Lemai kami ka datai kami dibai makai ba restoran Jepun.
Ba moa sushi diorder aku. Pinggai sepiak, enggi entua aku. Saduai bekunsi ka pinggai siti, ooiii, enggi aku, chey, nadai aku ka bekunsi enggau orang! 
Doug ngorder unagi .. ikan keli. Nadai entu peda ikan keli ba pinggai tu laban avocado enggau sauce. Bala anak bekunsi ka sepinggai teriyaki chicken. Nadai kena gambar!Pagi hari enam, entua aku bisi nyedia breakfast. American breakfast lah, sida bacon, roti, juice .. Nadai ngambar utai dempa.
Lemai nya, Doug mai aku makai ba restoran kuboi benama AJ Spears. Sida anak udah dibai ini makai ba MacDonald's.
AJ Steak House and Saloon. Rami endar orang makai dia. Enti dibanding restoran endor kami selalu makai, restoran tu kira mar agi utai dempa ditu. Tang pemakai iya sigi mayoh. Enda alah dempa.
Salad dulu di-idang. Udah nya soup .. dalam periok.
Nyamai endar soup tu .. masin tang nyamai. Tiga kali aku ngisi mangkok! Patut maya main course datai .. nyu udah kenyang perut!
Ni iya kentang agi .. stidi endar asai kentang tu!
Bacon wrapped steak on rice pilaf, and bread. Roti enggau asi, enda ditegu. Mina makai steak. Udah kenyang! Tapau iya ka enda abis dempa.
Doug ngorder calamari steak .... suntong le ... Nyamai suntung nya.Pagi hari minggu kami dibai sembiang ba gereja sida entua aku. Akai nadai entu orang sembiang ba gereja tu, sinu meda. Badu sembiang kami dibai makai lunch ba Upper Crust .. Italian cooking.
Manah endar gamal restoran tu. Aku enggai entu makai mayoh, laban ngingat penyampau dempa demalam!
Taja gamal soup tu enda nyamai, tang nyamai endar. Enda aku ingat nama iya. Sida bukai ngorder salad, mina aku ngorder soup. Bala anak mina makai bread rolls.Pagi hari satu, sebedau kami angkat pulai kami dibai makai breakfast ba Cowgirl. Tiap kami nemuai ngagai sida entua aku, kami dibai makai ba Cowgirl sebedau kami angkat pulai. Enda tingat ngambar utai dempa!! Hehe, makai omelette aja. Big portion!
Tu gambar ba dinding .. pintu toilet! Duncan enda tau enda nganjong diri kemik, enda kira dini restoran. Endang "hobby" iya ngecheck sida jamban ba restoran!Nyah, tu cherita makai aku sekali tu! Ni enggi kita?
auk amat jalan2 cari makan nuan wai puteri. diau menua urang pemakai urang meh diempa neh. Engi aku bendar seminggu nyin kemari belauk sayur kitai-nyu sekutak dikirum menyadi aku ni enda idup isi laban nya.
ReplyDeleteSelamat Ari Easter ngagai kita sebilek
Thanks! Best amat mayau aku nya.
ReplyDeleteSelamat Ari Easter!!
jeles ku meda kentang nya adehhh. sedap amat nya. Enti ngagake diri enda sama bakanya asai ia.
ReplyDeleteSelamat hari Easter ngagai bala kita mega!
ReplyDeleteAndan, pama nuan agi ulih dikirum pemakai kitai ari sarawak! Enti aku minta kirum, buruk diri sida sayur ma udah datai!
Lyana, dua iko mayau peda aku!
Cuthess, nuan minat makai kentang, pia? Bendar meh nuan makai ila, dah begulai enggai Brett! Haha.
Sigi amat pandok diri empu enda sama asai pandok ba restoran!