Pemerindang Puteri: Ai Pengayu

Wednesday, May 31, 2006

Ai Pengayu

Taja kami sebilik enda ulih pulai ka menoa ngintu gawai taun tu, kami duai Doug sempat ngetoast pangan diri ngena ai pengayu. :-)

Ai pengayu tu digaga pangan aku dalam taun 2003 kutai maya iya ti ngintu aku beranak. Pangan aku tu indu china tang iya landik endar ngaga tuak. Tuak tu bisi dichampur iya beras mirah mimit nya gamal iya nyau baka brandy. Ngelama tu tuak nya dikena aku mandok manok. Pama ga pemisa iya! Heheh

Ngirup tuak enggau belauk ka tulang babi! Sayau babi nya ukai babi pansuh! Enda ka nyamai agi enti nya babi pansuh!

Sekali agi, selamat hari gawai ngagai bala kita ti macha blog tu.

3 comments:

GerubiTuai5:31 AM
Selamat Gawai Dayak endu nuju kita menyanak. Ahh udah tu ngirup "ai pengayu" ahh demalam! I missed Gawai atmosphere meh tu. Bah mupuk dulu..ngerituk blog aku dulu.Ngujika utai di ajar bala anak demalam.

Aki Gerubi
ReplyDelete
Replies
Desmond Douglas Jerukan7:50 PM
Seramat Gawai! We are still at it!
ReplyDelete
Replies
DCampbell aka Puteri9:25 PM
Bendar kita begawai, Desmond? Bisi tingat ka kami ditu maya kita ngirup? Heheh.f
ReplyDelete
Replies

Add comment

Idup Jaku Iban!

Ada bansa Iban tetap bejaku Iban!

Aku ukai tak nemu iga nulis ngena jaku Iban tang sigi rindu ngemansang serta ngerembaika jaku bansa kitai ba dunya siber tu. Sekumbang aku ke udah pindah ke menua Amerika, nadai entu orang enggau aku bejaku Iban ditu semadi meh aku berandau ba telipun enggau pangan bansa Iban ti sama diau ba menua tu.

Aku enggai baka sekeda orang ti udah lama ninggal menua asal udah nya alu enda nemu bejaku Iban agi. Enggai dikumbai orang ngumbaka diri! Nya kebuah blog ngena jaku Iban tu dipejadika ditu. Aram kitai sama bela ngerembai jaku bansa Iban ba dunya siber tu!