Kemas Agi

Nah, enda ka kemas agi gamal rumah enti sida kot/jaket begantung manah?

Selemai orang ka masang hallway coat tree nya. Taja bisi dua iku assistant nulung agi meh lubah. Ni nya enda lubah, suah ngetu orang ka gawa! Sempat limpang mai sida assistant makai ais krim ba MacDonald's!

Coat tree dua iti (iya ka mit) pasang aku empu. Semadi nadai mayuh macham chara masang nya kebuah nemu! Enda ibuh bepeda ka diagram indah lebuhka masang.

Au, prujik ngemas perengka/ayam bala anak agi .... enda ulih tembu prujik tu!

Gagit ka Pulai

Bala pangan Cina aku ke diau ba menua kami ditu gagit amat ka pulai ka Malaysia maya musim taun baru Cina taun tu. Louisa, pangan aku ka diau ba South Lake Tahoe, mupuk malam hari lima tu lagi ... pulai ka Kuching.

Aku bakaka enggai alah enggau bala sida Cina. Bakaka ka mupuk sereta enggau bala sida ti ka ngintu taun baru sida!

Iya ke bendar ujung bulan lima tu lagi ti ka mupuk! Eh, enggai nyadi enda tumu meli tikit enggaika enda ampit laban bala ti sama berebut rebut ti ka pulai musim Gawai tu lagi!

Ninjik endar ga bisi tikit angkat ari KL ka Miri malam 30hb Mei. Tikit ke murah agi badu enda meh abis. Tumu bala Iban meli tikit pulai Gawai! Taun nyin kemari nadai sempat enggau orang ngintu Gawai kami menyanak laban bala anak apin berengkah cuti maya Gawai. Taun tu sekula baru saduai tumu berengkah cuti - 29hb Mei.

Diatu aku mina ngiga tikit murah ari San Francisco ka KL. Begedi endar aku meda rega tikit mar amat laban maya kami ka angkat ila endang maya peak period laban bala nembiak sekula udah berengkah cuti.

Ka pan enda meli tikit mar kena pulai - lelengau ka begulai enggau apai indai, diri menyadi enggau kaban belayan. Kedung kitai agi dapat, kedung kitai agi ulih. Kedung kitai agi bisi apai indai diabas.

Apple iPad. Wow!

Wow! Apple iPad!

Aku ka siti! Nipis enggau jauh lempung ari netbook aku. Sapa enggai? Nyamai meh ngangkut iPad ari netbook!

Rega iya? Apin temu, tentu mar laban utai agi baru. Nganti rega iya turun lebih agi ila lah, baru tau berunding meli siti! Diatu mina meliur aja meda.

P.S. Nitih ka berita - rega iPad ari $499 and up, nitih ka pemesai memory card, servis baka wifi tauka 3g .... Eeeeee, enda jauh mar ari rega iPhone!

Ring! Ring!

Pagi kemari, agi belala tinduk asai mata, memunyi hp ti ditinggal ngimbai katil. Aku alu nyengkau hp alu enggau mata ti enda entu lansik enggau ti setengah pejam merening lumur ka manggil. Apu, ari Malaysia! Sapa ti enda nemu jam nelipun kitai?!

Sapa agi enti enda bala kaban belayan. Minggu nyin kemari ipar nelipun. Pagi kemari menyadi aku. Nama utai ditanya?

Nanya apa User ID enggau Password ngagai akaun Deconnexion aku! Udah diberi kutai tang nadai temu alai engkah kertas alai nulis info nya. Menyadi aku nya bisi menang High Power 802.11b/g USB Adapter / GS-27USB-50 ari Lelong.com. Kena orang nguji wifi adapter enggau antenna nya orang ka nguji nangkap signal ari hot spot Deconnexion enda entu jauh ari rumah iya.

Pagi tadi tumu aku nelipun menyadi aku, nanya pasal antenna iya nya. Bisi problem log on ngagai Deconnexion, ku iya. Kumbai iya ketegal salah pasang antenna/wifi adapter, paduhal Deconnexion service ti enda berapa laban lebuh kami duai berandau sambil natuk computer, iya ulih log on ba Deconnexion.



Aku sereta ninga utai ka dibeli iya nya ulih nangkap signal lebih 70% ari Deconnexion, bekareh ngiga ba ebay. Nama kebuah nadai! Alu meli meh aku siti! Jauh meh murah ari rega lelong enggi menyadi aku! Enti signal ti ulih ditangkap wifi adapter enggau antenna nya ngemanah enggi menyadi aku ari sadau rumah apai aku di Lutong din, nyamai meh aku ngena nya ari ngena mangkuk wifi booster ti digaga aku empu!

