Tu ukai keterubah iya aku bisi bekunsi cherita pemakai kitai Iban ba blog aku tu. Nya meh bisi sekali siku ti bisi macha blog aku ninggal komen madah diri rindu nguji pemakai ba menua alai iya nemuai. Reti nya tadi iya madah kapa kiruh ngiga lauk kitai Iban, empa aja pemakai orang ditu!
Aku endang rindu pan nguji pemakai bansa orang bukai, pemakai menua ti alai aku melancung! Ni iya dia ka diuji aku magang asal utai di-idang nya ukai dagin ukui tauka dagin ular tauka sida indu utai guring! Eeek, agi ngelisi aku meda sida buntak guring dijual bakaka nyual kacang kuda agi angat di menua Cambodia!
Ba dapur/rumah diri empu nadai meh aku tan makai pemakai bansa ribai ninting hari! Kitai ga endang Iban, tuai diri makai pemakai Iban tauka pemakai Malaysia, enggai nyadi nyawa mina dibai makai menua orang ti alai kitai diau! Ngumba kitai ku bala bakih dimenua!
Nya meh bekareh ngiga sida kantuk entekai, kantuk peria, petai, tubu, enchalu, kasam janik ... ukai madah pemakai orang ditu enda nyamai ... nyawa ti udah telaba makai pemakai asal kitai!
Ninjik endar ga ba menua California sida sayur ti dikerindu kitai mayuh bisi dijual ditu! Mina sida sayur babas baka sida rambai, sida miding ti nadai. Tang ba menua ti bisi ujan lebat baka di Washington state, di Oregon, di Florida endang bisi tumbuh sida rambai, sida miding. Nemu ga bala ribai makai mina chara sida manduk aja lain ari enggi kitai.
Orang ti enggau aku begulai ninjik ga enda milih, barang lauk di-idang endang diempa magang. Nya meh iya madah kasam janik (kasam gaga aku bulan satu nyin kemari) diguring enggau tubu apin lama tu tadi nyamai amat. Enti udah munyi nya ngaga kasam baru meh aku tu ila! Mina bala anak aja ti bisi milih laban ti enda entu ka makai dagin tauka sayur. Arapka udah sida besai agi ila, enda entu milih agi. Iya ke indu udah nemu makai sida sayur kai lan enggau bok choy. Iya ke laki nya agi milih.
Bah, nyu lapar diri asai nyawa bai nyerita pasal pemakai! Sup kasam janik gulai enggau entimun betu ... *meliur*
Amat nyamai lauk nuan nya. :-) Sema jaku, lauk babas sigi udah nyadi isi kitai laban nya meh lauk ari mit kelia nyentuk ke diatu, sigi nadai ulih buai meh lauk nya ari 'palate' kitai... :-)
ReplyDeleteEndang amat, Chris! Palate udah chukup trining, pedis dibuai!!
ReplyDeleteEndai...baru meh aku nemu, bisi ga sayur iban di menoa ribai neh. Untung bulih pangan enda mulih makai.
ReplyDeleteHeheh, ETE, amat untung kam ditu laban bala orang ti datai ari menua Laos, Cambodia, Pilipin ... bisi mai leka, mai tambak .. nya ke bisi ditanam ba kebun besai besai di menua California enggau di Mexico. Sekeda sayur mina maya musim panas aja bisi tang kiraka udah pama bisi tulih ke lauk ti dikerindu kitai.
ReplyDeletemeliur meda lauk nuan nya puteri - ngiga urang nyadi mangsa ku tu pulai cuti ari raya ila asuh mai sayur kampung ari menua
ReplyDeletespesel mat ya di sedia ke baka nyk.makin b'selera meda ya.
ReplyDeleteLily, arapka ka bisi bala sanggup ngangkut sayur kpg ke nuan!
ReplyDeleteSietdeathlock, terima kasih!
ReplyDeletebisi bejual ka lauk kitai iban orang din wai puteri...nadai pan tan makai lauk ribai belama...
ReplyDelete