Selamat Taun Baru

Selamat Taun Baru ngagai kita samoa. Ngajih ka Taun Baru tu bala kita sebilik diberkat Tuhan enggau pengelantang serta samoa utai ka badas.



-- Post From My iPhone

Christmas Wallpaper

Tu gamal wallpaper ba TV/PC monitor aku. Enda cute? Ni gamal enggi kita?

Christmas Parade

Lemai hari enam tu tadi kami menyanak nurun ka pasar ka meli Christmas tree. Ngam ngam ga maya nya benong Christmas parade mansa. Kami tu tadi enda sedar hari nya hari orang beparade. Beguai meh kami ngepark truck alu pansut nganti orang mansa.



Tu gamal bala anak nganti parade. Simpang dia alu ditutup polis laban orang ka beparade nyu ka datai dia.





Gaga endar bala anembiak laban tiap float ka mansa orang ka dudok ba float bisi betikau ga gula batu. Nyu rauh rauh Duncan gaga meda pemayoh gula batu ulih digumpul iya. Apa agi, Daddy ka ngulu ngumpul!


Pengujung parade nya bala sida fire truck. Bendar meh sida masang horn enggau siren sida. Nadai entu besai iga parade ba menoa Galt tu, tau dikumbai semadi nadai! Tang pama meh, kena ngerindang orang ka diau ba tempat mit kami tu.

PUTERI.ME - URL Baru Blog Pemerindang Puteri

Minta bala kita ka bisi ngelink blog aku tu nukar url blog tu ngagai http://www.puteri.me! Dua bulan kutai aku ka meli domain tu tang maya aku nukar url blog aku ngagai domain baru tak enggai nyadi. Lebih sahari aku nganti url nya propagate tang nadai ga online. Sahari tu aku nguji .... eh, ka ga nyadi!

Ngambi ka url aku tu lebih agi ditemu ba Search Engines, minta kita nukar url blog aku tu ngena url baru.

Terima kasih.

Thanksgiving 2008

Thanksgiving taun tu aku manggang manok kulok nitih resipi china - ngena kicap, oyster sauce, 5-spice, enggau gula. Bisi ga dianjong manok kulok aku taun tu! Mina siti aja ti bisi ngasoh geli ati.

Manok kulok dipanggang semalam-malam ngambi temu mansau ma udah pagi hari. Tang pagi siti dani, ni nadai entu bebau manok kulok dalam oven? Enda patut! Pintu oven dikebak, talam alai manok kulok dipanggang diangkat pansut, bungkus aluminium foil diangkat - jeng, jeng, jeng! Nama manok kulok nya tak agi puchat deh? Heheh, paduhal apin mansau! Oven diset ba 170F enda chukop angat! Ko pangan aku ka madah ka aku, enggi iya dipanggang ngena temperature 150F, mansau manah ga. Engka oven aku sigi enda manah agi, kini. Nyau meh manok kulok nya dipanggang baru, sekali tu enda bebungkus agi. Maya iya nyau udah mansau manah gamal iya nya baru ngebab atas manok kulok nya mimit enggai ka angus.


Dua jam aja, manok kulok tu mansau manah. Nah, enda stidi gamal iya? Nyamai ko entua laki aku!

Entua laki aku nyirap (carve, ko orang ditu) manok kulok. Siti aja utai aku nadai nyedia kena makai manok kulok tu. Cranberry sauce. Meda tu dipanggang stail china, nadai nguna cranberry sauce kenu. Enda puas ati entua indu aku laban nadai cranberry sauce kena iya makai manok kulok iya! Hehe, hari siti iya meli berapa tin enda cranberry sauce! Agi mayoh teda manok kulok. Bisi dikena makai malam, tengah hari ari siti ... datai ka pagi tu, dempa enggau roti paun - digaga ka sandwich.


Aku bisi mega manggang leg of lamb. Ooooii, nya baru sedap! Aku sigi rindu endar makai lamb!

Green bean casserole.

Turkey stuffing, nitih resipi Jamie Oliver. Nyamai!

Enda alah agi, ko entua aku!

Entua indu beambi ka video. Ba sepiak kanan nya anak menyadi Doug. Siko tu anak tunggal, nadai menyadi bukai, alu diau enggau sida entua aku.

Nya iya, sempat ngerias diri anak dara aku tu! Lipstick nyu abis nyau dibai makai manok kulok. Minta dichelup baru - ini iya ka rajin nyelup ginchu nya ka iya!

Hari siti, dikumbai orang ditu Black Friday. Bala ka rajin endang udah tumu bebaris ba moa pintu kedai ka paling favorite, ngambi ka ampit meli utai ti on sale. Sekeda endang ari pagi hari empat (Thanksgiving) udah camping depan kedai - takut enda ampit utai ti dikedeka ati. Doug enggau apai indai iya pukul enam pagi mupok. Aku nitih dudi, urung pukul 10.30 a.m. baka nya. Kapa enggau orang berebut tumu! Agi ka tindok leka mata!

