Assistant Photographer

Tu gamal assistant photographer. Nama aja assistant! Tang nulung ngangkut tripod enda ga nemu, pasal megai kamera enda ibuh sebut! Sigi enda nemu!

Tang enti aku udah pansut mai kamera iya endang nitih belama. Ngachau biew kitai ti ka ngambar utai baru iya! Tengah kitai manggai kamera ba atas pagar ngambika nyadi "tripod" alu iya meraka kamera kitai! Enti tak sekali ti meraka kamera kitai! Nya nyu kelang kelut!

Gambar diatas diambi pagi tadi. Aku bejalai ngambar bunga rose ba kebun apai tuai orang seberai kami. Alu iya bejalai niti pagar orang nya. Ngachau biew!




Ah, nyadi model baru iya tau!

Kitai ka ngambar burung ti benung inggap ba pagar, alu iya ga niki pagar. Ni enda abis terbai lari burung meda iya.

Tang aku sigi rindu meda mayau aku nya nitih aku sebelah tanah. Baka anak ukui, mereti amat!

Tehachapi

Tehachapi nama menua alai wind turbines tu. Anak menyadi aku ketawa meda nama nya bisi "CHAPI". Nadai meda chapi aku atas bukit menua tu, mina utai ti baka gamal kipas gerasi.



Kami menyanak bisi ngetu ba pasar Tehachapi maya ka pulai ari Mojave Desert. Kenu ka ngambar sida wind turbines tang nadai peda ari pasar Tehachapi. Mit amat pasar dia.



Tu bangunan seberai tangki ai. Hotel ka apa, enda ga aku entu berati. Rindu aku meda gambar ba dinding nya!



Veterans of Foreign Wars (VFW) Hall ba Tehachapi. Aku sengaja ka nguji angle diambi ngena 12mm-60mm lens.



Nasib ga bisi ngetu ba tisi jalai ngambar wind turbines laban nadai peda ari pasar Tehachapi. Bebukit sereta berangin menua nya dia, nya kebuah tau alai ngentak wind turbines. Bisi 5000 iti wind turbines ba bukit Tehachapi.

Gambar Camping

Tu sekeda gambar maya kami ka camping. 3g connection ba desert, sigi enda berapa. Bisi dua kali post aku kiraka nyau ... successful upload, kenu, tang nadai meda utai ba blog. Muai jam aja!



Hari sigi udah petang lebuh kami ka datai ba alai becamping. Bisi sida lampu pichit enggau lampu gas bala ka udah datai dulu ari kami, enda ga tak gawa dalam petang.



Doug enggau saduai tu orang ka tinduk dalam tent. Pagi siti, komplen orang madah inggar tent nya bekebu dalam angin. Ngumba endar ga angin sepengelama kami dia, bangat amat.




Enggai entu tinduk mata aku malam keterubah. Chelap, angin inggar alu irau ka bala anak dalam tent enggaika tak chelap sida dalam nyin. Meda mata enggai tinduk, pansut aku ngipa mata hari tumbuh.




Baru iya meh aku tu ngipa sereta ngambar mata hari tumbuh! Berapa lama enda udah nadai kala meda mata hari tumbuh. Tambah mega nadai alai meda biew mata hari tumbuh ti manah.




Tu gamal tent alai orang tinduk. Malam kedua tinduk enggau aku dalam van saduai, laban aku enggaika tent nya tekebu gasak pemalat angin. Tang ku Doug, bisi ngetu angin malam nya.



Siku nyu bebai ka BBQ grill kena berapi. Endang chukup perengka dibai camping. Kami bisi ga mai stove mit, tang laban angin kelalu balat, nyamai agi ngena grill nya laban bisi utai kena ngelindung api.




Gamal saduai tinduk tengah hari dalam van. Tent enda ulih alai tinduk laban angat. Penuduk belakang van nya ulih dianchau. Pemesai buka van nya mimit aja lebih ari peninggi aku. Endang unjur manah meh aku gali dia.




Tu gamal agu kami duai Dencie. Van dipindah nya kebuah agu nya ba tengah padang. Nadai meh aku tu ka ngena agu nadai alai belindung! Sigi tisi van, ukai sepiak orang begumpul alai ngengkah iya!




Kawan kami siku tu, ngajar Denice saduai Duncan main backgammon. Denice takut ninga munyi letup senapang nya kebuah bekena ka utai nutup pending.




Sigi enda teranti siku ka mit nya megai senapang. Peda gamal orang! Apai iya nya sigi ngajar iya chara megai enggau ngena senapang enggau selamat.



