Cherita (semadi nadai) hari lima

Aku ketawa macha blog post Lyana pasal pukat emplawa ti mayuh sebelah rumah iya ti ditinggal iya maya iya kemisi tu tadi.

Enggi kami bakanya meh, bakaka nadai orang dirumah maya aku kemisi tu tadi. Iya bisi ga orang, tang orang ka ditinggal enda ibuh ka utai baka nya. Sebelah pintu enggau jendela endang abis dibalut pukat emplawa.

Enda patut ga aku nganu orang ka ditinggal maya kemisi tu tadi! Sekumbang aku udah pulai mina mua pintu ruai aja udah diberesi. Sebelah dinding enggau jendela belakang rumah agi dibalut pukat emplawa. Lembau meresi utai dia, nganti hari udah mupuk chelap mimit ila.

Tu gamal emplawa ti betansang sebelah dinding enggau sebelah jendela enggau pintu. Manah aku nadai meda sida black widow taun tu! Nya baru aku enggai meda laban bisa gigit emplawa tu.

<*)))>< <*)))>< <*)))><

Kasih amat aku ninga orang serumah enggau Andan ninggal ketegal penyakit H1N1. Bala anembiak menua kami ditu baru berengkah nurun sekula, alu irau ga ati aku laban sida begulai enggau orang mayuh.


Uji kitai bela ngena pesen baka siti tu, kena kitai nyaga diri ari dijangkit H1N1? Enda ga kiruh bebelika sida tuping!

Nama cherita semadi nadai bala kita sahari tu?