Aku mina meli sida gari enggau sepasang kasut but (another one, oi!). Oh, bisi mega meli pua, enggau dua keping DVDs. Hari siti (hari enam) nurun baru aku shopping laban agi bisi sale, tang enda ngemurah rega utai maya hari lima. Mina meli gari aja aku. Enda lama udah datai rumah, nurun baru enggau Doug. Sekali tu kami duai meli flat screen monitor 19", alu meli Epson all-in-one printer (ulih print, copy enggau scan). Ka meli laser jet, tang iya ka manah kelalu mar ga. Bedau sanggup ka ngeluar duit ngemayoh nya! Tadi aku browsing sekeda websites ngiga desktop pc, engka bisi rega ti tau narit ati. Isssshhhh. Tentu lah bisi! Pagila (hari Satu) dikumbai orang Cyber Monday, maya orang bebeli ka utai online udah ka shopping ba pasar! Sekeda websites endang udah sale berengkah hari tu.

Nagang diri, oi, enggai ka puas mayar bil kredit kad ma udah datai lagi! Enggai ngutang ari kredit kad company! Ma bil datai, bayar abis!

Sahari tu aku udah ngantung Christmas wreath ba pintu enggau atas fireplace. Lampu pelip, apin laban nadai entu hari! Sekeda jiran aku ditu, udah bepasang ka lampu pelip ngelingi rumah sida. Christmas tree pen udah dijual, tang apin ka meli. Engka ari dua tu lagi.

Naka tu cherita aku sekali tu.

Katun Thanksgiving

Manok kulok pintar.

Busy!

Sori laban nadai entu hari update blog! Mayoh endar quilt bala customer ti enda tau enda ditembu! Laban ka kiroh endar, computer pen berapa hari dah nadai dipasang! Enti ka ngecheck email tauka ngecheck news, iPhone alai ngecheck. Nyamai endar ga, enda kiroh bepasang ka computer!

Tu gamal quilt tops bala customers ti apin dijait ngena mesin aku! Aku mesti nembu tu sebedau tengah bulan dua belas tu lagi.

Tu empat iti quilt ti baru tembu. Siti agi ba mesin.

Minggu dudi tu lagi aku enda ulih bejait laban nyendia ka pemakai kena ngerami Thanksgiving. Aku ka ngaga apple pie enggau pecan pie. Gaga dulu udah nya simpan dalam freezer. Aku ka ngaga bread rolls mega. Turkey stuffing pen ka digaga dulu. Hari satu tu lagi aku ka meli manok kulok. Manok kulok tu udah diais, so enggai enda nganti dua hari awak ka iya lela. Malam hari tiga aku manggang iya .... semalam malam. Taun tu aku enggai manggang iya hari Thanksgiving (27 November) laban malas dani kelalu tumu! Enda kurang 4 jam baru utai tu mansau! Tang enti api oven diberi low, ulih manggang iya semalam malam, endang temu kitai mansau pagi siti!

Limpang mimit ---- cherita makai! Yeaaay!

Sup ekor lembu! Lama dah tengok. Aku endang bisi mai ari Malaysia Kiub Ekor Maggi. Muntang endar ga enti bisi kiub Maggi!

Mediterranean chicken and pasta

Nyu ka sepuloh taun aku diau ba menoa tu, baru diatu aku ngasai ka diri ka ngiga pemakai ti ukai asi tauka mee! Nyu nemu leju aku makai asi. Kira ka bisi insur meh nya!

Suping

Suping? Shopping la, bala Iban enggai enda ngena jako ribai!

Enti pasal suping aku sigi ka endar, tang ukai suping sebelah mall tauka ba kompleks. Enggai enggau orang begelut! Enti pasal suping, aku rindu agi nunga computer alu suping online. Tang sida baju enggau kasut enggai aku suping online laban ti ka nguji dulu sida baju tauka kasut. Takut ka enda ngam legik! Enggai muai jam mulai sida gari enggau kasut ti enda ngam!

Enti pasal sida bup, sida marik, sida computer accessories tauka sebarang utai electronics, sigi ari internet meh aku meli utai baka tu. Tang apin lama tu tadi, udah bekau aku ka meda Flo meli kasut but iya ka lawa endar gamal ari internet, nyau aku ngecheck nama stail kasut but ti dibisi dijual ba Amazon. Nadai mayoh ga stail kasut dia, mina siti aja bisi mantup ati aku. Kasut tu tau dibeli ba Macy's tang aku lembau suping ka Macy's laban jauh tambah mega aku enda nemu dreba kin kediri!

