Aku tu endang selalu enggau orang pedis belakang, ba senentang punggung (lower back).Maya aku di Miri kutai, tiga kali aku nganjung diri beurut, alu nyamai asai udah ketiga kali aku diurut. Tang maya kami dibai pangan aku Margaret ka Melaka, dia punggung aku alu pedis baru .. kerusi ba kerita iya nadai bisi lumbar support.
Diatu tilam angin (air mattress, gambar atas) ti dikena aku ngelama tu pen enda nyamai agi sepi aku. Nyu enchuri tilam Duncan, nguji enti bisi nyamai asai belakang ngena tilam nya. Ni nya bisi nyamai! 
Demalam, kira pukul 3.30 pagi, aku angkat alu duduk ba kerusi massage .... udah nya nganjung diri tindok baru. Akai, agi pedis maya aku dani pagi tadi!
Ujung minggu nyin tadi aku bisi meli tilam angin baru (back up!), sekali tu ngiga bansa ka rata agi, laban ka dulu kelalu balat "gelumbang" pattern atas tilam nya.
Sahari tu dipasang aku meh tilam angin baru aku nya. Anjung pulai ngagai bilik Duncan, tilam iya ti dikena aku 3 malam ke udah. Arapka bisi insur meh asai belakang ngena tilam baru nya. Ni alah nyu ngiga tilam kapuk ila!!
Wai puteri..ti aku enda tepeda ka gambar nuan ba facebook, enda ku nemu d jauh tuai ari aku. Ngelama tu aku ngumbai d mina tuai ari aku 5-6 taun aja. Nyau tekepang ati ku meda gambar d nya.hahaha... Ti bisi bahasa ke enda sopan ngelama tu, sorry au..hehehe...
ReplyDeleteAku ukai mengada ngada tu, tang lepas aku beranak ke anak ku te laki nya, akai...sigi selalu mai aku pedis punggung. Lebih agi ti di bai kelalu lama gilak bediri, nyau asai ke ka putus punggung. Mula mula enda ku percaya ninga orang madah beranak ke anak laki ka pedis punggung. Tang diatu aku empu dah nyepi asai iya.
Aduh, Anna, pecah dah rahsia aku tu!! Bendar aku ngelalai umur diri tang diatu ... Hahahaha, bula aku bah, beduan nuan!!
ReplyDeleteSigi amat aku tu serambau bala indai sekeda bala ti dikelala ba dunya blogging tu! Ko Coki aku serambau indai iya, pia mega apai indai Cuthess ... bala sida ka anembiak enda ibuh, endang tuai meh aku tu ari indai sida! :-)
Nya lah bisi enggau orang pedis tulang, pedis punggung ... tanda udah tuai meh nya! Heheh.