Selamat Hari Gawai

Selamat Hari Gawai, gayu guru gerai nyamai nguan menoa ka samoa bala Dayak ti ngintu hari besai tu.

Tu iya lagu Paul Erica kena merindang kitai leboh ngintu gawai taun tu. Lelengau endar ka menoa, ka enggau orang begawai! Huhuhuh! ;-(

Anang Enda Ampit

Kemaya bala kita meda siri TV ari Korea dikumbai Winter Sonata? Aku baru diatu ka meda cherita tu! Aku bisi meli DVD siri tu ari Amazon.com .. kira iya DVD terpakai meh nya laban enti meli baru kelalu mar! DVD tu udah datai tang aku alu bedau bisi hari bepeda ka cherita tu. Aku bisi meda mimit ba YouTube, nya ti ngasoh aku alu ngorder DVD nya! Manah cherita nya ko ati aku. Heheh.

~~~~

Lama endar udah aku nadai begiga ka lagu Iban ba YouTube. Nya meh hari kutai aku tepeda ka mayoh endar lagu Iban udah diupload bala ka YouTube. Iya ka manah dinga aku didownload aku. Ahhhh .. nya lah aku tetemu ka website siti alai kitai tau download video ari YouTube alu tau diupload ka iPod! Oiii, best amat.

Aku bisi mega download lagu gawai ari YouTube ... akai dai, sinu ati ngenang bala menyadi enggau apai indai maya hari gawai tu. Sinu endar ngenang nadai bala Iban bukai enggau begulai ditu. Iya ka ditemu aku, jauh endar ga alai sida diau. Ukai nya baka ti nepan bas tauka express alu datai din!

~~~~

Sapa bisi meda Spiderman 3? Tentu bisi dijual sebelah pasar DVD ciplak! Wayang ka penudi endar dipeda aku ba panggong iya nya Superman Returns. Nya meh, tusah ka nganjong diri meda wayang ... enggai enda ngiga orang ngibun bala anak dulu baru ulih mindah enda bebai ka anak. Cherita Dreamgirls? Aku baru udah meda cherita tu ba DVD, laban ti baru pansut ba DVD. Nya meh, enggai enda nganti iya pansut ba DVD baru ulih meda.

~~~~

Hari minggu tu ila, Mother's Day. Doug ka mai aku dating malam hari enam tang enda tegiga ka baby sitter. Iya ka selalu baby sit anak aku sakit, ditan ba spital. Kasih tudah. Enda aku nemu nama penyakit iya. Duncan saduai Denice sigi rindu begulai enggau iya laban iya siru enggau saduai.

~~~~

Entua aku baru pulai melancong ka menoa China. Bisi bemalam enggau kami semalam sebedau saduai pulai ka rumah sida di Nipomo. Lelak saduai, agi jet lag. Kasih tudah Duncan dani tumu pagi tadi ngangau "Papa? Papa?" Nadai orang nyaut. Sida entua aku tumu angkat ari rumah kami .. aku agi tindok, tang Doug udah nurun kerja. Nyabak tudah Duncan meda aki ini iya udah pulai.

Ko Doug madah ka indai iya, ma apai iya udah enda dapat agi ila, enda ulih mindah jauh, iya ga tau enggau indai iya melancong ka menoa China! Isssshhh, ko aku. Kati aku tu tinggal?! Entua laki tu bisi pedis punggung, pejalai jingka jingka, apin lama udah beputong, tang bisi ga dianjong ka menoa China .. pegeran ati ka mindah meh nya! Enti kitai Iban alu enda mindah agi, madah ka diri enda dapat, takut parai rantau jalai!

Happy Mother's Day!

Cherita Ujung Minggu

Birthday

Hari tiga nyin tadi, Doug ngintu hari pengada iya ka 51. Apuuu, tuai endar nuan neh, ko aku ngenduan iya! Heheh. Kena ngerami hari pengada iya kami bisi ngaga bar-be-cue hari enam tu tadi lalu bisi manggil Kathy saduai Richard, lalu manggil mega sida Noel sebilik tang bini iya enda ulih datai laban ka enda entu bepengerai (ngandung).

Denice, Lily, enggau Duncan

Lily, rangap rangap meda kek!

Kathy, Noel, enggau Richard.

Doug nyepu lilin ba kek.

Duncan meliur meda kek diputong Kathy.

Main Gudi

Hari minggu tu tadi, pulai kami ari gereja, kami bisi ka MacFarland Ranch laban sahari nya orang bisi ngatur Kite Day. Tu baru iya kami enggau orang rami kia. Nya pen enti enda dipadah orang ka diau enda jauh ari kami enda kami nemu pasal Kite Day tu.

Rindu endar ga mega bala nembiak bemain gudi dia. Mina angin enda entu bisi bepuput. Kadang-kadang bisi kadang-kadang nadai, nya meh gudi Denice sekejap terbai sekejap laboh.

Keterubah iya, ngambi perengka kena ngaga gudi.

Udah nya, minta tulong ngaga gudi.

Ahh, tu gamal gudi ti udah tembu digaga! Peda iya terbai!

Gudi bukai ti bisi terbai sahari nya.

Trakter

Tu gamal trakter ba depan aku pagi kemari. Nasib iya ngetu lalu ketisi ngelak ka kereta betunga enggau iya mansa. Udah nya iya alu ngasoh aku mansa iya. Enti enda pia, aku mina ulih nitih iya, enda ulih ngelih iya laban pemesai trakter nya mesai jalai.