Berita ari Menoa

MARUDI (Baram, Sarawak), Oct 30 (Bernama) -- Several flood waters in Baram district had begun to recede as of 9am on Thursday, the district disaster relief committee chairman, Joseph Belayong said here, Thursday.

Briefing reporters at the flood-relief operations room here, he said floods in the areas of Batu Bungan, Long Terawan and Long Kevok - within the Mulu National Park - at the upper part of the district, as well as in the central part, had subsided.

However, the lower part of the Baram delta, that included this town, was still experiencing gradual rise in water level following high tide occurring in the Sungai Baram river.

He said the rise in water level was however low at 0.15 metres.

Belayong said the situation had yet to warrant any move to evacuate residents.

Kena bah menoa Baram, pia? Baru ga dua tiga hari tu aku nadai ninga berita ari WaiFm! Nadai ngetu ujan ba menoa Sarawak din, pia?

Tu gamal hari kami ditu sahari tu enggau berapa hari tu ila. Berengkah ujan meh kami ditu.

Nitih ka ramalan cuaca ti diambi aku ari Yahoo alu pansut ba iPhone aku, tu gamal hari menoa Miri dalam minggu tu.


Lemai pagila bala anak gagit ka masang Halloween costume alu enggau pengerami Harvest Festival ba gereja kami. Enti nitih ka ramalan cuaca, ujan meh hari pagila. Aku enda ngadang ujan lemai tu laban nitih ka ramalan cuaca pagila hari ka berengkah ujan. Sigi baka ramalan cuaca neh, jarang chun!

Ngarap ka lemai pagila ujan ngetu enda lama, awak ka bala anak ulih enjoy mimit.

Masak masak Part 2

Minggu nyin tadi aku bisi telipun ngagai indai aku. Mayoh macham meh cherita kami duai, tang sempat ga iya nyelit cherita siti - iya madah ipar aku siko (bisi iya nyenguk blog aku tu!) madah ka iya, aku ngaga diri enda nemu berapi maya aku ka bisi di Miri tu tadi. Iya madah aku complain pasal utai dipandok indai aku tang aku empu enggai berapi taja aku "landik" berapi!

Sapa enda nemu berapi enti bisi sida perencah Seri Aji kena ngaga asi guring? Tauka perencah Uncle Sun kena nyetim ikan? Tauka mandok Ayam Masak Merah enti bisi perencah Liza's Masak Merah? Sarawak Laksa pen aku nemu mandok! Nadai pedis laban bisi perencah Sarawak Laksa ari Liza's mega! Nasi Ayam? Issh, nadai pedis ngaga nasi ayam! Lebih agi enti bisi perencah Hainanese Chicken Rice kena mandok asi awak ka nyamai agi. Nadai pedis ngerebus manok, udah nya ngunsut enggau garam enggau minya lenga!

Nah, tu sekeda gambar utai dipandok aku minggu tu tadi! Indai Val, nuan ka minta recipe? Heheh. Eh, lawa aku diatu, nemu ngaga quiche enggau pies! Nemu ngaga pastry shell? Enda pedis, meli ka sedia ada, enda iboh mungkal ngaga!


Amat stidi aku diatu, nemu ngaga apple pie! Entah, nama kebuah ngelama tu aku enggai nguji? Ngeyamai nya ga ngaga iya! Mina siti aja - dudi ila, mayoh ka agi apple dikena!


Enda nemu nama kebuah, aku tak tengok ka makai quiche bayam enggau ham? Kelia menya aku ka nyepi quiche! Recipe dikena aku tu ari Cooks.Com. Amat muntang endar ka ngaga iya, lebih agi aku ngena Pillsbury pie crust. Enti ngaga kediri empu pie crust nya, sigi enda nemu. Dudi ila, aku ka nguji ngaga chicken pot pie!

Lama udah aku ka ngaga oat cookies. Aku sigi enda rindu makai sida ruti tauka biskut ti manis. Cookie tu endang tau dempa orang ka sakit kencing manis laban iya kurang manis. Oi, anang la makai sampai sepuluh igi!! Sigi dua aja, oi. Resipi tu diambi aku ari bup masakan orang ka bisi penyakit kencing manis.