Siku ka kurus tinggi tu gap amat - bakaka ka nurun sembiang, ku bala ngenduan iya. Ni enda ulih gap, orang bisi camper, bisi alai mandi, bisi jamban ... ulih meh iya pansut ari camper iya bepekaian gap! Orang ga bujang! Duda, lerrrr.




Iya ka baju mirah nya jauh penatai - ari Seattle, Washington. Driba pick up truck diri empu laban ti enggai enda enggau geng bukai camping. Tujuh belas jam, ku iya. Nadai ngetu. Tann amat. Bini iya enggai enggau sekali tu. Nya meh aku siku aja bini orang ka bisi enggau.



Nasib nya ukai bear season! Kasih tudah sida bear nyadi target! Siku tu sigi buyan amat, takut ninga utai meletup. Mina pansut udah orang badu betimbak ka utai.



Gamal mata hari padam lebuh lemai hari ba Mojave Desert. Sayau amat nadai awan .... rindu agi meda langit mirah enti bisi awan ba langit.



Chelap amat ga hari lemai nya gasak angin ti balat. Bekindu nunga api meh sida udah bekau makai lemai. Aku enggai enggau duduk ba luar dia ngelaban angin. Kelalu chelap!




Tu meh gamal alai kami camping. Kawan siku bisi mai dune buggy. Iya mai aku niki bukit awakka aku ulih ngambar biew ari bukit. Ngumba endar ga bateri ba kamera alu mati. Tak bedau abis utai digambar! Spare bateri tinggal dalam van.




Micey Hill dipeda ari atas bukit. Siku ka mai aku niki bukit nya ka ngiga sarang tekura. Bisi meda bekau tekura tang nadai meda siku ... kerubung tekura deh nadai meda!



Udah badu makai pagi hari minggu, mupuk bekemas bala. Peda gamal utai diangkut siku tu! Basikal dah bisi! Go kart, bisi! Semua masuk truck! Kebuah mai basikal nya ngambika ulih nganjung diri jauh agi ngiga "agu".




Bendera nadai kala kurang ma sida tu camping. Mina sekali tu bendera mit.

Sayau amat gamal rumput ti dipuput angin enda ulih dipeda ba gambar. Baka gelumbang gamal rumput nya, ku Duncan. Bisi aku ngambi video. Nganti udah diupload ka YouTube, ila bekunsi enggau kita.

Maya kami angkat ari Mojave pulai ka Galt, kami menyanak suah ngetu. Ngetu makai, ngena jamban, and most importantly, ngetu awakka aku ulih ngambar utai tauka tempat ti dipansa!

Mupuk

Mojave Desert. Betemu baru taun bukai.

Lemai Hari Di Mojave Desert

Maya mata hari padam aku enda tingat mai hp laban ti benung charging.

Tu gamal mua hari muak ka barat udah bekau mata panas padam.

Pagila pulai kami laban bala geng pulai magang. Dua iku endang ari hari tiga kemari ka udah becamping. Siku datai hari empat. Kami menyanak ka dudu ari orang bukai.

Nyu pama mimit angin ari siang tadi tang taja pia enda ga nya tak ngetu.

Naka tu sja cherita sekali tu. 3g ditu amat.

Camping Part 2

Mata enggai entu tinduk laban ninga angin tambah mega hari chelap. Aku irau ka bala ti tnduk dalam tent,irau ka saduai nya chelap. Aku empu tinduk dalam van tang agi meh chelap sepi aku.

Meda mata enggai entu tinduk manah agi pansut ngambar mata hari pansut ari belakang bukit.


Tu meh gamal kami ka camping. Mina Doug enggau bala anak aja ka bisi nirika tent. Siku bisi camper, dua iki tinduk ba belakang pick-up truck.

Program sahari tu nadai bukai - target shooting. Ka sida ka rindu main senapang! Aku lagi ngiga utai ti tau digambar. :-)

Bisi 3G

Nah, tu gambar langit udah turun mata panas ba Mojave desert. Nyu petang hari maya kami ka datai. Nyu begiga dulu alai ka camping. Bala geng bukai endang udah dua malam camping. Nasib ga ulih betelipun nanya senentang ti camping ba desert nya.

Datai cell phone service ba endur kami ka camping tang enda berapa iga. Sekejap tiga bar sekejap empat bar. Kekadang nemu nadai. Semadi nadai, tau ga dikenyadi mina file ti diupload enda tau besai.

Doug enggau bala anak tinduk dalam tent. Aku enggai enggau sida dalam tent. Nyamai agi dalam van sepi aku. :-)

Pagila nyambung cherita enti nadai penanggul enggau 3g service.

