Jam kami datai ba Mall baru udah pukul sepuluh pagi, alu bisi sekeda kedai apin buka. Meda kedai cermin mata nya apin buka kami alu shopping ba Boulevard supermarket dia. Aku semadi amat shopping mai anak dua iku nya. Taja pia, bulih ga aku dua pasang baju! Bendar sida anak muji baju siti laban ka bisi marik! Nemu endar ga bala anak, sama rindu ka utai bemarik!
Kemari bisi meh kami shopping mai indai aku tang ba Boulevard Mall. Sama ga Boulevard supermarket alai shopping tang nadai bulih utai aku dia kemari laban temu berara ka anak! Mina indai aku aja bulih dua pasang baju.
Pasal cermin mata baru nya, er, nadai meh frame iya begaya bakaka dikena orang kemaya hari tu!
Ukai enggai laban mayuh pesen baru nya mit cermin.
Kami ti ngembuan mata tuai tu enggai enda besai mimit cermin iya ngambika ulih meda jauh enggau semak enggau lantang agi! Dua pasang udah cermin mata diputong tang asaika enda puas ati ngena. Enda ulih dikena lama, mina maya ka gawa laban cermin ari sepiak kanan asaika enda betul utai dipeda! Ngarap ka cermin baru tu manah agi ari ka lama. Bansa lens dikena pen lain ari ka suba, alu degree ba cermin sepiak kanan tinggi mimit. Sepi aku, nyamai agi ari ka lama cermin aku sekali tu laban nadai meda distortion ari sepiak kanan.
Ka pen enda becermin mata, iya ga sigi udah tuai!
anang bekenya Dor, diatu nembiak kindy pun bc ngena cermin mata. Lawa mat sida menyanak suping neh.
ReplyDeletePat, sida nembiak kindy becermin nya lain ga ... kitai tuai tu terpaksa laban mata udah berubah! Even though I read a lot, I had perfect vision! Diatu, huhuhuhu .. nyabak ngenang tepaksa ngena cermin mata tuai!!
ReplyDeleteNya! Welcomed to the club meh Puteri! Kitai nyau bekena ka cermin mata tuai. Aku lama udah ngena nya alai nyau enda enggau orang ngena "contact lens" agik laban ka enda lansik ma ngena "lens". Cermin mata beli nuan cantek peda aku. Rindu meda curak gagang iya. Ka ngupi enggi nuan nya aku tu Puteri!
ReplyDeleteHaha, Nyun, tuai meh kitai! Mata deh nyu enda entu lansik meda utai mit agi! Tang aku mina ngena cermin mata aku maya close work aja, laban kira enda entu balat ga problem aku. Enti dibanding enggau ipar aku ka biak agi ari aku, boleh tahan mata aku ari enggi iya! Iya tumu udah enda entu meda small print!
ReplyDeleteAku ngaga cermin mata aku ba Wong Optics di Imperial Mall, kedai seberai Sugar Bun. Bisi warna pink gagang nya.