Enti nitih kalender diatu agi benung musim chelap. Salji agi turun ba sekeda tempat tang ba menua ti nadai salji turun endang udah mupuk bebunga sida pun kayu kelebih agi sida pun buah. Pun buah ba kebun apai tuai orang seberai kami endang udah bebunga magang. Iya ke apin bebunga laban ke laun dijarau iya, nya kebuah apin bebunga.
Aku endang rindu amat ngambar bunga pun kayu - endang ninting taun aku ngambar pun buah ke bebunga! Sapa kitai enda rindu meda bunga bakatu?
Rumput babas pan galak amat taun tu laban ujan lebat amat taun tu. Galak rumput galak ga iya bebunga! Rindu diri ga aku meda sida bunga rumput. Aku endang enda ngasuh Doug kelalu tumu nginjin rumput laban agi belala meda bunga rumput. Tambah mega enti rumput diinjin sida indu kemindang nadai agi utai ditutu. Kelimpah ari ngambar bunga, aku sigi rindu mega ngambar indu kemindang!
Siti aja utai ti enda kerindu aku laban ujan bangat taun tu. Mayuh alai ai betakung, reti nya mayuh meh nyamuk musim panas tu lagi. Ba menua kami ditu sida nyamuk aedes endang nadai tang bisi sebengkah penyakit ti dibai nyamuk dikumbai West Nile Virus. Virus tu tau munuh mensia, jelu enggau burung. Nya ti dikenangi aku lebuh bala anak bemain ba luar maya musim panas! Endang bejaga belama meh maya musim panas enti udah ba luar!
Bah, nadai tak entu cherita, naka tu aja cherita sekali tu.
manah amat gambar bungai nya... nti mak aku diak, diau ba luar rumah aja ia laban rindu meda & ngayam bungai...hehe
ReplyDeleterindu amai meda gambar-gambar nuan..laki ku sigi favourite ia ngambik gambar bunga & insects..semadi jak bedau meli lens ti ngam.
ReplyDeleteChris sigi rindu meda pun kayu bebunga musim bunga. Daun nadai mina bunga aja, later on baru daun pansut. Tapi mayuh orang enda tan, allergic to the pollen!! Sekeda geng ari M'sia enda nemu diri bisi allergies until they came to this country! Kuuuh semengat aku nadai enggau org be-allergies!
ReplyDeleteJo, lubah lubah ga ngambi gambar macro. Asal bisi decent zoom you can still take good pictures.
Cantik amat bala sida bungai. Akai..takut ku ninga pasal nyamuk nya. Enti aku sigi enda berani bemain diak.
ReplyDeleteOn a different note, uji nuan ngiga resepi diabetic untuk kitai Iban. Ya ke temu semua main terjun magang. Engka nuan bisi idea ngiga ke nyamai gik.
Resipi diabetic apa ti ku nuan nya ETE? Aku mayuh bup resipi for diabetics. Tang sebedau ulih ngepost ba blog, enggai enda di uji, dipanduk ga lauk nya .. bisi ga digambar! :-)
ReplyDelete