Belauk Petai

Enda nemu kebuah, puas puas aku meda gambar lauk petai ba blog bala indu cina ari Semenanjung, nyau tengok asai aku. Aku endang ari kelia enda entu nemu makai petai laban nya pait sepi aku.

Dua kali aku udah mandok petai. Keterubah iya ngena petai dalam butol .. udah dijerok. Kedua kali tetemu ka frozen petai. Pait amat enti dibanding enggai petai ti udah dijerok!

Kemari leboh aku shopping ba Asian supermarket bisi meda frozen petai nya baru. Enam peket beli aku!

Malam tu tadi aku mandok petai. Aku tu sigi enda entu nemu ngaga sambal tumis .. so ngena chara muntang. Aku bisi meli sambal chili enggau sambal undang, buatan Thailand, alu nya kena aku ngulai lauk petai! Aisey, bisi endar dianjong lauk nya eh!

Ahh, tu iya gamal petai dichampur enggau undang!

Tu iya chabi enggau sambal udang kena nyampur lauk petai! Nyamai!

Doug pen minat makai petai! Pungent and has an addicting flavor, ko iya! Haha, baka iya ka minat makai durian!

Masuk endar makai malam tu tadi, tambah mega bisi ikan panggang! Ikan mit, endang nemu nama iya, datai ari menoa Vietnam. Semadi nagang diri makai, eh, enggai ka tinggi blood sugar lagi oiii!

Nama lauk kita makai tengah hari tu tadi?

Promo Blog Baru

Flo, nama kangau iya ba blog, indu Iban-Kayan berasal ari Bintulu. Diatu iya benong gawa serta belajar ba Aberdeen, Scotland.

Flo baru numboh blog jako Iban lalu aku mai kitai bela ngabas blog iya. Aram meh kitai ngelink blog Flo ba blog kitai lalu sama sama nemuai serta ninggal jako peransang ba blog iya din.

Sangka aku, leboh kitai macha utai ka ditulis Flo, kitai deka teperindang macha pasal pendiau iya ba menoa Scotland serta leboh kitai macha pasal pemansang bala kaban iya ti diau ba menoa Malaysia.

Aram meh kitai bela meransang bala kitai Iban betulis ngena jako asal kitai awak ka jako Iban lebih agi ditemu orang ba dunya siber tu! Ooooo ha!

Taun Baru, Gamal Baru

Ahhh, enda udah betukar template blog tu peda kita? Semadi nadai pengawa meh nya, laban bisi endar hari betukar ka template!

Aku ka ngiga ukir Iban ka manah agi tang naka nya aja tetemu aku ba internet ti tau dikena ba header blog tu. Enti bala kita nemu drawing, tau nulong aku neraw ukir Iban. Aku ka ngiga ka panjai awak ka tau dikena ba header - ngambi ka manah agi dipeda meh nya.

Bisi endar ati ka begaga ka header ngena Photoshop tang copy aku enda compatible ba computer baru aku tu. Computer lama udah jai. Nganti pulai ka Malaysia baru dudi ila, ngiga ka cetak rompak ba Low Yat Plaza di KL din!

Bah, ni baka rita kita dalam taun baru tu? Bisi insur? Kami ditu baka selama. Mina Christmas tree kami agi bediri ba ruang tamu rumah. Buruk endar tulang! Baru demalam ngingkas sida lampu pelip, sida ornaments ari pun kayu. Aku ngasoh Doug muai pun kayu nya demalam, tang iya madah nganti iya udah pulai kerja lemai tu lagi. Bela lembau tulang!

Bulan lima tu ila, bisi kami menyanak pulai ka menoa. Bisi endar ati ka ngetu ba Kuching dulu sebedau berangkat ka Miri. Enti nadai penanggul kami menyanak bisi ka ka menoa (Nanga Drau, Saratok) enggau sida apai indai aku ngintu Gawai ba rumah panjai.

Arap ka sekeda kitai ulih betemu maya kami ka bisi di Sarawak tengah taun tu ila! Tang enti bala kita bisi nemuai ka menoa kami ditu, anang enda ngetu ngabas kami! You are most welcome!

Kena Tan

Enti kita meda "Stop" tauka "Berhenti" ba simpang jalai ngentu ka enda kita? Tauka kita drive lubah lubah enti nadai kereta mansa alu terus maju?

Enti nya aku, enda aku ngetu abis, mina drive lubah lubah udah nya terus drive, enggai kiroh ngetu. Endang sigi stail aku drive maya ba Miri din.

Tang ba menoa kami ditu, enti meda "Stop" sign enggai enda ngetu amat amat, taja nadai meda kereta mansa jalai nya. Pagi kemari aku enda ngetu mina slow down aja udah nya alu terus belok. Aduh, ngam ngam bisi kereta polis mansa depan aku! Meda aku enda ngetu, iya alu belok alu nitih aku!

Nganti meh aku iya masang api ba atas kereta iya, reti nya ngasoh aku ngetu tang enda ga iya masang api iya. Semadi meh kami udah datai ba residential area nya baru iya masang api iya. Tepaksa meh aku ngetu.

"Good morning," ko iya. "Do you have a good reason for not coming to a complete stop at Sargent?" ko iya.

"No," ko iya.

"No good reason?" ko iya nanya agi. "I'm not inclined to give you a ticket."

"No good reason. I should have stopped," ko aku agi. Hehe. Udah nya iya alu minta lesen aku. Polis kami ditu canggih. Sida bisi computer dalam kereta, ulih ngecheck pasal kereta, enti registration udah direnew ka enda. Aku enda sedar registration kereta aku bedau ditukar. Expire ujung bulan 12! Hehe, tang nasib ga udah dibayar, mina nganti sticker nya datai. Aiseh, enti enda udah ngelanggar 2 iti undang undang jalai raya! Nasib ga enda kena saman!!

Sigi enda berapa amat enti pun taun kena saman polis! Nyah, lemai nya leboh aku ngambi bala anak pulai sekula, ngetu meh aku ba simpang jalai kami nya! Hehe, enggai ka dudi ila dipeda polis enda ngetu!

Selamat Taun Baru

Ngajih ka kita bulih berkat, pengerai enggau umur panjai dalam taun baru tu.

Selamat taun baru!