Tiap kali aku ngetu ba mua simpang jalai, ngambi surat ba peti surat tisi jalai, aku bisi nyium utai bau rengut. Apu, sedap ga bau tu, ku aku tiap kali aku nyium bau nya. Dini penatai bau tu? Berapa hari udah nya baru aku sedar bunga jasmine orang seberai jalai nya benung lebat amat bebunga. Paduhal nya utai ka bebau rengut!
Kemari lebuhka bediri baruh pun kayu oak ba simpang jalai nya tadi laban ti ngiga sida hummingbird, ngemanah nya ga bau disium dia. Amat kuat bau bunga jasmine nyin, ku aku bejaku kediri.
Enda aku sedar ngelama tu bau nya datai ari pun buah orange ba tanah orang sepiak kami. Ukai mina bau ari bunga jasmine ti ngasuh utai bau rengut kuat amat ba simpang nya!
Semadi aku berati amat amat lebuhka nitih burung hummingbird ti nutu bunga ba pun orange nya baru aku sedar pengalak bunga pun orange ba kebun orang sepiak kami nya. Sedap amat bau bunga orange!
Sayau amat gambar burung hummingbird ti nutu bunga orange nadai terang. Burung tu ukai nya jenuh! Bisi meda burung hummingbird ba gambar diatas?
bisi nyinnnn ia hehehe - teringat ke lagu bunga melur
ReplyDeleteLansik nuan, andan! Hehe, sayau amat, siku hummingbird pan enda nyengala peda ba gambar! Ni, burung mesai tunjuk aja! Pedis ngambar ari jauh!
ReplyDelete