Sekali ujan bangat amat datai ka paip ai bisi putus. Begau bala mensia pagi hari ka mandi meda nadai ai pansut ari paip. Bala ka rajin agi mupok nurun ka pendai mandi. Aku? Sorry la, kapa nganjong diri mandi ai chelap! Ko Douglas, ai nya enda entu chelap, laban iya udah nyepi ai chelap agi ari nya!
Ai tampak keroh, alu mayoh daun melepong atas ai.
Tu gambar kami nurun ka pasar sahari udah kami datai ba rumah panjai. Penyauh rumah panjai ari endor kami ninggal kerita bisi 10 minit bejalai kaki.
Tu gamal jematan gantong meraka ai Krian.
Taja Denice tu takut ka sida ukoi enggau mayau, iya enda takut nengah jematan tu. Iya selalu ka dulu. "I'm the leader," ko iya.
Ngaga ketupat kena ngintu malam hari gawai. Aku mina ngemata orang ngaga ketupat laban aku sigi enda nemu ... alah laban menyadi laki aku ka biak sekali!
Bisi orang kawin ba rumah panjai enda jauh ari rumah panjai kami. Aku enggai enggau orang ngagai pengerami tikah, enggai ngelaban ujan enggau latak! Doug bisi enggau orang.
Tu siti agi gambar rumah panjai ti bisi pengerami tikah. Samoa gambar tu diambi Doug.Aku endang udah tindok maya iya ka pulai ari pengerami tikah. Lelak .. jet lag. Nadai bisi ati ka enggau orang ngabang ngagai orang kawin!
Naka tu aja sekali tu! Ila nulis cherita pasal ngabang ngagai sida Cuthess enggau Grace!
Selamat Gawai Puteri,
ReplyDeleteMansa menua nuan, tepeda ka gambar orang nikah, Rh Blaki, Derau Ulu. Aku bisi enggau maya nya tang pulai 12.30am. Nembiak ke nikah nya, anak menyadi TR Blaki. Rami dia kemari, siko orang putih duduk nadai jauh ari aku, jangka aku iya nya meh ngambi gambar tu. Ila aku upload gambar ba blog aku ga.
Salam
Ba dini rmh panjai nuan? which part of saratok? aku tu mayuh gak bala din...hehe
ReplyDeleteApaienduq,
ReplyDeleteNuan enda introduce diri ngagai Doug! Iya meh nya! Nadai orang bisi nyebut orang putih bukai bisi ba pengerami tikah malam nya! Iya enggau bala menyadi enggau ipar aku pulai pukul satu lalu.
Angelic,
Rumah panjai kami ba Kaki Wong, Nanga Drau. Sapa bala nuan dia? Aku ti enda entu ngelala orang, tang sida apai indai aku ngelala orang dia.
Ho haaaaa,
ReplyDeletePuteri, nuan ari Ng Derau, serumah enggau sida Apai Kot, Michael Ngelai & Dunstan Melling.
Puteri, Christie/Dom nya uchu Apai Ngian, madi Akienduq. Sida Apai Ngian madi Apai Uki (Ulu Melupa) datai ari Ng Pek Rimbas.
Aku bemalam di Sg Belong Melupa malamnya, laban ngira pejalai Gawai agi jauh ke Machan/Kanowit.
haa haaaa
Mnah rumah panjia nuan puteri.
ReplyDeletenya ya sida puteri nyambut gawai..berani endar denice nengah jembatan nya neh..rawan ati asai ya hehe..bendar nunu puteri??
ReplyDeleteThe world is getting smaller... ari Saratok ga nuan tu pia. Apai aku orang ari nyin meh.
ReplyDeleteRindu ninga rita nuan pulai menoa... kejealousan aku ditu. Bisi ga meda gambar nuan ngabang ngagai Cuthess kin, nyau baka mimpi asai kitak betemu pelaba aku.
Anyway, Selamat Ari Gawai once again. Makin busy udah aku betulis ka ruai Iban aku din, nyau rindu meda orang makin mayoh datai - thanks to you nya!
