Kuda

Orang ka empu tanah seberai enggi mentua aku (alai kami ba Los Osos) bisi bisnis ngintu kuda enggau training kuda.

Amat rindu meda view sida kuda enggau bukit ari jendela dapur kami ditu.

-- Merinsa ngepost ari iPhone!

Gambar diambi sahari tu

Tu gamal kebun buah ba rantau jalai.

Jalai seberai rumah kami. Kebun buah apai tuai orang seberai kami.

Gambar bungai ba pun plum diambi aku pagi tadi.

Doug ngait trailer ba kerita sebedau kami mupok pagi tadi.


Futon enggau mija diangkut ba trailer.

Naka tu dulu! Agi jauh pejalai kami! Tu numpang wifi ari hotel semak MacDonald's alai kami ngetu meli kupi enggau nginjau jamban!

Ujung Minggu ba Los Osos

Kami benong ba rantau jalai nuju Los Osos. Aku ngepost entry tu ngena iPhone. Tusah. Kadang2 ka kadang2 enggai.

Sekali tu kami bisi ngirit trailer - ngangkut futon enggau mija. Katil ka dikena kami maya kami ba Los Osos bulan nyin tadi udah diambi orang ka empu. Bala anak tindok atas tilam angin (air mattress).

Naka tu aja dulu. Ila nguji ngepost gambar.

Update: Benong dudok dalam kerita ba tisi jalai berimbai enggau MacDonalds, nganti Doug ngorder kupi. Bulih free wifi ari Motel 8, enda jauh ari MacDonald's!

Musim Bunga

Enti nitih kalender, musim bunga berengkah 20 March taun tu. Tang enti kitai meda sida pun buah enggau pun kayu bukai, kitai ulih meda sida pun buah enggau pun kayu nyau berengkah pansut daun enggau bunga. Mayoh ga sida pun kayu agi lasak nadai tampak udah ngeresak daun.

Minggu nyin tadi tu gamal bunga baru ngeresak ba pun buah apai tuai ka diau sebarai kami.

Minggu tu nyu mayoh agi gamal bunga ba pun buah. Rindu amat meda bunga tang maya musim tu bala ka allergic laban pollen sigi sendat idung tauka gatal rekung, ngujung ka sakit batuk enggau meresin enda badu badu.


Bunga kalas tu bunga pun plum.


Maya aku ka ngambi gambar tu bisi angin mimit, nya kebuah gambar sekeda enda entu terang iga. Enda alah aku ngetan dan bunga ngambi ka enda engkebut dalam angin!

Ahh, kati ko enggau gambar ka udah diambi? Gaga nyadi background desktop!

Makai Mi

Pagi tadi aku bisi nurun ke pasar. Ka ngiga sayur kenu. Tang nadai tetemu ka sayur dikedeka ati, ujung ujung meli kai lan enggau luba aja... chinese daikon, ko lelaki bansa Loas ka nyual luba nya madah ka aku.

Udah nya aku alu raun sebelah pasar, engka tak bisi tepeda ka utai ti narit ati. Leboh ka bejalai dia aku tepeda ka tugung kutak mi. Ahh, mi mangkok ala Korea! Sedap tu! Aku alu meli sekutak mi undang.


Beguai meh aku mandok ai kena mandok mi dalam mangkok nya, alu manggang undang udah aku datai ba rumah.


Leboh aku nyirut mi, aku alu geli ati! Aku te-ingat ka video "lucah" ka dibantai aku ba blog tu kutai! Enda salah salah baka indu Korea ka nyirut mi dalam video nya!

Berapa iko kita enda nyadi meda video nya laban kita ngumbai nya amat amat video lucah? Anang salah sangka, wai!! Nadai aku ka mantai video nya ditu enti nya amat video lucah!

Pemakai Malaysia & Barat

Siti ari pemakai ka dikerindu Doug iya nya laksa Sarawak. Malam hari minggu tu tadi aku tetenguk ka laksa Sarawak. Meda nya agi bisi perencah Laksa Sarawak Liza, aku alu manduk laksa ka empa malam nya.

Maya aku ngidang pemakai malam nya, ngaga diri tekenyit Doug meda nya laksa. Nuan enda nyium bau maya aku manduk tadi, ko aku nanya iya. Nyium meh aku utai bau rengut serta nyamai tang enda ngadang nya laksa.

Tiap kali aku pulai ka Sarawak endang tetap mai berapa bungkus perencah laksa pulai. Enti enda ngira nya berat, nyau ngangkut sebeg!


Lemai kemari aku bepeda ka bup resipi. Meliur meda gambar sida pemakai dia. Nyu tenguk ga meda gambar pork chop. Nyau ga aku ngasoh Doug nurun ka supermarket meli pork chop maya iy ka pulai kerja. Nyu laun mimit kami makai demalam laban nganti pork chop nya mansau. Tang perut puas malam nya!

