Ujung minggu tu kemari kami menyanak bisi ke South Lake Tahoe, nemuai baru ngagai pangan aku ke diau din. Iya meh ti alai kami ngintu Krismas tu kemari. Manah amat mua hari maya kami ke din. Seleka salju nadai meh meda tang salju agi tebal ba tanah. Laban nyu udah seminggu nadai turun salju, mupuk lela iya ke ba perabung rumah enggau iya ke ba tanah.
Kami dibai pangan aku raun meda Lake Tahoe. Amat manah endar ga danau nya maya musim chelap. Ku pangan aku, sepatut iya burak laban salju sida bukit, tang laban seminggu udah nadai salju turun, nyu tampak gadung tisi bukit. Arapka agi turun meh salju sebulan dua bulan tu.
Nah, sapa enda rindu meda utai baka tu? Nya meh ngachit mengachit kamera meda utai ngemanah tu maya lemai hari!
Maya musim panas ila, engka bisi kami kin baru, sekali tu nganjung diri camping. Gaga amat bala anak ninga rita pasal camping. Siti aja utai ti dikenangi aku. Bisi beruang menua nya dia! Ni alah maya kitai tinduk dalam kemah tak tama beruang! Eeek!
Manah amai menoa tok. Tau endor mandi tasik nya?
ReplyDeleteEnda ga aku nemu enti orang bisi mandi ditu maya musim panas. Musim chelap, anang nguji, kelalu chelap ai nya! Amat manah lake nya.
ReplyDelete