Meda kasut but nya nadai tunjik tinggi tambah mega ko orang ka udah meli iya, lembut serta nyamai dikena, alu ngorder meh aku! Amat comfortable endar ga kasut but tu!

Stidi, peda kita?

Ujung minggu tu tadi aku bisi mega ngorder dua iti gelang copper. Aku enda nemu kati ko Iban ngumbai copper. Siti ari gelang copper nya bisi magnet. Maya aku di Miri musim panas tu tadi, bala ipar enggau menyadi aku bisi bekena ka gelang magnet. Ko orang copper tau nulung orang ka bisi sakit tulang (arthritis). Aku enggai enda nguji, ngicha ka bau badu pedis!

Ukai semina gelang copper utai diorder aku lemai nya!

Tu gamal utai dibeli aku ari internet mega! TV baru depan TV lama!

Nah, sigi puas ati aku meda 42nd CMA Awards ba TV malam hari empat tu tadi! TV tu diorder ari internet tang diambi ari kedai. Nyamai ga ngorder chara baka nya laban ulih manding samoa brand TV ka bisi ba kedai nya ari internet dulu, udah nya milih ka dikedeka ati. Ari siti aku nerima email madah ka TV nya tau diambi ari kedai - enda ga kena chas shipping and handling enti dianjong ka rumah.

Aku bisi meli mija (entertainment console) alai nudok ka TV tu tang alu apin dianjong. Mija tu dibeli aku ari kedai furniture semak kami ditu. Bisi aku meda ba internet tang murah agi rega mija nya ba kedai furniture china semak kami ditu. Kebendar TV tu ka digantong ba dinding. Udah meli tvmount (ulih ngorder ari internet mega!) alai ngantong TV tang alu apin bisi hari ngantong iya. Nganti mija udah datai, baru tau meda peninggi alai ngantong iya. Enggai nyadi enda digantong laban bala anak ka endar betanda ba moa TV! Ni ka besipak ka bol agi! Chuma pulai hari TV ka baru dibeli!

Bah, nama utai dibeli bala kita maya ka suping tu tadi?

Berita ari Menoa

MARUDI (Baram, Sarawak), Oct 30 (Bernama) -- Several flood waters in Baram district had begun to recede as of 9am on Thursday, the district disaster relief committee chairman, Joseph Belayong said here, Thursday.

Briefing reporters at the flood-relief operations room here, he said floods in the areas of Batu Bungan, Long Terawan and Long Kevok - within the Mulu National Park - at the upper part of the district, as well as in the central part, had subsided.

However, the lower part of the Baram delta, that included this town, was still experiencing gradual rise in water level following high tide occurring in the Sungai Baram river.

He said the rise in water level was however low at 0.15 metres.

Belayong said the situation had yet to warrant any move to evacuate residents.

Kena bah menoa Baram, pia? Baru ga dua tiga hari tu aku nadai ninga berita ari WaiFm! Nadai ngetu ujan ba menoa Sarawak din, pia?

Tu gamal hari kami ditu sahari tu enggau berapa hari tu ila. Berengkah ujan meh kami ditu.

Nitih ka ramalan cuaca ti diambi aku ari Yahoo alu pansut ba iPhone aku, tu gamal hari menoa Miri dalam minggu tu.


Lemai pagila bala anak gagit ka masang Halloween costume alu enggau pengerami Harvest Festival ba gereja kami. Enti nitih ka ramalan cuaca, ujan meh hari pagila. Aku enda ngadang ujan lemai tu laban nitih ka ramalan cuaca pagila hari ka berengkah ujan. Sigi baka ramalan cuaca neh, jarang chun!

Ngarap ka lemai pagila ujan ngetu enda lama, awak ka bala anak ulih enjoy mimit.

Masak masak Part 2

Minggu nyin tadi aku bisi telipun ngagai indai aku. Mayoh macham meh cherita kami duai, tang sempat ga iya nyelit cherita siti - iya madah ipar aku siko (bisi iya nyenguk blog aku tu!) madah ka iya, aku ngaga diri enda nemu berapi maya aku ka bisi di Miri tu tadi. Iya madah aku complain pasal utai dipandok indai aku tang aku empu enggai berapi taja aku "landik" berapi!

Sapa enda nemu berapi enti bisi sida perencah Seri Aji kena ngaga asi guring? Tauka perencah Uncle Sun kena nyetim ikan? Tauka mandok Ayam Masak Merah enti bisi perencah Liza's Masak Merah? Sarawak Laksa pen aku nemu mandok! Nadai pedis laban bisi perencah Sarawak Laksa ari Liza's mega! Nasi Ayam? Issh, nadai pedis ngaga nasi ayam! Lebih agi enti bisi perencah Hainanese Chicken Rice kena mandok asi awak ka nyamai agi. Nadai pedis ngerebus manok, udah nya ngunsut enggau garam enggau minya lenga!

