Lelengau amat asai ati ninga nyawa Peter John Jaban ba Radio Free Sarawak. Barangsapa kita ti enda kala ninga pasal radio program tu, abas meh dia.
Tang enti kita penyukung BN, penyukung Taib Mahmud, tentu ringat kita ninga radio program ti ditabur Peter John! Kati kita enda, cherita rasuah, cherita tanah NCR kena rampas, cherita pengaya sida Taib sebilik enggau kroni iya, cherita meli undi - semua cherita tu dibantai magang ba program Radio Free Sarawak.
Aku ketawa diri macha pasal perintah ti ka nyaman Peter John, enggau Clare Brown laban sida ti nabur program ari stisin radio ti enda belisin. Kati enda ketawa? Ukai radio stisin tu nabur program sida ari Sarawak tauka di Malaysia! Radio program tu ditabur ari London! Sema aku nabur program radio aku ti tau didinga kita di Sarawak, beguna ke lisin radio aku tu?!
Sinu amat aku macha pasal bini anak Peter John ti ditinggal di Sarawak. Tegal Peter John ti berani mantaika bantah enggau mantai cherita ti dikelalai orang ke megai perintah, business ti dipejalai bini anak iya nyadi "mangsa". Tambah mega se-agi Taib Mahmud megai perintah di Sarawak nadai meh tudah Peter John tau pulai ke Sarawak agi. Dulu meh sida polis nganti penatai iya alai sida tau ngetan iya!
Tang kitai orang Sarawak, kelebih agi kitai ti bansa bumiputera menua Sarawak, anang pelik pelik mata meda tanah kitai abis dirampas orang.
Sapa kitai tu? Mina peturun Apai Salui? Ti tau dikemeli orang? Badu agi kitai dikemeli orang! Kapa kitai nyukung orang ti mina ngira ngisi periuk diri empu enggau ti mina gila pangkat? Anang ninga jaku orang ti madah mina BN aja ti ulih meri pemansang ngagai kita! Berapa lama udah semaya tu dinga kita?
Peda menua Selangor enggau Penang. Negri dua iti tu tau nyadi chunto menua Sarawak. Ukai semina BN aja ti tau mai pemansang!
Tukar orang ti megai perintah menua Sarawak! Badu agi kitai neju sida ngerampas pengaya menua Sarawak! Diatu meh peluang iya! Enti ukai diatu, kemaya agi?
amai nyak ungal...lamak mai gak ndak ninga rita ia
ReplyDeleterumah panjai dituk endak gak nikik gak...keke
ReplyDeleteAku bisi ninga cherita ari menyadi aku bak Kch din. Dinga dinga, PJ kena buai ari menua ia empu ketengal nya meh. Nang ada Taib bisi hak muai rakyat ia bakanya kah? Nang sigi nadai adil lalu. Nyadi negara Msia is not a free country lah where his own people don't have a rights to say wuts on their mind? Only one words, 'CORRUPPTION!!'.
ReplyDeleteNya meh, Charlene, begedi amat aku ninga pasal Taib/ISA ti tentu nganti PJ enti iya berani pulai. Bakalah kingdom iya, peneka iya ngambi hak orang. Endang ketara corruption!
ReplyDelete