Minggu Pengerai Ngeli

Aku agi ingat maya ba primary school kelia. Tiap kali bisi anembiak ti baru pulai ari klinik pergigian ba sekula bediri ba moa pintu klas kami, bedegup jantung laban takut enggai ka nama aku kena kangau!! Balat ga pengenggai betemu enggau lutur ngeli!

Denice saduai Duncan baru sekali udah betemu enggau lutur ngeli. Duncan nadai beleman, tang Denice alu enda nyadi ... takut alu nyabak. Nyu postpone ngagai bulan siti appointment enggau lutur. Nya pen semadi apai iya mai iya.

Minggu tu tadi sekula sida bisi ngatur Minggu Pengerai Ngeli (Dental Health Week). Tu sekeda gamal project digaga bala anembiak ba sekula sida.



Tiap iko sida ba klas Duncan bisi ngaga poster ngeli.

Maya aku datai ngambi saduai pulai sekula, saduai enggau sekeda classmate bukai bekena ka headgear ngeli.

Bakarauh bala minta gambar!

Ni baka pengerai ngeli kita?

Aram meda video "lucah"!

Enti kita enda ulih meda video tu, anang enda download plugin windows media player ngambi ka ulih meda. Kira ka rugi enti enda ulih meda!

Click Play to start!


*Enti bisi meda skrin chelum, +X ba sepiak atas kanan, click X, kena nutup skrin chelum, alu click Play. Enti Windows Media Player ba page tu enda load tu link alai kita tau meda video tu.*

Agi Belala

Demalam kami menyanak nurun baru ngagai restoran china, Rice Bowl, alai kami makai ngintu Hari Valentine minggu nyin kemari. Agi belala!

Enti nunda kapa nurun ngenyauh nya nganjong diri makai! Penyauh alai restoran nya ari rumah kami bisi 37 km. Ukai nya nadai restoran china semak kami ditu tang restoran ti digagai kami demalam spisil agi. Enti tak bisi lauk baka ka ba Rice Bowl ba restoran china semak kami ditu kapa driba ngenyauh nya, neh!

Spicy seafood claypot. Baru iya kami ngorder lauk tu. Tau ngorder baru dudi ila! Mayoh macham lauk claypot ba restoran tu.

Steamed oysters. Lama udah kami enda ngorder oyster! Oii, nyamai amat! Kami mina ngorder tiga macham lauk. Nya pen bisi dibai pulai. Siti ti enda kena gambar iya nya manok panggang. Laban kami ka laun nurun kemari perut pen udah ngeriok maya manok panggang nya datai. Kelalu jampat nyengkau serta nyuap nyu enda sempat ngambar! Mayoh orang ba restoran nya demalam, kira ka lubah mimit meh lauk nya datai.

Diatu aku bepeda ka bup Kuih Asli Malaysia. Meliur meda gambar sida kuih dia. Maya kami ka di Lutong musim panas taun dulu tu tadi, tiap lemai meli kuih ari sida Melayu ka bejual seberai masjid di Lutong, kuih kena ngirup lemai.

Udah agi, nyu engkeriok perut ngenang pasal kuih!

Update: MP3 Lagu Iban

Nitih ka Feedjit, mayoh endar bala sangkai ba blog aku begiga ka mp3 lagu Iban. Aku enda nemu dini alai kitai tau download mp3 lagu Iban tang aku deka ngajar siti chara kitai tau download lagu Iban ngena format mp3 ari Youtube. Temu aku endang sigi mayoh video lagu Iban ba YouTube.

Ngambi ka chunto tu lagu dikumbai Sayau Enda diempu Aku dibai penyanyi Iban benama Ebau. Minta ampun ngagai peminat Ebau, aku tu baru iya ninga nama uchak tu!



Ngena Quicktime - Sayau Enda diempu Aku - Ebau

Keterubah iya, bala kita ka ngena IE, minta kita download browser Firefox ba computer kita. Install browser tu, udah nya download serta install browser add-on dikumbai Media Converter.

Buka YouTube, pilih ni bagi lagu ti deka didownload alu click Media Converter icon ba Firefox browser bar --- peda ba gambar atas.

Tu gamal drop down menu ti pansut ..... pilih mp3, click Next Step.

Laban kita ka audio file aja, ba Audio Codec menu, pilih MP3, alu audio bitrate, pilih 64 kbps tauka tinggi ari nya .. nitih ka peneka diri empu meh. Udah nya click Next Step.

Audio ari video ka dipilih nuan berengkah download.

Tembu file nya didownload, automatic file nya diconvert ngagai mp3.

Click Download Now, udah bekau file nya tembu diconvert.


Giga file lagu nya ba Download folder ba drive C: enti kita nadai udah ngaga default folder alai nyimpan downloads.

Ta da! Free mp3 files for you, geng!


Biar Bekikis Bulu Betis - Lagu kena ngerindang bala ka bisi macha post tu.

Bulu pending

Nuju bala kita ka indu ti udah belaki --- Kati asai kita enti laki kita nyimpan bulu pending ngemanjai enggi uchak tu?

Enti iya nya laki aku, sigi lama dah maya iya tindok aku nguntin bulu pending nya enti iya empu enggai ngunting iya!! Engka perang besai rumah tangga kami tegal nya!

