Sebedau Doug jadi enggau aku, iya mina nemu makai pie entekai (pumpkin pie). Ku iya, indai iya enda kala manduk entekai ke lauk. Nya meh ku iya, enti nemu entekai ngenyamai nya diempa ke lauk, lapa enggai manduk entekai ke lauk kelia!
Tu gamal entekai panggang - di isi enggau asi ti udah digulai enggau manuk pepat, enggau utai bukai ti ngasuh iya nyamai alu di panggang. Munyi ku pangan aku siku, isi entekai dikaus enggau sudu alu diempa enggau asi ti endang udah dalam buah nya tadi.
Ukai main ga pengering kulit entekai! Nyu ngena geraji letrik nyayat entekai tu! Nya ti bisi dipeda menyana gamal bekau entekai ditetak. Enti ngena duku nadai jalai ngalus nya gamal entekai ditetak!
Ngelama tu aku enda nemu entekai puda tau dipanduk ke lauk. Semadi dipadah pangan aku siku - amat nyamai endar ga entekai puda! Manis endar isi iya. Ba gambar tu, entekai puda digulai aku enggau kuntum morning glory. Nyamai amat!
Entekai puda digulai enggau kantuk iya enda ibuh disebut. Endang gerenti nyamai! Nya pangan aku siku da madah buah entekai tu baka buah nangka. Tau diempa puda, tengan mansau enggau udah mansau. Enti udah munyi nya, enda meh aku kiruh nganti iya mansau iga enti ka digaga ke lauk!
Amat enda lebu bekebun entekai taun tu!
auk sigi enda rugi nanam entekai ulih dempa makai - kantuk, bungai, buah engau leka. Slurrrrp esp entekai muda + kantuk nyin tetenguk meda.
ReplyDeletenyamai amai gamal utai tu.hehe
ReplyDeleteteteguk meda lauk entekai nuan wai puteri...kami baru tumbuh entekai wai...
ReplyDeletetebal amat kulit entekai menua kita din wai...lelak musi nya...hehehe
ReplyDeleteAmat tebal kulit entekai tu!! Enti tak manis pama ga, tang enda manis!
ReplyDeletenyamai amai entekai nya dipda...
ReplyDelete