Prugrim sahari tu

Sahari tu prugrim kami tiga menyanak -

• dani laun
• bejegau dalam rumah ngena baju tindok
• mandi laun
  
• ka klinik - peresa enggau betuchuk H1N1
• meli fast food ba Taco Bell
  

Denice stress diri dibai ka klinik. Berapa kali enda nanya enti bisi dituchuk sahari tu. Bakaka ngemula ka iya aku madah nadai betuchuk. Vaccine H1N1 bansa ka dispray dalam idung nadai agi, mina bansa tuchuk aja. Sereta ninga betuchuk rauh rauh nyabak. Nyu bepasung. Udah dituchuk nemu ga madah enda pedis! Duncan enda nyabak tang lebuh jarum tama ba lengan nya baru orang nyabak.

Badu makai fast food, aku alu pansut mai kamera meda burung rami amat ba belakang rumah.



Baru sahari tu aku tetemu ka nama burung tu - Black Phoebe. Mayuh amat musim bunga taun tu. Siku tak terbai ngelantak chermin pagi tadi - ka tama kini. Berapa kali enda iya nguji ka tama. Bisi hari mati, ku aku bejaku kediri meda ulah burung.



Baru sahari tu siku tu berani nyemak diri. Ngelama tu temu belalai sebelah dan pun eucalyptus. Nama burung tu House Finch. Iya ka mirah pala laki. Rindu amat aku meda!

Bah, naka tu aja cherita sahari tu!