HIS ear hair is 25cm long and still growing but Indian grocer Radhakant Baijpai has no intention of trimming it.

Officially recognised by Guinness in 2003 as having the longest ear hair in the world, Radhakant has carefully coifed his ear-folicles from 13.2cm to their current ear-itching length.

Considered by Radhakant, 58, to be symbol of luck and prosperity, his incredible ear-hair has been growing since he was 18 and more importantly has never been cut.

Maintained by a specially prepared blend of herbal shampoo, Radhakant has so far resisted the pleas of his long suffering wife to cut it off.

Radhakant, from the northern Indian state of Uttar Pradesh, said: “She has always been asking me to cut my ear-hair, but since the official record was confirmed by Guinness, she has allowed me to keep it because it is a source of pride to me.”

He added: “Before people would tease me, not maliciously, but still would ask me why my I never cut my ear hair.

“Now I tell people with pride about the good fortune that my hair has brought me.

“I am sure that no one in the world has ear-hair longer than mine and my hair is almost double the length of the first record I set in 2003.

“We are currently waiting for confirmation from Guinness that my ear hair, which stands at 25cm is now the new standard for men with extreme ear-hair.”

Kek enggau Sushi

Kemari aku ngelaban ujan nurun ngagai restoran Jepun laban tenguk ka makai sushi. Aku diatu enda ibuh nganti orang enggau makai ma udah ka! Kediri meh aku makai sushi serta ngirup teh. Nyamai endar ga makai tengah hari ba restoran nya laban nadai entu mayoh orang.

Rainbow sushi ba restoran Mama's Sushi.

Taja gamal kitil nya mit, iya berat endar! Bisi sekilo pemerat iya enti enda lebih! Udah kenyang asai perut, mupok ga aku ngambi bala anak pulai sekula.

Tu tadi aku ngbasa blog Lyana, tenguk ga aku meda kek ka digaga iya. Ngetu ba blog Entayang baka nya ga. Ka mungkal ngaga kek lembau ga asai tulang. Ngena endar ga bisi kek mix. Mina nambah teluk, minyak enggau ai, nyadi meh kek.


Kebendar aku enda entu minat makai kek cokelat, tang munyi ko aku tadi, tak tenguk meda kek cokelat digaga Lyana. Bekareh meli kek mix ari supermarket alu ngaga kek tengah hari tu tadi.

Sedap endar bau kek ka udah mansau sebelah rumah!

Laban ka nagang diri makai utai manis, enda tebal krim cokelat disapu atas kek. Ba nyawa aku agi meh nya manis.

Bah, kati bala kita, nama lauk ka dipandok kita tengah hari tu lagi?

Ngintu Hari Valentine

Ni bisi ka restoran tauka besempuru makai enggau pangan kena nyambut Hari Valentine bala kita?

Kami menyanak enggai enggau orang berebut kena hari Valentine empu, nya kebuah kami nurun makai ba restoran lemai hari lima (Friday, 13th, oiii!)

Seminggu minggu Duncan udah nganti Hari Valentine. Ba sekula sida, bala cikgu bisi ngatur party (tumu sahari), bala anembiak bisi betukar kad Valentine, bisi nerima goody bag (sida chocalate enggau gula batu), alu enda tau tinggal ma bisi pengerami, paint painting. Nya gamal utai ka dichunting ba moa Duncan,


Mayoh amat gambar jantung ba moa Denice! Gaga orang ngenat chunting ba moa!

Maya kami ka nurun ka restoran enggai enda ribut ujan ka hari, Ngena ga hari baka nya, nadai entu mayoh orang ba restoran. Jampat amat pemakai datai! Undang diguring keruk enggau chabi gadung, endang enda tau tinggal ma kami makai ba Rice Bowl.

Peda gamal perut janik tu! Sedap amat! Kerup kerup kulit iya. Kati enda sida nguring tu, neh? Dempa enggau sos chabi manis.

Kerang dalam sup arak. Slurrrp! Tu aja lauk ti abis dempa kami malam nya. Sida bukai bisi tapau bai pulai. Manok stim, enggau ikan guring, enda sempat digambar. Kelalu beguai nyuap maya iya dibantai!

Sahari tu, hari Valentine empu, nadai mindah kami menyanak. Doug kiroh gawa ba luar, ngaga kandang ka sida ansa. Kasih tudah ansa, dua iko dempa jelu liar .. enda nemu nama jelu ka makai ansa nya. Mina bulu, enggau sida perut aja agi tinggal. Doug sahari tu bisi meli sangkar (trap) kena nangkap jelu nya ... bisi umpan udah diengkah iya ba sangkar nya. Dua iko dalam dua hari, tudah ansa lesap. Sangka aku iya ka beteluk ka dempa jelu nya. Iya ga ma sida beteluk sida enda begulai enggau raban ansa bukai, nya nyamai endar jelu liar makai iya. Kasih amat, mina tinggal lapan iko aja ansa kami.

Sekali agi, Selamat Hari Valentine!