Maya aku gawa di Vietnam dalam taun sembilan puluhan suba, aku rindu amat makai sup manok enggau sup tulang babi dipandok orang Vietnam. Chara aku mandok sup tu, kira ka nunda chara sida di Vietnam mandok sup sida. Sup sida enda tau enda bisi tomato, ngambi ka bisi masam mimit asai iya.


Ah, tu nunda chara indai aku nguring retak! Lauk retak guring tu endang specialty indai aku. Enggi iya mayoh agi minyak! Kicap dikena aku nguring tu, kicap cap Kuda Terbang, kicap dibai ari Miri!

Masakan western pen aku nemu mimit diatu, tang enggai enda bepeda ka bup resipi. Enti nadai bup resipi sigi enda nemu pen aku mandok! Bup resipi ka selalu dibeli aku diatu, endang bup resipi ka manah ka orang ka bisi penyakit kencing manis. Bala kita ti ka nurun berat badan, amalkan masakan orang sakit kencing manis!! Gerenti turun berat badan! Of course la, enti kita berati ka gambar ba post aku tu, enda samoa resipi ti patut dempa orang sakit kencing manis!

Naka tu cherita masak-masak aku ka sekali tu!

Tiga Taun

Aku baru udah ngecheck ni maya aku berengkah nulis blog Iban aku tu. Enda berasai nyu udah tiga taun umur blog aku tu. Dua belas hari bulan sepuloh tu tadi, blog aku tu genap tiga taun.

Nama utai ditulis aku ka terubah iya? Cherita pasal diri enda ulih tindok laban ka sakit batuk enggau pasal utai ka baru dibeli maya ka shopping! Nadai endar cherita, neh! Semadi kena mungkal ka blog baru, eh!


Of course la, template iya lain agi ari tu. Maya nya suba kira ka agi baru dalam dunya blogging ngena jako Iban. Maya nya mina Grace siko aja dipeda aku nulis blog iya ngena jako Iban aja. Nadai dichampur iya enggau jako bansa bukai. (Grace nama blog nuan mina by invitation only?) Puas puas aku berunding, eh, manah aku pen numboh blog siti ngena jako Iban! Meda nadai entu orang enggau aku berandau ngena jako Iban ditu, manah aku nulis blog jako Iban. Ni alah dikumbai orang ngumba enti enda entu nemu jako Iban agi tegal ka diau ba menoa orang putih! Issshhhh!

Pasal bisi ka enda orang datai macha blog aku, aku pen enda peduli maya nya. Engka udah aku bisi enggau orang beforum, dia asai aku bisi aku publicize mimit pasal blog aku nya.

Diatu enda ka rindu endar betulis ka blog ngena jako Iban? Nyu rami bala kitai ka betulis ka blog ngena jako Iban! Ba penemu aku, rindu agi aku macha blog Iban orang ka asal bansa Iban, kelebih agi sekeda ka kurang nemu nulis ngena jako English! Anang nganu au, nemu lah sapa diri kita nya!

Ka bala kita ka selalu nyenguk ruai aku tu tang nadai udah numboh blog diri empu, aram meh kitai sama sama ngerembai ka jako bansa kitai ba dunya siber tu! Aram kitai sama ngeroh ka ai ba dunya internet tu! Oooooo haaa!

Masak Masak

1. Asi guring ala Thai


Chara muntang - sebungkus perencah Nasi Goreng Thai, dibai pulai ari Miri bulan tujuh tu tadi.

Guring enggau undang enggau suntung ball. Err, bebola suntung?

Ditembu enggau buah longan. Sedap!

2. Kway tiaw guring



Tepeda ka kway tiaw ba supermarket china, alu tetenguk ka makai kway tiaw. Tau dikenyadi ga asai kway tiaw diguring diri empu, tang nyamai agi kway tiaw kerang dipasar Miri din!!

3. Tulang babi kicap



Cuthess bisi nyerita diri bisi mandok sup tulang babi kicap. Tetenguk asai ati ninga lauk nya! Dua hari udah nya mandok sup tulang babi kicap ga aku!

Amat munyi ko Cuthess, babi ba menoa ditu bebau, tang enti dipandok enggau rempah, lia, bau enda entu kuat agi. Engka aku diatu nyu udah teleba agi, nyu endar berapa bebau agi sium aku!

