina dua iko aja tang enti ngira moto ba rumah saduai baka ka rami orang diau ba rumah nya. Diatu agi meh saduai bisi empat buah moto. Van tu kedua iya moto diberi saduai ka kami. Dulu agi ari tu, van mit agi ari tu diberi saduai ka Doug. Nya meh dikena Doug nurun kerja ninting hari.

Diatu nyau rumah kami ti baka workshop! Moto lama ti enda bejalai agi dah empat buah! Heheh. Agi tau dikena, mina enda pass smog emission test ..

Nyengkaum van ti baru diterima kami nya, err, empat buah meh moto kami diatu. Motorsikal (big bike) bisi sebuah .. utai diberi pangan kami ka Doug.

Lemai kemari entua aku bisi telipon ka aku. Iya madah service hand phone aku deka diputong sementara. Kebuah iya? Iya nganti handphone aku enggau model ka baru! Ah, nya meh gamal phone baru aku .. Motorazr V3XX. Hari enam tu lagi baru aku nerima handphone tu, maya kami betemu ngambi Denice. Handphone aku ti kena aku diatu endang diberi iya mega. Kebendar iya kami tu bisi enggau orang behandphone laban entua aku ti nyangkong kami dalam family plan phone service iya. Kami tu mina ngena aja, nadai ngeluar duit sesen.

Maya kami menyanak pulai ka Malaysia taun dulu, endang bisi tulung entua aku. Enti kitai ngira, bala anak ti selalu agi meri apai indai duit. Enggi kami ditu, apai indai nulung anak! Makai gaji ga Doug nya. Eh, anang nulak rezeki! Beterima kasih aja laban nya berkat Tuhan enti kitai sebilik ka nulong kitai! Enti sida entua aku datai nemuai endang asai ka Santa Claus bisi datai. Ni lah gari, ni lah ayam ka bala anak. Nya lah bala anak rindu endar ma aki ini saduai datai.

Nah, arap ka bala kita betuah baka aku maya belaki bebini! :-)

Kuih Keria

Baru iya nguji ngaga kuih keria.

Tu resipi iya. Click gambar enti ka meda iya besai agi.

Maya aku di Miri ujung taun tu tadi aku bisi meli bup Periplus Mini Cookbooks dikumbai Kuih Asli Malaysia. Rindu endar aku meda gambar kuih dia! Heheh. Baru iya meh aku nguji resipi ba bup tu.

Kuih Keria aku nya tau dikenyadi eh! Patut ditambah agi tepung laban maya aku ngaga lubang iya dough nya agi lekat ba batang senduk. Enda kira, abis disapu aku kuih nya, mina ninggal berapa igi aja ka Doug! Heheh.

Ila aku ka nguji ngaga Serimuka, Kuih Koci enggau Kuih Talam Ubi.

Enda Betah

Hari empat nyin tadi sida entua aku bisi datai nemuai. Maya sida pulai hari minggu tu tadi kami menyanak alu enggau sida pulai. Kebuah kami pulai enggau sida laban ti ka ngambi van ti diberi sida ka kami. Kami mina bemalam semalam enggau sida udah nya pulai ka Galt hari siti mai van ti diberi sida ka kami.

Tang mina kami tiga Duncan aja pulai. Denice ditinggal enggau aki ini iya di Nipomo. Sinu endar ati Duncan. Sepemanjai jalai iya nyabak ka Denice. Iya madah ka diri ka enggau Denice tinggal ba rumah aki ini iya. Kasih endar aku ninga iya. Enda betah iya nadai Denice. Datai kami ba rumah iya nyabak baru. Me want Denice, ko iya. Me miss her.

Ko entua indu aku, Denice gaga endar tinggal enggau aki ini iya. Nadai orang bukai dikiroh aki ini iya. Enda aku nyangka iya betah ditinggal kami. Nadai kala iya ditinggal kediri, mina maya iya baru ada suba.

Lemai kemari aku ka endar ketawa meda Duncan nyabak bediri nunga gambar aki ini iya. Papa Nana, ko iya. Me miss Papa Nana. Sikok sikok nyabak nunga gambar!

Hari enam tu ila baru kami ngambi Denice pulai. Entua aku madah anang kiroh dreba ka Nipomo. Lak ka betemu ba siti tempat, udah nya kami tau pulai ka Galt. Enti enda kami enggai enda bemalam ba Nipomo laban kelalu jauh.

Naka pengaga Duncan meda Denice tu ila. Denice nadai nemu lelengau ka Duncan. Gaga iya nadai orang enggau iya berebut ka ayam!

Manok Panggang

Aku sigi rindu makai manok, enda kira chara iya dipandok. Kari, guring, panggang, pansuh etc! Apin lama tu tadi aku nguji manggang manok begulai enggai tomato, carrot, ubi randau, bawang besai enggau nenas. Manok nya perok enggau garam mimit, oyster sauce lalu ditabur enggau spice seasoning sereta mimit majerin. Samoa tu dipanggang selama sejam. Eh, boleh tahan asai iya udah iya mansau. Tau kita nguji enti ka!

Pengerami Betunang

Lama udah aku ke ngaga post tu tang laban gambar dalam flash card kelalu mayoh, lubah amat ka upload .... hard drive enda chukop memory! No problem diatu laban udah meli external hard drive ... 500 Gb! Nya baru iya! Heheh.

Bulan satu tu tadi, maya kami agi di Miri, kami duai Doug bisi dipanggil ka pengerami betunang. Rami endar pengawa nya, baka pengerami tikah. Tu meh sekeda gambar diambi aku maya pengerami nya.

Sarah saduai tunang iya, udah ka melah kek enggau betukar tinchin.

Gambar pengingat.

Kami duai Doug enggau indai indu ka betunang, sigi geng lama aku.

Joe, ari JoMoto, saduai bini iya, begambar enggau kami duai Doug. Joe endang classmate aku agi sekula kelia.

Enda Berapa!

Your blog is locked

Blogger's spam-prevention robots have detected that your blog has characteristics of a spam blog. (What's a spam blog?) Since you're an actual person reading this, your blog is probably not a spam blog. Automated spam detection is inherently fuzzy, and we sincerely apologize for this false positive.

You won't be able to publish posts to your blog until one of our humans reviews it and verifies that it is not a spam blog. Please fill out the form below to get a review. We'll take a look at your blog and unlock it in less than two business days.

If we don't hear from you, though, we will remove your blog from Blog*Spot within a few weeks.

Huh?! Amat enda berapa endar!! Tu meh utai dipeda aku ba Puteri's Musings maya aku ka ngepost utai dia tadi. Tu kedua kali udah utai tu nyadi. Amat enda berapa endar ga automated spam detection nya!

Berapa mayoh spam blogs ba Blogger, enggai enda kitai ti amat mensia ga kena locked!