Bulan nyin kemari kami menyanak bisi nemuai ngagai menua sida entua aku. Tiap kali kami kin kami menyanak endang bemalam ba langkau kami empu ba Los Osos. Alai langkau kami nya endang ba countryside - tentu bisi jelu babas enti nya ba countryside neh!
Peda gamal rusa ba tisi pagar kuda nyin!! Nadai kitai Iban tau meda rusa baka nya alu enda mikir lauk dagin rusa! Amat geram endar ati meda pemayuh rusa baka segau ba menua nya! Nya meh lebuh malam hari maya kami pulai beganjuh enda tau enda bejaga mai kerita. Enggaika ngelanggar rusa ti benung engkejuk meraka jalai! Tau bebadi kitai enti belanggar enggau rusa!
Bisi meh ati nimbak rusa, tang nya meh enda tau sebarang ga nimbak. Enggai enda ngambi lisin dulu ga baru tau nimbak. Nama nimbak lagi, enda ga tau nimbak rusa indu laban sida bisi beranak mit. Tambah mega enti nimbak siku rusa, nadai jalai aku tu dianjung mela rusa! Iisshh, nadai aku tu nemu mela jelu babas!!
Peda baka nya aja meh sida rusa. Baka mayau aku ti ngemata ke kuda dalam kandang sida! Au, mayau aku nya endang dibai belama lebuhka nemuai ke Los Osos. Nyau teleba iya dibai nepan kerita. Mina udah datai din lagi enda tau pansut, enggaika enda nemu pulai! Kasih tedah dikurung dalam langkau.
Bah, naka tu aja cherita semadi nadai aku sekali tu!
Aku agi ingat maya aku nyera ka anak aku pmau (nama timang laban ya gendut) segi setiap ujung minggu laki engau apak aku mai senapang begiga ka jani & rusa...enti ba menoa kitai to sigi enda tan bala rusa nya...
ReplyDeleteuntung amai nuan Puteri, bisi nupi kuda..enda takut nuan nepan kuda y Puteri? Aku bisi udah pengalaman nepan kuda taun nyin kemari ba Tagatay, Philipine...nepan kuda niki Taal Valcano...ka luput nyawa..;)
Hahaha, gamal aku nepan kuda!! Kuda seberai langkau kami nya enggi orang. Indai tuai orang ke empu tanah nya bisi nyendia horse boarding. Bisi 15 iku kuda orang di simpan dia. Ipar aku baru bisi nupi kuda enggau keldai. Kala kami nepan keldai iya, tang nya meh keldai nya di iring iya lalu aku enggau anak aku siku duduk atas keldai. Iissh, enti enda pia kada enda kena tendang keldai kami duai menyanak!! Pama nuan kala nepan kuda! Aku nepan gajah udah meh, ba menua Cambodia.
ReplyDelete