Kiraka nyendia diri ti ka pulai meh aku tu! Siang hari kemari kami duai Lyana udah bejaku pasal diri ti ka pulai ka Sarawak maya musim panas tu lagi. Enggai nyadi enda nyendia diri enggai ka bala kita lebu diri ngusung blog aku alu nadai meda update kategal nadai internet connection!

Ngerepair iPhone

Perengka kena ngerepair chermin iPhone (iPhone diberi entua aku) ka pechah endang lama udah datai tang orang ti diasuh ngerepair mala aja madah diri nadai hari. Baru kemari orang bisi hari ngadu.

Pama endar ga ngadu utai mit! Nyu bungkuk gamal orang ka ngerepair! Enti nya aku, engka tak ngasuh rusak agi utai direpair! Nyamai endar ga bisi orang ngajar chara nukar chermin ka pechah nya ba YouTube. Nya kebuah nyu nunga computer lebuh ka ngerepair telipun nya.

Gaga amat Duncan laban bisi telipun Nana (ini iya) ti alai iya bemain games. Enggi aku endang enda tau alai bala nembiak bemain - takut abis labuh gasak bala nembiak tauka abis kena delete application ti ulih meli!

Udah iPhone nya direpair, aku alu "bekerja" ka telipun nya. Ba menua kami ditu iPhone nya kira enda mar laban dibeli enggau kontrak 2 taun ari AT&T. Siti aja penyalah iya ... telipun nya enda ulih dikena enggau sebarang wireless phone company bukai laban udah dikunchi (locked). Ba internet bisi alai/chara kitai tau unlock iPhone ka udah dikunchi. Udah iPhone nya dikereja aku kemari kiraka ulih dikena enggau wireless company bukai baka Digi tauka Celcom meh telipun nya.

Sapa enggai nerima utai preeeee?!

Alai Ngantung Jaket

Tiap taun musim chelap datai, enda tau enda besebana ka jaket bala dilempai atas sofa enggau dilengka sebelah lantai. Kebuah sida jaket nyu bereba, siku siku ka diau ba rumah aku tu bisi 3 tauka 4 iti jaket dikena. Sahari tu siti tu dikena, udah nya pagila ngena ka bukai ... Lebuh ka komplen pasal gari bereba sebelah rumah, besebut ga pasal ti ka meli alai ngantung sida jaket, tang alu enda ga meli ...

Laban ka nadai kala meda sida coat rack/coat tree ba endur selalu shopping enda lah tepikir ngiga ba tempat bukai. Iya nemu ga ngiga chukup macham utai ba Amazon tauka ba tempat bukai ba internet! Tang enda nemu kebuah ngelama tu enda terunding ngiga sida coat rack ba internet!

Kiraka udah lelak meh mata meda sida jaket lempai kin kitu sebelah rumah, nyu bisi ati ngiga ba internet. Pemadu mayuh alai nyual utai ka digiga! Udah ka meh nya, nyu dua iti alai aku ngorder ... coat tree dibeli ba Amazon vendor .. nindik ga nyenguk ba Amazon ... setengah rega ba tempat bukai! Hall tree enggau storage bench dibeli ba HomeDecoraters.com.

Udah utai ka diorder datai ila, nadai kebuah rumah bereba laban sida jaket bala!! Kenu kitai!

Bejait

Entah apa angin bisi niup sahari tu. Tak bisi mood bejait! Hari sigi chelap, ujan bisi turun, angin pan umbas iya niup ba luar din.

Spemanjai taun nyin kemari, siti quilt nadai meh aku ngaga ka diri empu. Sahari tu aku berunding nukar quilt Krismas ti agi begantung ba dinding. Ka ngantung quilt Valentine ... ni nya bisi ... berapa lama udah ka ngaga alu enda digaga.

Meda kain mirah bisi, mindah enda ga, manah agi bejait!

Agi Belala

Enda ibuh jauh nganjung diri bemain sled, ba belakang rumah udah chukup!



Video dua iti tu diambi lemai kami ka datai ba South Lake Tahoe. Anak orang ka nyewa rumah (weekend rental aja) ba belakang rumah pangan aku meh enggau bemain.



Sebedau kami mupuk tengah hari tu tadi, Duncan saduai Denice sempat bemain salji enda lama. Salji mupuk turun maya jam pukul sepuluh pagi. Denice enda lama aja bemain ba luar laban takut ka ukui jiran bisi datai nutu saduai bemain dia.

Maya kami angkat ari rumah pangan aku ba South Lake Tahoe benung salji turun bangat. Tayar van kami endang udah dipasang enggau rantai malam siti laban enti salji tebal ba tanah pedis masang rantai. Tang salji nadai entu turun demalam.



Irau ati aku nengah jalai bebukit lebuh salji benung turun. Tang kerita bela enda laju laban enda tau lebih ari 25 batu sejam pengelaju ma tayar dipasang enggau rantai.

