Penatai Lyana

Lyana petunggal aku ka diau ba menoa Peranchis bisi nemuai ngagai aku di Miri ditu ari 11 July ngagai 16 July tu tadi. Anak iya dua iko enggau apai indai bisi mega datai enggau iya.

Kasih endar bala sida enda sempat makai di Kuching laban bisi penanggul mimit tikit Air Asia ti dibeli iya ari internet leboh iya ka agi ba menoa Peranchis. Nyu makai dulu ba airport Miri sebedau aku mai sida pulai ka rumah apai indai aku di Lutong.

Bala anak kiak-kiak minta bai ngagai kolam renang laban ka enda ulih bemain ba kolam di Taman Awan laban ka tutup kena hari satu enggau hari dua. Bala anak ka bejemboi dalam ai, kitai ka ngemata sida pen nyau angus isi!

Lydia saduai Anais enda tau jauh ari cherita Naruto saduai. Sempat nginjau laptop aku endor saduai bepeda ka cherita Naruto ba internet.

Enti enda tegal mai temuai meda sebelah menoa Miri engka lubah aku singgah ba Taman Awam! Baru iya meh aku bejalai ba Taman Awam, Miri mai anak enggau sida Lyana sebilik!



Duncan saduai Denice dulu ari orang bukai bejalai ba jematan. Ka turun ngagai kolam ba baroh ko ati saduai.

Duncan gaga meda kolam ba baroh din, tang laban ka nadai mai perengka kena mandi nadai aku ngasoh sida tama ke dalam kolam! Ringat meh tudah Duncan! "I just want to have some fun," ko iya, moa ringat meda kitai enda ngasoh tama ka dalam ai.

Bala anak bemain ba ayun ba patio rumah apai indai aku. Bisi meda wifi booster aku ba pagar? Ah, tu spare booster, dikena leboh ka dudok ba patio nunga computer!

Sempat ngecheck blog leboh ka dudok ba patio lemai hari.

Ko Lyana, Andan bisi ngasoh iya begambar berimbai enggau wifi booster aku. Tu meh gamal kami duai bediri berimbai wifi booster aku!

Betis sapa lebih sexy?! Heheh.


Hari sigi udah bemoa leboh kami ka datai ba Luak Esplanade. Dulu ari nya kami bisi dribing ka Lambir Scheme laban dia alai apai indai Lyana diau sebedau sida pencen ari pengawa iya ba SLDB dalam taun 1994.

Lyana ngambar anak iya bemain ba pantai luak.

Idup isi Duncan saduai Denice bemain ba pasir!




Makai jagung tunu! Rami endar ka bala mensia leboh lemai hari ba Luak esplanade! Dia alai orang rami, dia orang bejual pemakai!

Kami duai Lyana bisi bejalai ka kedai kraft ba Miri. Kami duai sama sama bisi meli souvenir.

Rindu amat aku meda marik tu! Tu marik orang ulu dikena ba punggung, er baka belt lah, nama nemu nama iya ka bendar!

Cherita bukai pasal Lyana ti nemuai ka Miri, tau kita sama macha ba blog iya dudi ila, udah iya bisi hari ngupdate blog iya ila! (Apu, nemu endar ngaga leka jako!)