Hari tiga nyin tadi, Doug ngintu hari pengada iya ka 51. Apuuu, tuai endar nuan neh, ko aku ngenduan iya! Heheh. Kena ngerami hari pengada iya kami bisi ngaga bar-be-cue hari enam tu tadi lalu bisi manggil Kathy saduai Richard, lalu manggil mega sida Noel sebilik tang bini iya enda ulih datai laban ka enda entu bepengerai (ngandung).
Denice, Lily, enggau Duncan
Lily, rangap rangap meda kek!
Kathy, Noel, enggau Richard.
Doug nyepu lilin ba kek.
Duncan meliur meda kek diputong Kathy.
Main Gudi
Hari minggu tu tadi, pulai kami ari gereja, kami bisi ka MacFarland Ranch laban sahari nya orang bisi ngatur Kite Day. Tu baru iya kami enggau orang rami kia. Nya pen enti enda dipadah orang ka diau enda jauh ari kami enda kami nemu pasal Kite Day tu.
Rindu endar ga mega bala nembiak bemain gudi dia. Mina angin enda entu bisi bepuput. Kadang-kadang bisi kadang-kadang nadai, nya meh gudi Denice sekejap terbai sekejap laboh.
Keterubah iya, ngambi perengka kena ngaga gudi.
Udah nya, minta tulong ngaga gudi.
Ahh, tu gamal gudi ti udah tembu digaga! Peda iya terbai!
Gudi bukai ti bisi terbai sahari nya.Tu gamal trakter ba depan aku pagi kemari. Nasib iya ngetu lalu ketisi ngelak ka kereta betunga enggau iya mansa. Udah nya iya alu ngasoh aku mansa iya. Enti enda pia, aku mina ulih nitih iya, enda ulih ngelih iya laban pemesai trakter nya mesai jalai.
hepi besday to dd denice & duncan..
ReplyDeletemaioh aktiviti neh puteri..rindu endar meda orang main gudi tang diri empu enda nemu main kami selalu meda ba belakang rumah anty aku bala nembiak main gudi maia lemai ari..
Bala anak pen baru iya main gudi. Enggi Duncan abis telapas ari jari .. Daddy belanda ngagai gudi iya! Nasib hari enda entu kuat angin!
ReplyDeletehappy belated b'day nuju hubby nuan sist.
ReplyDeletePetara merkat ka iya sereta kita sebilik.
Birthday ku coming soon!