Rantai ba tayar tau dibuka udah bukit tinggi ditengah. Bisi tanda madah senentang rantai tayar tau dibuka.

Ba baruh bukit hari mina ujan ... ujan batu (hail), keba! Bisi setengah jam sebedau kami datai ba rumah ujan pan ngetu.

Rindu amat ngenang pengawa ujung minggu tu tadi! Duncan nyu nyabak diri ngenangka pengerindu iya bemain ba snow. Agi belala, tedah!

Main Snow ba South Lake Tahoe

Peda pengaga gamal Duncan bemain ba snow! Serta datai ba rumah kawan aku ba South Lake Tahoe kemari, amat enda teranti iya enggau Denice bemain ba salji!




Betikau ka salji! Sejam lebih bemain, getar getar tama ka dalam rumah. Tapa jari, tunjuk jari enggau kaki nyu mirah diri gasak chelap. Duncan madah diri ka berendam dalam ai angat. Enda lama udah mandi, udah bekena ka baju tinduk, alu madah diri ka bemain ba salji baru! Nadai aku ngasuh saduai pansut baru, hari pan udah petang maya nya.



Pulai sembiang kami alu dibai ngetu ba Lake Tahoe. Rindu amat meda biew dia. Snow man nya ukai digaga saduai, endang utai digaga orang ka dia dulu agi ari kami.




Lebuh kami datai ba rumah, salji pan majak turun. Dan (laki kawan aku) alu nulung Doug masang rantai ba tayar belakang van kami. Nitih ka ramalan cuaca hari majak besalji datai ka pagila.




Rindu amat meda salji turun alu inggap ba daun pun kayu, enggau pun kayu ti nadai daun.



Louisa, pangan aku, ka ga dibai saduai ngaga snow ngena snow ba deck belakang rumah iya. Ngelaban salji sida tiga. Apin tembu digaga snow man, ngetu salji turun. Nindik ga, laban irau ga ati enggai ka salji majak turun alu tepagang ba South Lake Tahoe enda ulih pulai ka Galt! Enti kelalu balat salji turun tutup jalai.

Arap ka enda balat meh salji turun malam tu enggau pagi pagila!

Amat ka enda?!

Eh, enti amat, anang lanji bebeli ka application tu!! Aku enda paham jaku Peranchis .. nganti Lyana nyalin ka kitai ila!



Apu, naka meh kitai dipeda orang ganjang?!

Wayang Jesus ari Internet

Lemai tu tadi aku bisi meda program Al Jazeera dikumbai 101 East - Malaysia: Whose God? ba YouTube.

Penemu siku ka ari ABIM nya endang sebaka penemu orang ka enda ngasuh jaku "Allah" dikena orang ti megai pengarap ukai Islam. Ku iya, perintah ti ngemendar orang Kristian ari Sabah enggau Sarawak ngena jaku "Allah" endang salah. Laban perintah endang udah salah, perintah enda patut mai penyalah nya ka semenanjung din! Fatwa kunsil tinggil agama Islam udah nyemetak madah jaku "Allah" mina tau dikena orang Muslim enggau agam Islam.

Kita ka endang selalu macha blog aku tentu udah nemu runding enggau penemu aku pasal charut tu!

Nah, sahari tu aku ka bekunsi enggau bala kita semua alai kitai tau meda wayang Jesus (gaga Campus Crusade) ti bisi disalin ngagai jaku bansa Iban, Melayu, Indonesia enggau mayuh jaku bansa bukai. Jaku Melayu Patani (sebaka enggau jaku melayu Kelantan) deh bisi!

Aku gaga amat bekunsi enggau kita ti enda kala meda wayang tu laban nyawa Jesus ti didinga kita ba wayang tu nyawa pangan aku, Father Stanley Bunseng, diatu vicar St. Basil, Batu Kawa di Kuching din.

Kapa enda bala ka isin lebih isin ninga jaku "Allah" dikena dalam jaku sida ulih orang Kristian!


"Tang barang sapa ti ngenggai ka aku ba mua orang mayuh, iya mega dikenggai aku ba mua Apai aku ti di serega." Matthew 10:33

Amen. Puji Tuhan.

Not Fair!

"Not fair," ku Doug. "I never had anything like that when I was a kid!" Nah, jeles daddy saduai meda kemisi bala anak iya!

Jeep ka ditepan saduai nya utai diberi ini' saduai. Enti ngenang diri empu, nadai meh bisi kala bempu utai bakanya! Basikal dah nadai ampit empu! Ngena enggi indai aku, basikal ti selalu dikena iya ka pasar.

Denice saduai Duncan endang udah bisi jeep nyu ka bakanya ga. Utai dibuai orang, tang meda nya agi tau dikena, alu diputik daddy saduai! Kiraka nemu meh saduai mai/driba jeep baru nya laban udah teleba mai jeep lama. Jeep lama saduai besai mimit ari jeep ka baru diberi ini saduai. Pemesai bateri ba jeep dua iti nya sama.

