Asa Asa

Pagi tadi maya aku bisi ka pasar, aku bisi meli pisang. Mansau amat pisang ka dijual orang Mexico siku nya, alu tetenguk ka chuchur pisang aku lebuhka meda pisang nya nyu ka baka gamal pisang bugis. Aku agi ingat ka pisang bugis ti diberi Mr Fam ti diau berimbai rumah apai aku di Miri din. Nyamai amat pisang bugis digaga chuchur.

Beguai aku pulai ari pasar alu mupuk nanak chuchur pisang. Enda teranti nyengkau siti ka baru mansau.

Akai, nama tak nadai asai pisang tu deh? Manis enda, kelat enda. Tak baka makai kertas .. Asa asa amat ati ngumbai nya manis.

Enti enda ditabur enggau gula tepung endang dipalung aku ngagai ansa ba luar din chuchur nya! Nadai asil asil kitai ka ngangkut pisang pulai ari pasar!

Kuih Bulan

Kemaya mooncake festival?

Minggu nyin kemari kami bisi meli mooncake ari Asian Supermarket ba Sacramento ditu. Mar endar ga rega sekutak, $18 sekutak. Sekutak mina ga empat igi kek. Bisi ga ka murah agi tang aku ngiga ka bisi teluk mirah.


Aku bisi meri pengajar sida Duncan dua igi kek nya, ngasuh iya magi enggau bala nembiak ba kelas. Ko Duncan, dibuai sekeda, laban enda nemu makai. Iya ka diberi aku bansa ka manis, mina bepuak ka lotus seed aja.

Ni bala kita bisi enggau orang bebeli ka kuih bulan?

Betitih ka burung

Ngambar bunga udah. Ngambar indu utai udah. Ngambar ansa terbai udah. Ngambar kerita lama pan udah. Diatu ka nguji ngambar burung.

Ukai nyamai ngambar burung. Duduk ba panas, belalai belakang pagar, nganti burung inggap ba dan pun buah!! Iya ka bisi inggap, enggai inggap ba pun kayu ti semak aku. Sahari tu mayuh burung terbai semak rumah nya kebuah ka nguji ngambar sida. Sayau telephoto lens ba camera baru enda hebat telephoto lens ti tau dipasang ba DSLR. Taja pia, bisi ga sekeda gambar burung nya nyadi. Tau ga nya dibantai ditu.


Mayuh macham burung ti bisi terbai kin kitu sebelah pun buah aku ditu tang aku ka enda nemu nama tauka ngelala bansa burung. Ngumbai nya pipit, ukai ga semua baka gamal pipit! Iya ka mit agi pelaba aku pipit meh nya. Gambar ka diatas nya, enda baka burung empuluk peda kita? Tang sigi ukai empuluk nya laban iya mit agi ari empuluk!

Rindu meda burung bechurak biru tu. Mayuh burung tu bemain sebelah tanah belakang rumah aku. Bisi sebansa bepetik petik baka bulu manuk burik alu besanggul mirah tang sayau amat enda ulih digambar laban kena lindung daun alu enda lama inggap ba pun buah walnut.

Ku Doug, burung ngelala kaler ... baju dikena aku bekaler orange .. ni burung enda takut meda aku dugau dugau enda jauh ari pun walnut ti alai iya inggap. Maya nya kedua kali aku pansut ngambar burung alu duduk ba padang ngimbai pun walnut. Udah ngalih tengah hari tu tadi hari enda entu angat iga laban bisi angin mupuk bepuput.

Ma aku pansut baru ngambar burung ila aku ka ngena baju bechurak "camouflage".

Gambar burung bukai tau dipeda ba photoblog. Abas la ...

Pesta Kerita Lama

Sahari tu tadi kami menyanak bisi ngagai Galt Old Car Festival. Endang ninting taun kami enggau orang meda kerita lama ba MacFarland Ranch. Duit ka ulih ari tikit masuk, enggau bayar ari orang ti enggau mandang kerita sida pulai ngagai Galt Historical Society. Nya kebuah kami ka nyukung pengawa baka tu.

Aku sigi enda jauh ari kamera aku pan! Sigi ransing mansut ka ayam baru aku nya! Nah, bisi meda gamal jurugambar in action?


