Tengah hari kemari leboh aku pansut ari supermarket, dia aku tepeda ka apai tuai siko bediri depan newspaper vending machine (enda nemu jako Iban kena madah utai tu!).
Keterubah iya kumbai aku iya enda chukop duit shiling kena meli newspaper. Aku alu ngetu, engka enti amat enda chukop duit, lagi aku meri iya duit kena meli newspaper.
Paduhal apai tuai tu enda ngelala ni bagi nickle enggau ni bagi dime. Aku alu ketawa laban aku datai ka diatu agi meh saru. Iya ga orang ditu duit 10 sen dikumbai dime , duit 5 sen dikumbai nickle, lalu duit 25 sen dikumbai quater. Saiz ka 5 sen nya besai ari iya ka 10 sen. Nya nyau nambah ka penyaru!
Rega newspaper ti ka dibeli apai tu iya nya 35 sen. Iya tau nyimpan 1 quarter, enggau 2 nickle ka dalam vending machine. Sigi bisi iya duit nickle tang iya ka enda ngelala .. ko iya asai ka enda chukop duit nickle kena disimpan ka dalam mesin newspaper nya tadi. Nyau meh aku nulong iya nyimpan duit ka dalam mesin newspaper nya tadi.
Kebuah apai tuai tu enda ngelala bagi duit laban iya datai ari England. Ari slang jako iya aku nemu iya endang ukai asal orang ditu. Tang enggai enda nanya ga aku. Nya aku madah ka iya, aku tujuh taun udah diau ba menoa tu agi meh tau saru. Iya alu madah ka diri iya baru dua taun udah diau ba menoa Amerika.
Alu panjai meh cherita kami duai. Penyaku endar apai tuai tu. Ko iya, iya pindah ka Amerika nitih anak iya (anak iya endang lama udah diau ba Amerika) maya umur iya 85 taun. Dia kitai tau ngira, umur apai tuai nya diatu 87 taun. Agi chergas endar iya laban iya bejalai kaki pulai ngagai rumah anak iya.
Aku ka ketawa ngenang diri ka becherita enggau apai tuai tu. Balat endar tempias ... heheh, moa aku dua kali kena sembur ai liur iya! Bendar ngetat diri enda ngelap moa!
sama meh kitai berdua. nickle and dime...nama kebuah they dont just say lima sen and sepuloh sen. when i get brain dead usually will ambik pansut both and ask them to pick from the palm of my hand. good to know...some where in california there is another iban out here.
ReplyDeleteGuruh, tak betul munyi salin newspaper vending machine nuan nya! Heheh.
ReplyDeleteTerima kasih, anonymous, laban ti bisi ngetu serta ninggal komen ba blog aku tu. Dini alai nuan ba California?
Heheh, sigi amat, datai ka diatu agi meh saru, nya meh beg duit selalu penuh shiling laban enggai kiroh asai begiga ka sida dime enggau nickle! Quater aja nyamai di kingat, laban iya besai! :-)