Borneo Rainforest

Ujung minggu tu tadi, kami menyanak enggau anak menyadi aku siku, bisi nemuai ngagai tempat ti dikumbai Borneo Tropical Rainforest Resort ba Lambir.

Ma ujung mingggu mayuh temuai pulai hari kia. Kami lima bemalam semalam. Sunyi amat malam hari minggu nya laban kami aja enggau dua iku orang bukai ti bisi bemalam dia.


Alai nya dia baka Lambir National Park, mina bisi hotel menyana alu bisi mega prugrim diatur resort nya.

Pagi hari satu sebedau kami mupuk pulai, kami duai niece aku begambar ka utai sebelah resort nya. Bala anak sempat mandi ba ai terjun ke mit. Gaga amat saduai laban nadai orang bukai enggau berebut ke tempat nya!


Rindu amat aku meda ai terjun tu laban aku ulih nguji ngambar ai terjun ngena slow shutter speed! Gaga amat aku meda gambar aku menyana pansut!


Apu mayuh amat indu tawir dia! Bendar kami duai Marion (niece) mansutka telephoto lens kena ngambar indu tawir! Siku tu mina sebansa ari indu tawir ti dipeda dia.

Maya kami angkat ari Borneo Tropical Rainforest Resort mua hari ti chelum sebedau nya pan mupuk terang, alu nadai ujan ba rantau jalai.

Duncan agi belala asai bemalam dia. Orang agi belala bemain ba ai! Dudi ila tau meh kitai kin baru.