Nah, tu sekeda gambar utai dipandok aku minggu tu tadi! Indai Val, nuan ka minta recipe? Heheh. Eh, lawa aku diatu, nemu ngaga quiche enggau pies! Nemu ngaga pastry shell? Enda pedis, meli ka sedia ada, enda iboh mungkal ngaga!


Amat stidi aku diatu, nemu ngaga apple pie! Entah, nama kebuah ngelama tu aku enggai nguji? Ngeyamai nya ga ngaga iya! Mina siti aja - dudi ila, mayoh ka agi apple dikena!


Enda nemu nama kebuah, aku tak tengok ka makai quiche bayam enggau ham? Kelia menya aku ka nyepi quiche! Recipe dikena aku tu ari Cooks.Com. Amat muntang endar ka ngaga iya, lebih agi aku ngena Pillsbury pie crust. Enti ngaga kediri empu pie crust nya, sigi enda nemu. Dudi ila, aku ka nguji ngaga chicken pot pie!

Lama udah aku ka ngaga oat cookies. Aku sigi enda rindu makai sida ruti tauka biskut ti manis. Cookie tu endang tau dempa orang ka sakit kencing manis laban iya kurang manis. Oi, anang la makai sampai sepuluh igi!! Sigi dua aja, oi. Resipi tu diambi aku ari bup masakan orang ka bisi penyakit kencing manis.


Maya aku gawa di Vietnam dalam taun sembilan puluhan suba, aku rindu amat makai sup manok enggau sup tulang babi dipandok orang Vietnam. Chara aku mandok sup tu, kira ka nunda chara sida di Vietnam mandok sup sida. Sup sida enda tau enda bisi tomato, ngambi ka bisi masam mimit asai iya.


Ah, tu nunda chara indai aku nguring retak! Lauk retak guring tu endang specialty indai aku. Enggi iya mayoh agi minyak! Kicap dikena aku nguring tu, kicap cap Kuda Terbang, kicap dibai ari Miri!

Masakan western pen aku nemu mimit diatu, tang enggai enda bepeda ka bup resipi. Enti nadai bup resipi sigi enda nemu pen aku mandok! Bup resipi ka selalu dibeli aku diatu, endang bup resipi ka manah ka orang ka bisi penyakit kencing manis. Bala kita ti ka nurun berat badan, amalkan masakan orang sakit kencing manis!! Gerenti turun berat badan! Of course la, enti kita berati ka gambar ba post aku tu, enda samoa resipi ti patut dempa orang sakit kencing manis!

Naka tu cherita masak-masak aku ka sekali tu!

Tiga Taun

Aku baru udah ngecheck ni maya aku berengkah nulis blog Iban aku tu. Enda berasai nyu udah tiga taun umur blog aku tu. Dua belas hari bulan sepuloh tu tadi, blog aku tu genap tiga taun.

Nama utai ditulis aku ka terubah iya? Cherita pasal diri enda ulih tindok laban ka sakit batuk enggau pasal utai ka baru dibeli maya ka shopping! Nadai endar cherita, neh! Semadi kena mungkal ka blog baru, eh!


Of course la, template iya lain agi ari tu. Maya nya suba kira ka agi baru dalam dunya blogging ngena jako Iban. Maya nya mina Grace siko aja dipeda aku nulis blog iya ngena jako Iban aja. Nadai dichampur iya enggau jako bansa bukai. (Grace nama blog nuan mina by invitation only?) Puas puas aku berunding, eh, manah aku pen numboh blog siti ngena jako Iban! Meda nadai entu orang enggau aku berandau ngena jako Iban ditu, manah aku nulis blog jako Iban. Ni alah dikumbai orang ngumba enti enda entu nemu jako Iban agi tegal ka diau ba menoa orang putih! Issshhhh!

Pasal bisi ka enda orang datai macha blog aku, aku pen enda peduli maya nya. Engka udah aku bisi enggau orang beforum, dia asai aku bisi aku publicize mimit pasal blog aku nya.

Diatu enda ka rindu endar betulis ka blog ngena jako Iban? Nyu rami bala kitai ka betulis ka blog ngena jako Iban! Ba penemu aku, rindu agi aku macha blog Iban orang ka asal bansa Iban, kelebih agi sekeda ka kurang nemu nulis ngena jako English! Anang nganu au, nemu lah sapa diri kita nya!

Ka bala kita ka selalu nyenguk ruai aku tu tang nadai udah numboh blog diri empu, aram meh kitai sama sama ngerembai ka jako bansa kitai ba dunya siber tu! Aram kitai sama ngeroh ka ai ba dunya internet tu! Oooooo haaa!