Puteri, nuan bisi nyebut ka nemuai ngagai kami maia kita menyanak bisi ka SArawak. Nganti kami duai. Ka contact nuan, enda ga nemu cara.
ReplyDeletegambar nuan duduk nggau indu tuai dua iko nya puteri, familiar amat.. bala sepiak apai ku maioh ari Krian.... asai ku ngelala the two ladies.
ReplyDeleteem... sigi mit amat meh menua kitai tu... taja jauh ari pangan diri tang nyau lama lama nemu diri nyau bekaban...
ReplyDeletehai sis' Bisi di Miri nuan maia gawai? Selamat hari Gawai nuju kita sebilik.
ReplyDeleteAku asai bisi meda nuan maia makai ba Seafood restoran semak roundabout tanjung Lobang Miri. nuan nya kini tauka aku saru?
Apaienduq, ngelala meh sida apai indai aku orang ka disebut nuan nya ..petunggal apai aku orang ka dua iko disebut nuan dulu nya. Bini Dunstan Melling menyadi ipar aku. Dunstan ukai orang Ng Drau.
ReplyDelete****
Cuthess, buruk rumah panjai nya, empa merong...ka ngaga baru bala enda sepenemu.
****
Dara, amat berani Denice nengah jematan nya, ka belanda pen iya!
*****
Flo, enti betusut kada enda bisi bekaban kitai tu neh! Heheh.
****
Coki, asai ka ngelala nuan indai tuai dua iko nya?! Siko iya bekemban nya indai aku, siko ka kurus nya menyadi iya.
****
Grace, rindu endar ulih betemu enggau nuan kutai. Enti ulih ngabas aku kitu di Miri neh! Aku ditu datai ka pun bulan lapan ila. Betemu baru kitai ila maya reception Cuthess!
*****
Dellyne,
Nama nuan enda nyapa aku kutai? Aku nadai berati ka orang. Dua malam beturut aku makai ba seafood restaurant dia!
Tabi Puteri,
ReplyDeleteSelamat betemu baru. Ngarapka nuan gerai nyamai sereta lantang senang ba menua orang. Nyadi aku arapka nuan udah tu ila bebendar agi nulis berita manah ngena jaku Iban laban pelaba aku nuan udah tetemuka bup jaku Iban- Sistem jaku Iban di Sekula ba website MOE. Peratika nuan dia atur sepil jaku Iban ti dikena ba sekula.
Pelaba aku patut bendar nuan nulis artikel ti tau meransang nembiak kitai. Tau tusui peneleba nuan ti besekula di menua tasik, idup begulai enggau bansa bukai etc... ngambika nyadi peransang anak bansa kitai belajar bebendar agi. Anak Iban ukai enda pandai tang sekeda kurang motivation lalu apai indai bedau tebuka runding.
Puteri, sekali agi aku ngarapka nuan ulih bekunsi peneleba, buah runding, tampai jeman dudi, lalu enti ulih nulis 'Jerpan" (jerita pandak) anjung ngagai aku ngambika aku masukka dalam website ministry of education. Tang enggai enda madah dulu, aku nadai ulih mayar nuan. Semina, enti nuan endang rurus ati deka meri ngagai anak bansa kitai nadai salah utai tu dikereja nuan. Pengawa ti manah endang seruran dibalas Petara enggau pemanah mega.
Puteri, aku seruran besampika nuan enggau kita sebilik lantang senang lalu beberekat belama.
Pengajar Padang anak Luna
Ministry of Education Malaysia
Putrajaya.
sAPA NAMA LEMAMBANG KE BEBAJU KUNING SEMAK BALA PENGANTIN NYA?
ReplyDeleteEnda aku ngelala orang ka bisi dia malam nya. Uji nuan nanya apai enduq.
ReplyDeleteTabi Pengajar,
ReplyDeleteAku bisi ngirum email ngagai nuan. Bisi nuan nerima?