Ukai nyamai ngambar burung. Duduk ba panas, belalai belakang pagar, nganti burung inggap ba dan pun buah!! Iya ka bisi inggap, enggai inggap ba pun kayu ti semak aku. Sahari tu mayuh burung terbai semak rumah nya kebuah ka nguji ngambar sida. Sayau telephoto lens ba camera baru enda hebat telephoto lens ti tau dipasang ba DSLR. Taja pia, bisi ga sekeda gambar burung nya nyadi. Tau ga nya dibantai ditu.
Mayuh macham burung ti bisi terbai kin kitu sebelah pun buah aku ditu tang aku ka enda nemu nama tauka ngelala bansa burung. Ngumbai nya pipit, ukai ga semua baka gamal pipit! Iya ka mit agi pelaba aku pipit meh nya. Gambar ka diatas nya, enda baka burung empuluk peda kita? Tang sigi ukai empuluk nya laban iya mit agi ari empuluk!
Rindu meda burung bechurak biru tu. Mayuh burung tu bemain sebelah tanah belakang rumah aku. Bisi sebansa bepetik petik baka bulu manuk burik alu besanggul mirah tang sayau amat enda ulih digambar laban kena lindung daun alu enda lama inggap ba pun buah walnut.Ku Doug, burung ngelala kaler ... baju dikena aku bekaler orange .. ni burung enda takut meda aku dugau dugau enda jauh ari pun walnut ti alai iya inggap. Maya nya kedua kali aku pansut ngambar burung alu duduk ba padang ngimbai pun walnut. Udah ngalih tengah hari tu tadi hari enda entu angat iga laban bisi angin mupuk bepuput.
Ma aku pansut baru ngambar burung ila aku ka ngena baju bechurak "camouflage".
Gambar burung bukai tau dipeda ba photoblog. Abas la ...
Bendar nuan gambar burung sampai belalai belah belakang pagar. Aku enda meh ngelala burung kelimpah ari burung tiung. Laban burung nya nyamai di kelai ke nama bisi kuning ngimbai pala ia.
ReplyDeleteBidik endar ga nuan, tepeda ke mayuh burung datai. Nyu baka ke nemu nuan ka ngambar sida iya! Enda lebu dugau2 ba panas....hehe
ReplyDeleteLysther, sigi chara ngambar burung, mesti belalai!! Ka ngaga pondok alai belalai ila, haha! Aku ngelala sida achang, sida gagak .. nya nadai pedis dikelala.
ReplyDeleteLyana, amat rami amat sida kemari. Ari pagi aku ka berati ka sida, begagai gagai, terbai ari pun siti ngagai pun siti. Aku nemu enti aku jenuh nganti tentu sida pulai ngagai pun walnut nya .. favorite sida tempat nya.