Peda aku, enti dibanding enggau taun dulu enda entu mayuh kerita ka bisi enggau pesta kerita lama taun tu. Engka laban sahari tu hari penudi iya, kini?


Nama apai tuai orang seberai kami bisi ba program tang kami nadai meda iya tauka kerita lama iya. Engka iya mina mandang kerita iya ba hari keterubah kini?


Amat ransing endar aku enggau kamera aku sahari tu! Sida laki enggau anak enda dikibuh! Aku ngati kediri nyenep kin nyenep kitu! Siti aja penyalah ... siti gambar bala anak ka bisi enggau ngagai pesta kerita pan nadai! Aisey. Temu kiruh ngambar sida kerita!

Gambar bukai ka diambi ba pesta tu tau dipeda ba photoblog. Abas la ...

Bejalai ba Consumnes River Preserve

Lemai tu tadi, apin mata panas padam, kami bisi bejalai ngagai Consumnes River Preserve. Bejalai sambil begambar ka utai meh kebuah kebendar kami kin. Aku mina sekali aja udah kin suba, nya pan nganjung diri enggau orang bekayuh ka perau ba sebelah sungai dia.

Lemai tu tadi kami mina bejalai niti sungai enggau niti paya. Mayuh endar indu tawir/kelentit terbai dia, tang siku pan nadai meh inggap ba daun ka dipansa kami.

Udah kami datai ba endur parking kereta aku alu nyemberai jalai laban mayuh endar ansa enggau itit didinga aku. Aku ngasuh Doug enggau bala anak nganti aku ba pun Wetland Trail. Aku enggai ngasuh sida enggau enggai ka begau sida ansa enggau itit ti ka digambar aku. Tang lebuh sida ansa enggau itit meda aku, alu terbai meh sida. Kapa sida nganti aku ngambar sida!!

Manah endar jalai ka udah disedia. Mayuh endar utai ulih digambar sebelah jalai nya. Bala sida ansa enggau itit bisi didinga bemain ba sungai tang enda ulih dipeda laban kena lindung sida pun kayu enggau babas. Sayau amat nadai ulih ngambar sida.

Rumput tu dikumbai "cat-tails" ... iku mayau. Mayuh endar tumbuh sebelah paya dia. Maya musim panas enda entu basah paya nya dia .. bisi ga alu nya ka endur sida burung bangau, itit, ansa enggau burung ai bukai bemain.

Aus enggau lelak saduai. Butul ai sigi bisi dalam kerita tang saduai ka enda mai pansut! Tambah mega bisi renga mimit tedah saduai, engka nya ti ngasuh jampat lelak.

Maya kami ka pulai ari Consumnes River Preserve mata panas pan mupuk padam. Sempat ga aku ngambar mata panas ka padam. Siti aja ti ngasuh enda rindu .... tiang telekomunikasi tak segenda bediri ngimba mata panas ka turun! Enda berapa!

Ila aku mantai gambar bukai ka diambi aku ba Consumnes River Preserve ba photoblog aku. Abas la ... Ka tinduk agi aku diatu!

Begagai ka buntak

Bendar aku betitih ka buntak "bilun kuntit" sahari tu! "Bilun kuntit" ku kami ngangau buntak tu maya agi mit kelia! Aku enda nemu pan nama Iban buntak tu.

Sigi baka kitai ti ka nyadi jurugambar meh nya. Ngambar sida buntak ukai nya bakaka ngasuh mensia duduk jenuh lebuhka digambar! Buntak sekejap aja nutu sida daun tauka bunga alu terbai iya. Ni iya angin niup sida dan rumput alai buntak nya inggap. Nadai meh gambar terang enti utai digambar enda jenuh.

Nya meh sahari tu aku betitih ka dua iku dragonfly ti bisi terbai kin kitu sebelah kebun bunga aku. Siku terang agi churak iya, alu siku nya meh ditith aku.

Rindu endar ga begambar ka utai! Gambar bukai buntak tu tau dipeda ba photoblog aku. Abas la ....

Beputung

Enda sinu meda mayau aku nya disimpan dalam sangkar? Peda gamal iya ngunjur ka jari iya, minta dipansut ari sangkar.

