Daddy meri Denice saduai Duncan a pick up hug lebuh iya baru datai ba airport malam hari lima tu tadi. Lelengau amat bala anak ka Daddy saduai, nyu enggai jauh ari Daddy sekumbang iya udah datai.
Malam hari enam kami menyanak mai kawan kami Kheng Hua enggau Evelyn makai ba Soon Chin restaurant. Hari lima tu lagi kami duai Doug ngintu sepuluh taun kami duai udah nyadi melaki bini. Kheng Hua siku ari saksi kami lebuh kami nikah dalam taun 1999 kutai. Saksi siku da gawa di KL din, nadai meh ulih enggau kami malam nya. Evelyn siku ari pengapit kami. Pengapit siku da, kasih tedah, nyu udah dulu mupuk ngagai menua serega. Sinu ati aku ngenang ka iya nadai enggau kami malam nya.
Pagi hari minggu kami menyanak dibai apai enggau indai aku bejalai ka Bekenu alu ngabas kebun sida din. Ba pasar Bekenu kami ngetu ba esplanade enda lama, begambar dia, udah nya alu meda pasar tamu. Bisi meh utai dibai ari pasar tamu ... sida petai, penganan jala, kuih sepit, ikan masin, daun sabung enggau buah naga. 
Langkau ba kebun apai aku sigi umbas iya pemesai, mina utai aja nadai agi dalam rumah. Nyu abis dichuri orang, sida tikai getah, tikai bemban, sida mija enggau kerusi ... balat endar ga bala orang ba kampung dia. Tak nadai beradat, nyamai nyamai ngambi utai orang. Sida buah enda ibuh sebut, nyamai orang ngumpul. Ikan ba pegong ti anyut ari sungai semak dia, abis dipansai. Nyu bepicnic orang ka mansai tauka ngetan pukat ba sungai belakang langkau. Nya meh munyi ko aku tadi, tak nadai beradat! 
Apai aku bisi nanam sawit ba tanah iya di Bekenu. Tu pun sawit ba belakang langkau iya. Gaga bala anak bejalai dia .. hiking, ko saduai.
Sepun pun pakan bisi bebunga. Lebat ga bunga ba pun siti nya. Pun ka ngimbai iya nadai bebunga. Nyu bau rengut utai dia sium aku. Enda bula, aku baru meda bunga pakan/rian! Aku pen baru meda pun buah dabai. Nyu ngetu ba tisi jalai ngambika ulih meda pun dabai ti benung bebuah.
Siti aja pun rian apai aku nya bisi bebuah. Agi mit. Sepun pun rambutan bisi meh bebuah. Tang enti kebun enda diabas, abis meh buah nya ila digumpul orang. Apai aku ukai nya entu pengerai.Nya meh pengawa kami ujung minggu tu tadi.
Darling nuan udah datai bak Miri piak? Kumbai ku enda enggau tudah. Paduhal. Dudi datai. Best endar langkau bak kebun parent nuan. Nama nadai urang besaup ngintu ka kebun piak wai? Sayau amai neh..rugi amai. Mensia maya ari tu..enda ku nemu wai... jaik jari enggau ati..
ReplyDeleteBest eh pulai menoa, kasih meda suai menyadi gaga meda daddy datai. Best eh rumah kampung bekenya ..tetengok asai ka bisi rumah bekenya. :D
ReplyDeleteAu, bisi meh laling aku datai ... tail end of the vacation. Hari lima tu lagi mupok kami ka Kuching, udah nya ka KL, udah nya alu pulai.
ReplyDeleteLangkau kebun apai aku nya sigi manah. Endang selalu bemalam din apai indai aku suba, lebuh apai aku agi gerai. Lama endar nadai bemalam ba kebun, nya orang naka ati ngambi utai dalam rumah nya .. abis padlock dipanggung, ngambi ka ulih tama. Nadai orang bukai ga tau diasuh nulong ngemata kebun dia.
Pat, enti bisi karan enggau water supply endang nyamai endar alai diau rumah kebun nya. Bisi ga nimbun ai ujan. Sungai mit bisi ga semak dia. Engka taun ila, enti apai aku agi dapat ka pen kami bemalam dia! Alai nya dia agi dalam celcom coverage! Ulih mai celcom broadband! Hahaha, ma battery netbook udah low, ngena battery ari kerita ga ngechas iya! Hahaha, bisi aku converter kena ngechas ari kerita!
Sama meh nya baka orang ke udu ngenyati kebun kami. Pintu pecah ka, nadai endar gak utai dicuri, bala sida pinggai mangkuk (tin gik nyak)... Balat merinsa sampai ngencuri pinggai ko aku...
ReplyDeleteBuah kami apin mansau diruruh ka. Upa mulong bedau kala kami empu ngupa. Tubu, buah.. anang nyebut agik, ambis magang.
p/s: see u this weekend :-)
Enda berasai abis ga ari cuti neh Doris. Taja pan rumah sida apai-indai nuan berimbai enggau aku, jarang amat ga tua bepansa/betemu alu berandau.
ReplyDeleteSekumbang orang ngaga rumah aku, lembau amat aku pansut ngagai luar rumah laban enggai ensepi debu enggau pasir terbai. Ma ribut dah bepuput balat alu engkasi enggau empeleman mata laban tama pasir.
Taja pan pia, ulih ga aku "keep-up with your updates" ari ruai nuan tu.Thank you for sharing your stories. They are always very interesting and I enjoy reading them. He..he..he..
Arap ka taun dudi (nyema nuan nemuai baru), tua ulih begulai berandau enggau pangan diri.
Ditu aku ka meri "advance" Congratulations to your 10th Wedding Anniversary. I pray that God will continue to bless your marriage and family life more and more each day and every day. Also, I wish you a safe journey home.