Demalam kami ampit meda main "tung chey". Maya kami menyanak baru pansut ari restoran kami tepedaka bala nembiak main tung chey ngatur diri depan restoran cina sebarai restoran ti alai kami makai. Beguai meh kami menyanak meraka jalai laban ti ka meda main tung chey!
Aku geli amat ati meda tak anak orang putih ti mangkung drum! Berapa iku enda sida anak orang putih ti enggau orang main tung chey nya. Raban tung chey tu raban main asal ari university ba San Luis Obispo, nya kebuah nadai milih orang ti tau enggau gerumpung main asal ba university nya.
Umbas iya ga pengelama sida bemain ba restoran cina nya. Rami orang makai ba restoran nya demalam laban nya malam sebedau taun baru cina. Bala nembiak cina bekenaka baju cheong sum peda aku.
Duncan nyu lelak diri laban ti betanda ninga pangkung drum. Endang enda ibuh ka orang iya ka betanda nunda rentak drum tung chey. Nyu tuchum bala orang ti ngetu meda main tung chey ba kaki lima depan restoran meda ulah iya.
Sekali agi aku meri Xin Nien Kuai Ler ngagai bala kaban ti ngintu taun baru tu. Enda tinggal mega meri bala kita Selamat Hari Valentine!
Au udah meda tung chey kita menyanak. Kami ditu lalu bedau didinga urang ke be tung chey, angka agi ngabang bala. Balat amat indu nengeri kita dia tak blizzard neh, nyu baka ghost town gamal utai di peda ba TV. Ditu tekalih gaya ari, ngelamatu enda kala enda ujan ma taun baru china, tang taun tu nadai ujan, manah amat ari.
ReplyDeleteLawa endar kita dia meda tung chey, kami ba idaho nadai ngemayuh nya bala nachay, sida ari Phillipine baru mayoh, iya meh kawan aku ditu.
ReplyDeleteSo Puteri, aku tu pindah ngagai lexington kentucky, nemu nuan bisi bala kawan nuan semak semak dia, baka ba TN, Ohio, West virginia. Tusah endar tu ngiga kaban agi. Thank.
Rita, amat ba Malaysia din, anang ngiga tung chey hari keterubah taun baru! Agi ngabang bala!
ReplyDeleteAmat pama winter kami taun tu. Menua ka jarang besnow deh bisi snow. Ba alai kami di California, nadai snow, mina ba bukit aja.
Orangsarawak, pangan aku Lily (ba Houston) bisi niece diau ba Kentucky. Pelaba aku ba Lexington meh alai iya. Aku bisi pangan ba Maryland (indu Iban), ba Indiana (indu melayu ari Miri), alu ba Virginia bisi dua iku kelala aku dia (siku ari Kuching siku ari Sabah). Ba Georgia bisi Malaysian association sida dia, pangan aku diau ba Savannah.