Dek, nadai nemu chakok Iban?
Kemari, aku enggai enda enggau orang ngeruhka ai. Meda badge Sarawak Bloggers ba blog James, aku alu klik, ka meda nama utai nya.
Meda diri kiraka layak, aku alu ngisi pom ba website Sarawak Bloggers, engka tak diterima orang. Pagi tu aku bisi nerima email madahka blog aku diterima Sarawak Bloggers.
Manah ga pengawa nya laban sekeda ari ulih kitai nyadi Member iya nya blog kitai di promote orang. Reti nya, enti orang apin nemu pasal blog tu, ari feed ba Sarawak Bloggers, enti enda mayuh siku dua engka bisi ga orang nyenguk kitu.
Iya ka bendar, aku enggai enda madah tauka nusui berita ngagai orang mayuh endang bisi kitai bansa Iban nulis blog ngena jaku Iban. Sapa kitai enda andal meda majak mayuh bala kitai betulis blog ngena jaku asal kitai empu?
Selamat datai ka bala kita ti baru nyenguk ruai aku tu. Anang malu, au, gaga meh ruai tu baka ruai diri empu. Enti kita nadai nemu chakok Iban, ditu meh alai kitai tau belajar!
chakok iban ???? eeeeechak...balat ga jaku nya deh ! ahahaha auk ila ngabas ruai 'Sarawak Bloggers' nya. :-)
ReplyDeletehahahaha. Nyamai mai aku ketawa pagi tu. Chakok iban? Nasib nadai cangkuk iban..hehehe.
ReplyDeleteKita duai nemu chakok iban? Aku dai nemu pan! Heheheh.
ReplyDelete