Taun tu kami menyanak ngintu hari Thanksgiving ba sida entua aku. Siku ipar, laki iya, enggau anak saduai bisi enggau kami makai lemai sahari nya. Entua indu aku baru 4 minggu udah beputung pala putung (knee replacement surgery). Tang taja pia, iya agi ulih nyendia pemakai lemai nya. Ngena chara muntang aja, ku iya. Nya ku aku, kering indai tuai nya! Pedis meh ku iya, makai ubat alu tat aja. Nadai ku enggau ga, ku iya.
Denice saduai Duncan gaga amat ulih betemu enggau petunggal saduai. Hari siti petunggal saduai alu bisi bemalam ba rumah ini iya begulai enggau kami.
Pagi hari lima kami duai Doug bisi enggau orang begau suping Black Friday. Mina kami duai enda enggau orang berebut nganti ba mua pintu ari tengah malam! Kapa kiruh, hari ngenyelap nya! Aku mina meli gari kediri empu, enggau gari ke Denice. Doug bisi ga meli perengka elektronik.
Hari enam kami bisi nurun main sukan nimbak ba tanah ipar aku ke biak sekali. Anak tuai iya ti ngangau kami. Denice tumu udah madah diri enggai enggau. Tedah sigi buyan endar - sigi enggai ninga letup senapang.
Balat pengaga Duncan. Semua senapang, enti diasuh, ka diuji iya magang. Ninjik ga Daddy sabar alu sanggup nulung iya nimbak dua bengkah senapang. Aku sempat nimbak pistol siti, enggau senapang siti. Target ti ditimbak, kena tauka enda ...
Kami menyanak mina dua malam aja ba rumah entua aku. Dua malam udah nya kami bemalam ba barn kami di Los Osos din. Gaga amat mayau kami (bisi enggau tedah) laban sempat "bemain" enggau tikus din!
Naka tu aja cherita pasal pengawa kami menyanak musim Thanksgiving taun tu!
Pama mai nuan wai. Bisi enggau urang main senapang. Aku kali baka Denice meh, nyamai diau bak rumah. Nda berapo rindu ninga munyi senapang ;P hehehe.
ReplyDeleteps. Jedun mit kami ngangau manok kolok 'Olie' (^_*)bukai turkey, olie ko ia.
Hahaha, Olie! Kami enda tau nupi jelu baka sida kambin, manuk, ansa ... mina nyadi pet aja, enda tau disembelih!
ReplyDeletePistol ti ditimbak aku nya endang enggi aku. Enda chukup pritis -- nimbak 22mm rifle baru aku rindu, laban chun agi. Sigi enda ulih Denice enggau, laban sekeda senapang ke ditimbak, inggar amat!