Ba menua kami ditu, nya meh chara mai sida jelu mit mindah. Pagi kemari aku mai mayau aku nya ka Veterinary Hospital ... beputung, ngambika iya enda ulih beranak.

Aku sigi enda kala mai sida jelu ngagai spital jelu ba menua tu laban nadai kala nupi sida mayau tauka ukui. Rami endar ga spital nya, nyu asai ka dalam spital/klinik kitai mensia! Hari tiga endang hari orang nganjung sida mayau enggau ukui beputung.

Nya meh gamal mayau aku maya aku ngambi iya ari spital. Mabuk gamal tedah .. pejalai pan enda stidi.

Siti utai ngasuh aku geli ati lebuhka ngenang pengawa aku kemari.

Aiee, namahal gamal mayau nya tak besai agi? Iya amat mayau aku dibai aku pulai nya? Namahal iku iya baka ka enda chukup panjai, sumit pan enda panjai? Anang anang mayau orang dibai aku pulai!

Bekareh aku telipun ngagai spital nanya! Iya ga pagi nya bisi siku mayau orang nyu ka baka gamal mayau aku, mina iya besai mimit aja ari enggi aku. Mayau orang nya dianjung beputung ga. Bekareh orang ka enggau aku bejaku ba telipun ngechek ka aku.

"Nadai ah," ko iya udah iya ka ngechek. "Endang mayau nuan dibai nuan pulai nya! Iya ka siku ti ka baka enggi nuan nya, panjai agi bulu iya", ko indu nya ga.

Sigi amat mayau aku ga nya. Dua tiga jam udah nya, baru gamal iya mulai baka gamal iya selama. Nyu regas mimit gamal iya udah nya. Pagi tadi ulah mayau baka selama ga ... manchal baka selama, engkejuk ka empakap ba kaki aku lebuh aku ka bejalai mansa iya!

Jampat endar ga gerai! Tang malam tu lagi iya agi diberi ubat ngenanka pemedis. Iya apin tau lepas diluar din enggaika abi putung iya buruk.

Ko Duncan kemari, maya aku ngambi iya pulai ari sekula, "If anything happens to the kitty, I'll be so mad! You will have to get me another kitty if anything happens to her!" Siru endar iya ka mayau nya!

Serakup Pemansang Pelajar Jaku Iban

SIBU, Sept 22 (Bernama) -- It is the hope of Sarawak's Iban community that one day the Iban language will be a subject taught at teachers' training colleges and universities in the country.

Deputy Chief Minister Tan Sri Alfred Jabu anak Numpang said this could happen if all gave their full support towards ongoing efforts to further develop and standardise the language, now already a subject at the PMR and SPM levels.

He said this when launching the Association for the Educational Development of the Iban Language (AEDIL) here on Tuesday.

Jabu said urban Iban parents in particular should encourage their children to speak the language properly.

"It is the tendency these days for urban children to speak Iban mixed with a lot of words from the English or Malay language. This is not good as it may lead to the demise of the pure and original language," he said.

Jabu said Iban children should not be ashamed to speak their language in public as even the Dewan Bahasa dan Pustaka had adopted many of the words with specific meaning to enrich the national language.

"But at the same time, they must also be encouraged to master other languages like English and Mandarin. After all, it is already a Sarawakian trademark to be fluent in many other languages besides their own lingua franca. This will give them the competitive edge in life later on," he said.

Jabu also said that the Dayak Cultural Foundation beginning this year would give incentives to Dayak students who excelled in their studies at the UPSR, PMR, SPM and STPM levels.

Earlier, AEDIL protem president William Baja Jap said the association was set up to help in the educational development of the Iban language.

"AEDIL will be a platform in this course. Our long-term objective is to develop the language as a language of science, technology, commerce and communication at both local and international levels," he said.

-- BERNAMA

Aku nganti AEDIL ngaga website ngambi ka barangsapa kitai ka bisi ati belajar sereta ngerembai ka jaku bansa kitai tau nyukung sereta nyaup pengawa serakup tu.

Amat munyi ku Jabu, anembiak Iban ka diau di nengri kemaya hari tu ka malu malu mantai ka jaku asal diri empu alu enda diperansang apai indai sida ngena jaku bansa diri enggau betul.