4. Kangkung guring


Maya ka suping ba supermarket china kutai, bisi tepeda ka kangkung. Kedung kangkung agi bisi dijual (musim chelap tu lagi nadai agi kangkung), enggai enda meli ga. Anang jeles Cuthess, neh, laban bisi tetemu ka kangkung ditu!

5. Teluk Masin


Tu gamal teluk masin digaga Doug. Peda pemesai teluk kuning iya! Maya ansa kami ka beteluk pun taun tu tadi, Doug bisi ngaga teluk masin. Indai aku alu bisi ngasoh iya mai sekeda pulai ka Miri maya iya ka datai ngambi kami pulai bulan tujuh tu tadi. Tujuh igi dibai iya ka Miri.

Gambar teluk masin tu diambi aku ba rumah indai aku di Miri din. Bisi dibagi ngagai sida ipar aku teluk masin ti dibai Doug. Agi bisi teluk masin nya dia. Diempa maya makai asi bubur.

Diatu aku tenguk ka makai karipap sardine!! Bisi meli setin sardine ensanus, hari lima tu lagi ngaga iya!

Main Gelembung

Malam hari lima tu tadi kami menyanak makai ba restoran Vietnam di Galt ditu. Restoran Vietnam tu apin lama udah dibuka. Nyu ka sekali seminggu kami makai dia .. endang ka nyukong bisnes sida iya laban enggai agi jauh driba ngiga pemakai Vietnam.

Nadai ngaji orang bukai gawa ba restoran tu, mina sida sebilik. Anak dara iya siko tukang tanggong .. agi sekula tudah tang enggai enda nulong ga gawa ba restoran. Iya ka mit, Christine, mina setaun tuai ari Duncan saduai Denice. Anak dara tuai sekali udah belajar ba university di San Diego.

Christine bisi main gelembung maya kami ka dia. Duncan enda tau meda gelembung, alu minta. Doug meh tukang sepu gelembung. Tu meh gamal sida ka bemain gelembung .. siap enggau static electricity sekali!

Dua tiga hari tu amat rangkai endar hari. Peda gamal gelembung inggap ba bok bala anak ka bemain gelembung!






Baka lekik bala ka bemain gelembung. Maya kami ka dia sigi nadai orang bukai ba restoran. Hari malam nya chelap alu bisi angin. Mayoh orang mina ngorder tapau. Nyu ka pulai kami dia baru bisi orang bukai datai, nya pen orang tiga iko menyanak. Alu diberi gelembung ga anak mit orang ba baru datai nya.


Duncan bemain gelembung ba rumah, udah kami pulai sembiang tengah hari tu tadi. Geli ati aku meda gamal iya tu!

Kasut Victoria Beckham

Sapa bala kita ka ngena kasut but baka tu? Aku heran kati Victoria Beckham tau balen ngena kasut ti nadai tunjik! Penat diri asai kaki aku meda gamal kasut tu!

Tengok ka karipap

Apin lama tu tadi, Lyana bisi ngaga karipap. Nyau tengok aku meda karipap iya! Maya aku di Miri tu tadi, nyau ka ninting lemai aku bebeli ka kuih ari Melayu ka bejual kuih ba depan mesjid enda jauh ari rumah sida apai indai aku.

Meda nya agi bisi pie crust ba dalam peti ais (dibeli ujung taun dulu!!) tambah mega bisi ubi randau, dia aku alu mupok nguring dagin pepat, ubi kentang, bawang besai enggau kacang pis kena ngaga isi karipap.

Tu gamal isi karipap enggi aku. Aku lebih rindu ngena dagin sapi ari dagin bukai.

Mit karipap gaga aku. Tau suap sekali enti tegar makai!

Empat igi empa aku pagi nya alu diteruju enggai ai kupi, Red Guara ari DCL (De Classic Life).


Nah, sapa kita nemu pasal kupi tu? Mayuh bai aku pulai ari Miri tu tadi. Ipar aku siko member DCL. Aku rindu ngirup kupi tu laban enda jampat lapar asai perut ma udah ngirup iya.

Agi bisi sekeping pie crust ba peti ais. Ila ngaga karipap baru!