Salad anak bayam bechampur manok panggangSapa rindu makai salad? Aku kira ka diatu ti nemu makai salad. Kelia ma orang ka meri aku salad, ko aku, "Ukai aku tu kambing. Ni nemu kenyang makai salad!" Heheh.
Diatu aku nemu makai salad. Salad dikerindu aku iya nya salad bayam (baby spinach). Hari minggu nyin kemari aku bisi ngaga salad bayam, semangkuk besai, dibai ka pot luck. Tang laban ti kelalu mayoh utai dempa, salad aku enda sempat dibantai, alu nadai ditegu meh salad nya. Bai pulai baru.
Nya hari satu enggau hari dua kami duai Doug bendar makai salad bayam. Salad bayam tu dichampur aku enggau buah limau manis enggau leka bunga matahari (sunflower seeds). Dressing dikerindu aku iya nya Ranch Dressing. Enti mina salad sayur aja sigi enda entu kenyang, nya kebuah aku bisi nyampur kerat manuk (baked chicken breasts).
Dada manuk dipanggang aku enggau Cream of Mushroom soup. Nadai beleman. Manuk nya pen teda lauk dibai aku ka potluck malam hari minggu ti ko aku nya. :-) Kenyang ga makai salad bayam bechampur manuk, eh!
Ni kita enda ka nguji?
Apoooom nyamai ndar ga Salad manuk nuan nya.. Aku pun suba enda entu berapa salad tu, nyau ka diatu ti minat.. Salad buah pun nyamai. Tu ila ka aku nguji ngaga salad campur isi manuk baka ngi nuan. Nyamai & berkhasiat nya...
ReplyDeletehhehe...aku pan enda entu makai salad...sigi enda nemu laban sigi enggai...:P Baka miak mit,enggai makai sayur.Enti sumai mix vege minat aku.
ReplyDeleteakai dai..
ReplyDeletenyak ya puteri, udah start posting bala lauk,hehe,,, lapar mai tudah aku ditu,,ngena mai gak benung lapar serta tight budget maca blog nuan.
nang meriur aku ditu, ka makai ndak gak nemu, manduk lauk jauh agi, uji meh bisi pangan indu ke nemu bepanduk lauk baka nuan, ndak meh merinsa baka tok!
sigi nyamai gak baby spinach nyak, baby kailan pen nyamai gak sepi aku, tang ndak gak telaban ka empasak goreng rangkai,,sigi dua, tiga pinggai asi,,nyak jak lauk pen umbas, anang gik ti bisi sup terong iban,,apuuu!
Nyamai gamal salad nya wai. Enti enggai makai sayur meda nya nyau ka meh. Sigi rindu macha blog puteri. Aku udah nguji ngaga Banana Bread ia ari nya. Nyamai amat. Puteri tulis receipi manok turkey panggang dek neh. Ka nguji. Nadai turkey ngena manok iban ka enda ia kini?
ReplyDeletePedis ngiga manok kulok ba menoa kita dia pia, Mama Doyee?
ReplyDeleteNadai beleman manggan manok kulok, tauka ka manok biasa. Mina iya lama aja .. kira 3 jam, nya kebuah mesti ka ditutup enggau foil udah nya kira setengah jam baru muka awak ka brown agi.
Au, ila aku upload recipe.
Waa.. baka best jak baby spinach salad nya. Ka aku nguji ila. :)
ReplyDeleteDaphne, uji meh dia! My favorite salad is baby spinach!
ReplyDeletelapar ku meda nya wai. aku pun dah pandai makai salad sekumbang belaki tok ..maklum meh tubuh makin mangsang kembai berisi. ukai berisi utai siti ya...berisi ke lemak..heheh
ReplyDelete