Amat manah enti ari mit bala nembiak Iban dibai bejaku Iban enggau betul ... anang baka aku nyu udah besai tuai baru ka belajar ngena jaku bansa diri enggau betul!

Munyi ku uchak siku, enda ngawa laun asal aja bisi!



***Aku nguji nukar spiling ti selalu dikena aku ngagai spiling ka betul!

Temuai

Kemari, pangan lama Doug bisi nemuai ngagai kami. Bisi enam taun kami nadai betemu enggau iya laban iya ka diau di Kansas din.

Lemai nya tumu kami nurun mai Ed makai ba Rice Bowl awakka ulih tumu ga pulai. Aku enggai bala nembiak laun tindok laban hari siti hari sekula. Nya meh, jam apin pukul 5.00 lemai kami udah nunga utai dempa!

Apu, amat lama aku enda makai pemakai baka tu, ko Ed. Ingat aku maya kitai ka makai ba tebing tasik enggau apai nuan suba, ko iya ga agi. Ed kala dibai kami raun ka Malaysia dalam taun 2002.

Aku ngorder lima macham lauk. Akai, nya baru berentak! Puas asai nyawa (ti enda tepantup makai french toast pagi nya!) aku lemai nya! Tulang kerigai stim atas daun lotus .... mmmmm!

Duncan saduai Denice enggai negu "pencuci mulut" tu. Nyamai ga eh ... buah rungan enggau white fungus .. pelaba aku lah utai ti baka kulat nya.

Aku ngasuh sida empat begambar ngimbai kerita sewa Ed. Lawa amat kerita PT Cruiser convertible dikena orang bujang nemuai ngagai kami. Udah makai lemai ba restoran, Ed alu pulai ngagai rumah menyadi iya di San Francisco. Ujung minggu tu lagi baru iya pulai ka Kansas.

Doug alu madah, iya ka nemuai ngagai Kansas baru ila. Huh. Taun 2000 suba kami ka bisi nemuai ngagai Ed di Kansas. Diatu ka pedis mimit mindah, pedis mai nembiak mit dua iko!

Ngiga sup champur

Pagi tadi kami duai Doug pegi breakfast ba Denny's. American style breakfast meh nya. Iya ka bendar aku enda entu ka makai utai manis maya pagi hari tang pagi tadi aku ngorder French toast enggau 2 keping bacon.

Enda tepantup asai nyawa aku pulai ari Denny's pagi tadi.

Akai, tu utai digiga lebuh pagi hari! Beturut hari ka meh aku makai sup champur tu! Enda sinu kita ninga serbana aku tu?

Meda Map

Gamal apai ngajar bala anak meda map, pagi tadi sebedau kami mupuk ka gereja. Map nya ba Bible anembiak mit. Bakaka tak nemu aja saduai dua iku nya lebuh daddy ka madah tu nama tempat nya, tu tempat ka berimbai nya, tu menua alai Tuhan Jesus ada ...

Rindu ga aku ninga bala anak aku nemu pasal pengarap, nemu pasal kuasa Tuhan. Besembiang meh kami sebilik ngambi ka bala anak ngemeran ka utai dipelajar enggau utai diajar pasal pengarap.

Bemain enggau ayam baru

Ayam baru aku datai kemari. Enda mindah aku kemari nganti UPS datai nganjung iya. Enggai ka asa baru ati enti UPS datai maya aku nadai di rumah!

Udah bateri iya dichas, ayam baru nya alu dibai pansut. Klik kin. Klik kitu. Nasib ga bisi auto focus mode ti tau dikena ... iya ga owner's manual apin abis dibacha!


Tu dikumbai kasut kuda. Utai ditemu Doug sebelah tanah kami dia. Tanah endur rumah kami tu alai orang bekebun kelia. Engka bisi nupi kuda orang ka empu tanah nya kelia.



Aku endang sigi rindu ngambar bunga. Manah endar ga bunga diambi semak bakatu ngena ayam baru aku nya. Jauh manah ari ka diambi ngena ayam lama aku.


Amat stidi endar ga gamal bunga diambi semak baka tu. Enda rugi asai meli ayam baru nya!

Nah, tu meh gamal ayam baru aku. No, its not a DSLR camera.

Gambar bukai tau dipeda ba photoblog aku. Abas la ....