Camping

Alai camping ba Mojave Desert. Baru setengah jalai. Ba desert din lagi pelaba aku nadai datai cell phone service.

Nadai meh ulih update blog.

Gambar anak dara Iban telanjai

Salah alai kita sangkai oh, Jang! Nadai kita tetemu ka gambar anak dara Iban telanjai ditu!

Nah, kumbai enda temu kami utai ti digiga kita nya?


Ngumba endar ga anembiak Iban. Gagit amat bekena ka internet ngiga gambar indu Iban telanjai! Ukai enda suah bala ka udah sangkai ba ruai aku tu ngumbai diri ulih tetemu gambar indu telanjai!


Keterubah iya suba geli ati pan meda search words dikena bala ti ngiga gambar indu telanjai. Siap enggau jaku Iban sekali! Nah, kiraka udah mansang meh jaku Iban ba dunya siber tu! Jaku Iban dikena tetemu meh utai ba Google!

Gambar indu Iban telanjai nadai ditu. Tang video "lucah" bisi!

Tinggal Bulu

Nadai bukai pengujung ansa ti mina tinggal bulu tu. Enti aku enda bejalai ka belakang lemai tu tadi, enda meh aku sedar siku ari ansa aku tu udah nyadi pemakai jelu liar.

Pagi tadi dua kali aku ngemba ansa ti bejalai ba porch depan rumah. Maya ka ngemba enda ga aku tak ngitung berapa iku ansa ka diemba aku nya. Nemu aku nya ukai tujuh iku. Bisi dua iku ti selalu duduk atas sarang ngintu teluk laban ti benung beteluk.

Udahka meda bulu ansa nya baru aku nguji ngitung penyampau ansa ti benung makai rumput enda jauh ari aku. Lima iku aja. Tujuh iku semua sida. Engka siku benung duduk atas sarang iya. Enggai ga aku ngiga alai sarang, enggaika diserang ansa. Nya pan nyu bebai ka kayu, lebuhka bejalai ka belakang, kena malu ansa enti sida nyerang aku.



Mayau aku tu baka anak ukui. Enda tau meda aku bejalai sebelah tanah dia. Sigi nitih alu nganti meh iya dia. Issh, begedi aku ngenang jelu ti makai ansa aku nya!



Kebuah aku bejalai ka belakang rumah laban ti ka ngambar sida indu utai nutu bunga babas. Tang nyu nadai mood agi aku, ngenang ansa aku ti mina tinggal bulu ba tanah dia. Baru ga dua minggu nyin kemari aku nyebut ngagai Doug, kiraka selamat meh ansa kitai taun tu. Nah, kelalu tumu bejaku. Pun taun nyin kemari tiga iku ansa nyau dempa ukui kampung.



Udah nya aku alu bejalai ka mua rumah meda sida pagar ti nyu rebah. Ni enda ukui kampung ulih tama!

Ba mua rumah enda lama ga aku duduk nunga bunga lavender ngemata sereta ngambar indu manyi ti nutu bunga nya. Kesulai nadai ga bisi inggap dia maya aku ka duduk dia.

Ujung minggu tu lagi mindah ga kami menyanak. Akai, tusah ati ngenang sida ansa enggaika nyadi mangsa ukui kampung! Ni alah pulai ari camping trip mina meda bulu ansa aja betabur sebelah tanah!

Eeeek! Ular!

Klik gambar ti ka meda gambar besai agi.

Eeeek! Ular! Nya munyi aku nyerauh enti aku meda ular ngelama tu.

Tang sekali tu, nadai memunyi, nyengkau kamera alu ngachit kamera! Diri ga dalam kereta, berani meh asai.

Apa bansa ular nya? Nama tak baka gamal rattle snake? Eeee, bendar meh aku merati enti bisi rattle ba ujung ular nya. Nadai meda, engka ukai nya rattle snake.

Begadai gadai meh aku pansut ari kereta laban ti ka ngambar semak agi. Sayau amat lens ti inggap ba kamera ukai bansa ti ulih zoom in semak. Tubuh ular terang agi ari pala iya ngena lens nya.

Iya ga aku maya nya nurun ka sekula laban ti ka nulung ngemata bala nembiak maya lunch break ngalih hari kemari. Ka ngambar bala nembiak meh aku tu lebuh ka din.   Ular nya benung ngangat ka diri ba jalai ngimbai kebun apai tuai orang seberai kami lebuh aku ka mansa.

Nama ular nya Pacific Gopher Snake. Ukai ular bisa. Enti Doug meda nya, sigi dijengkau iya meh ular nya. Ngelesik tubuh ngenang nya!