Aku enda nemu nama bunga morning glory dalam jaku Iban tauka dalam jaku Melayu. Taun tu taun ke tiga tauka taun ke empat aku udah nanam bunga morning glory tu. Taun nyin kemari, tulang malas amat, alu diteju layu sebelah pagar enggau bunga bukai alai iya bebelit. Nya meh ngemayuh leka tuai labuh ke tanah! Nyu dichabut sekeda ke tumbuh taun tu laban ti enggai meda kelalu mayuh. Datai ke diatu agi meh iya baru nyumbuk pansut ari tanah!!
Ma udah musim chelap mati magang pun morning glory. Iya ke layu nya ke enggai nyadi enda diberesi ari sida pagar enggau bunga bukai. Jai amat gamal ma udah layu.
Sapa bala kita nemu kumtum morning glory tu tau diempa? Aku baru diatu ke nemu! Nya pan semadi pangan siku ti berasal ari Kuching ti madah. "Panduk iya baka kitai ke manduk sayur," ku iya. "Panduk enggau belacan tau, enggau bawang putih enggau oyster sauce tau, gulai enggau utai bukai tau," ku iya. "Semadi enggi nuan nya mayuh uji panduk," ku iya madah ke aku!
Nya meh aku alu nguji. Tiga kali aku udah manduk kuntum morning glory tu! Amat nyamai bunga tu! Iya ke keterubah, guring aku enggau pusu enggau belachan. Bisi asai terung pipit manis sepi aku. Kedua kali digulai aku chabi gadung enggau sida belachan mega. Alu iya ketiga kali di gulai aku enggau kantuk entekai. Akai, nyamai amat, enda milih kati nuan manduk iya!
Enti kita bisi tetemuka kuntum morning glory, anang enda nguji! Leka tuai morning glory anang makai, tau mabuk laban iya!
Au, naka tu aja cherita aku sekali tu!
gamal morning glory nya nyu ka baka bunga sundar. Sama tau dipakai tang burak kaler ia - nyamai tang ti enda tang perut hehehe ngasuh cirit, agi suba selalu makai bunga sundar campur engau daun ia guring belacan olalala slurrrp. pelaba aku sama asai engau morning glory
ReplyDeleteNi ke nama bunga sundar nya, Lily? Morning glory tu nadai ngasuh cirit, tang nyamai asai melabur next morning ... lembut! :-) Enti bunga nyu ka sebaka gamal, sama texture petals, endang amat sama asai iya.
ReplyDelete