Pagi tadi maya aku bisi ka pasar, aku bisi meli pisang. Mansau amat pisang ka dijual orang Mexico siku nya, alu tetenguk ka chuchur pisang aku lebuhka meda pisang nya nyu ka baka gamal pisang bugis. Aku agi ingat ka pisang bugis ti diberi Mr Fam ti diau berimbai rumah apai aku di Miri din. Nyamai amat pisang bugis digaga chuchur.
Beguai aku pulai ari pasar alu mupuk nanak chuchur pisang. Enda teranti nyengkau siti ka baru mansau.
Akai, nama tak nadai asai pisang tu deh? Manis enda, kelat enda. Tak baka makai kertas ..
Asa asa amat ati ngumbai nya manis. Enti enda ditabur enggau gula tepung endang dipalung aku ngagai ansa ba luar din chuchur nya! Nadai asil asil kitai ka ngangkut pisang pulai ari pasar!
Nuan enda meda nama pisang nya, sebedau meli ? Kami ditu bisi pisang, ukai manis, baka nya. Diimport ari those carribean islands, endang enda manis. Pisang bansa dipanduk, empa baka kitai ke makai asi enggau lauk pauk. Terubah mentua aku mai aku makai pisang baka nya, ngenung aku dulu. Dipanduk baka kitai ke ngerebus buah ubi randau. Udah lembut baru tau di pakai. Nyamai amat, lemak pisang nya. Sebengkah agi, pisang panduk nya mesti disempulang enggau buah keladi rebus ga. Nya baru cun makai enggau ikan tuna masak masam manis.
ReplyDeleteAku enda nemu apa pisang nya .. pisang ka gaga lauk ka enda .. amat asa ati aku ka makai chuchur pisang ka manis! :-( Nadai kala ninga orang mexico nemu belauk ka buah pisang.
ReplyDeleteRis,
ReplyDeleteEnti pisang enda manis enti udah ti cucur nuan tau di pakai nuan enggau vanilla ice-cream nyamai iya laban ice-cream nya manis. Anang makai iya enggau ice-cream flavour bukai enda nyamai iya.
Esther
Ta,
ReplyDeleteGood idea! Ka aku muai, sayau ga, ngenang ka tepung enggau minyak ti udah dikena!!