Pismo Beach & Morro Bay

Minggu nyin tadi kami menyanak bisi mindah. Kami ka Disneyland tang sebedau nya kami ngambi kawan aku dua iko (melaki bini) ari Miri ti bisi nemuai menoa kami ditu. Saduai nepat petunggal saduai ba San Jose.

Kami bemalam dua malam ba rumah entua aku. Kami mai kawan aku mindah meda menoa sebelah Nipomo, San Luis Obispo, Pismo Beach enggau Morro Bay.

Tu gamal jalai ditengah kami. Kami nengah Highway 101 nuju Disneyland.

Bukit dipansa agi gadong dipeda.

Kami menyanak ba Pismo Beach. Hari tampak panas tang angin chelap amat sepi aku.

Sekeda gamal rumah ba tisi bukit berimbai enggau tasik.

Burung tasik. Duncan rindu begagai ka burung achang ti terbai sertai inggap ba jematan (jetty) alai kami.

Tu gamal jetty ba Pismo Beach. Tinggi. Taja ai chelap tang bisi ga orang surfing ba ai tasik dipeda aku.

Hari siti kami bisi ngetu ba Morro Bay. Hari pen udah lemai tang enggai enda mai kawan aku meda menoa nya.

Tu gamal Morro rock ba Morro Bay. Enti kita agi ingat tu meh batu dipeda ari bukit alai kami nimbak suba.


Sekeda kapal berikan enggau yacht dipeda ba Morro Bay. Sigi manah endar menoa nya.

Agi mayoh gambar, tang naka tu aja dulu.