Sahari tu aku bisi enggau sekeda bala apai indai bukai ngulu lapan iku nembiak sekula ka Spelling Bee (pekit nyepil) ba Faith Christian School di Yuba City. Denice saduai Ethan ngari Grade 1 ari sekula sida.
Sembilan buah sekula Kristian semak menua kami ditu bisi nganjung 2 iku pengari ari Grade 1 datai ka Grade 4 ngagai pekit tu. Kasih tudah Denice, baru raun keterubah alu alah. Leka jaku ka asuh di sepil, "carry". Siti urup 'r' ditinggal. Engka kelalu balat takut, alu enda ingat nyepil leka jaku "carry" agi! Ukai enda nemu iya leka jaku tu! Ethan alah ba raun ketiga. Siku tu ka pama agi, tang ma urup udah disebut, enda tau ditukar agi. Nya ti ngasuh Ethan alah ba raun tiga. Ukai tegal enda nemu nyepil.
Kami duai Doug ka meransang Duncan mega laban iya mereti agi ari Denice pasal spelling rules. Lebuh sekula sida madah ka ngiga pengari (try outs) dianjung ngagai pekit nyepil, Duncan udah tumu rauh rauh madah diri enggai enggau, enggai dipilih. Takut enggau orang bepekit! "Anang irau," ku aku madah ngagai iya. "Bisi orang bukai nemu agi nyepil ari nuan ba kelas nuan!"
Taja Denice saduai Ethan nadai menang sebarang midul (pingat) ba pekit sahari tu arap ka pengawa tu tau meransang saduai bebendar agi dudi ila enti agi bisi ati enggau pekit bansa tu.
Ohh.. baka aku kelia, aku champion spelling bee kelia ba primary school. manah nya DOr meransang suai menyadi iya nggau spelling bee. tips: maioh maca bup enggau ngadu exercise.
ReplyDeleteDenice nemu agi macha ari Duncan tang iya diatu ngarap ka reading by sight, main kelala .. so her reading skills are better than her spelling skills. Duncan ti lubah agi suba nyu on par enggau Denice when it comes to spelling. Reading agi alah iya ari Denice.
ReplyDeleteManah amat pengawa spelling bee nya. Ulih meransang bala sida anembiak gagit agi macha serta nyepil. Arap ke Denice teperansang agi pengudah ke enggau orang bepekit serta terpilih agi bak maia ke bukai.
ReplyDeleteNya meh lysther, amat manah pengawa tu. Kemari kami duai Doug bejaku pasal ka "train" Duncan ngambi ka bisi dianjung enggau spelling bee mega.
ReplyDeleteSekeda nembiak ka enggau, nyabak maya sida kena eliminated. Reti nya tadi, bendar meh sida nyendia ka diri enggau pekit alu sinu meda diri alah ... aku ka geli ati mimit, asaika meda bala sida American Idol, sikok sikok nyabak ma udah kena eliminated!
wow!! welldone Denice, u did great girl & practise more, good job for the first time. U will be in the place one day! Manah amai prog. tu ka peransang bala nembiak, all the best!!
ReplyDelete