Sahari tu kami duai Doug enggau apai indai nembiak sekula bukai sembiang dikumbai Parents Chapel ba sekula bala anak. Ba sekula nya, tiap hari lima sida endang bisi chapel. Minggu nyin ila minggu ka penudi sebedau kemisi musim panas. Parents Chapel kiraka penudi iya sida ngatur sembiang taun tu.
Denice enggau siku nembiak nerima kad Hari Pengada. Sahari tu endang hari pengada Denice ke tujuh.
Tu meh gamal kad diterima orang. Kerunyuk laban dilipat alu disimpan dalam kuchik.
Tiap iti kelas bisi mansutka program ti berindik ari cherita Bup Kudus. Bala sida Gred Satu mandang ka penemu sida pasal Catechism. Rindu ninga bala sida nyaut tanya ari pengajar sida pasal utai ti dipelajar ba Catechism.
Aku bisi ampit nerima sijil penghargaan, tegal diri ti selalu nulung ngemata bala nembiak lebuh lunch break. Bisi bala indai bukai nerima siji baka nya mega laban tulung sida ka sekula nya.
Seminggu aja agi, kemisi bala nembiak. Lemai hari penudi sekula kami tiga menyanak pan angkat pulai ka menua.
Congrats !! pama meh bulih sijil,as Yard Duty Mom, enda lebu lelak ngemata ke nembiak ba sekula ! hehehe
ReplyDeleteNya meh! :-) Tiap kali aku nulung ngemata, endang nadai kala enda bala pengajar mandang ka appreciation sida.
ReplyDelete