Dia rumput tinggi, dia Duncan mai jeep nya. Off-road driving, ku daddy saduai. Dia bisi ai bekau ujan, dia iya mai jeep nya. Mansang surut orang nengah ai labanka rindu meda ai mechik.

Sahari tu nadai entu chelap iga, asaika ukai musim chelap. Gaga meh saduai bemain ba luar meda hari nya enda entu chelap. Denice nyu ngena skirt enggau kasut tunjik!

Naka tu aja cherita sahari tu!

Kasut But

Nah tu iya gamal kasut but ka diorder aku kutai! Lawa gamal iya?

Arap ka enda chelap iga meh kaki aku maya ka bejalai ba menua ka bisi snow ujung minggu tu lagi!

Nitih ka ramalan cuaca, bisi snow enggau ujan hari enam maya kami ti ka nemuai ka South Lake Tahoe.

Arapka enda benung salji turun meh maya kami niki kin! Ukai kami telaba mai kerita ba menua bebukit maya hari salji turun! Nyeregu bulu aku ngenang nya!

P.S. Anang enda join aku ba Facebook, aram meh kitai sama bela ngetan ka hak kitai ngena jaku "Allah".

Aram belajar ngaga pau!

Aku sigi enda kala pan ngaga pau. Aku bisi siku pangan landik amat berapi alu maya iya ngintu aku beranak ka Duncan suba, berapa kali enda iya ngaga pau. Bepun ari nyin suba bisi endar ati aku deka belajar ngaga pau!

Sahari tu aku tetemu ka video ngaga pau, tang pau tu dikumbai Nikuman, pau Jepun! Nadai pedis kitai ngubah puak pau tu! Iya ka beguna perengka dikena ngaga pau tu alu chara ngaga dough.




Nah tu iya resipi pau nya tadi!






Anang enda nguji! Bisi ga dempa maya pagi hari!

Bulat Ati Part II

MIRI: Anger that before yesterday appeared to have been limited to Semenanjung Malaysia, seemed to have got into the system of some people in this state when bricks were thrown at the Anglican Good Shepherd Church in Lutong yesterday.



“We hope and pray that the incident will not become worse and spread to other churches and other houses of worship in Miri and elsewhere in Sarawak,” said parish priest Reverend Fr Donald Juti who, at 6.05am yesterday discovered that the church’s glass windows had been broken and several pieces of bricks were lying on the floor.

“It was still dark at that time and I didn’t notice the window glass panels on the priest and choir rooms had been smashed, not until I switched on the light to go into the priest room,” Fr Donald said.

He said at least eight pieces of bricks were lying on the floor.

Fr Donald said he immediately informed Fr Ugil Wat of the incident. Fr Donald and the church secretary Edwin Samad later lodged a police report.

The police came to investigate at 11am.

Sunday service went on as usual although there was general nervousness among the worshippers, said Fr Donald, who added that much of the morning’s sermons were spent on praying for peace and softening of the hearts of the arsonists.

“We are nervous but we want very much to act like nothing had happened to our church. We have been living in harmony. It is sad for such a thing to happen if indeed it is related to what had been happening in West Malaysia.

“We really don’t want to speculate on the incident and we don’t want to blame anybody as we don’t know who is behind this (the incident). For all we know, this incident might have nothing to do with the incident in Klang Valley,” he said.

Fr Donald said the act of vandalism might be the act of people out to stir up emotions so that people of different religions look at one another with suspicion.

“We have been able to understand and tolerate each other. This church, for example, has a mosque just next to it. We have been neighbours for a long time with no negative feelings but respect and brotherhood,” said Fr Donald referring to An-Naim Mosque which stands just on the next lot.

In this context, Fr Donald urged the Anglican community and other Christian communities here in Miri not to be unduly frightened by the incident, which, he said might have been done purposely to create tensions among Chris­tians and Muslims.

Asked if the church would tighten security, Fr Donald said: “No, no, not necessary to do that. It is just a small incident and I believe it will happen again.

“I believe that the police here are also doing their part by conducting patrol as instructed by Prime Minister Datuk Seri Najib Tun Razak following the incident in Klang Valley.”

Meanwhile, an imam of the An-Naim mosque also visited the church after hearing of the incident.

The imam condemned the act of vandalism, saying Christians and Muslims in Miri must be strong and not fall to provocation.

He said the understanding and feeling of brotherhood among local Christians and their Muslim counterparts must be preserved and they should be proud of the fact that the An-Naim mosque and the church standing side by side is unique and testimony to the existing understanding and goodwill.

The imam said such act of vandalism was not in line with the 1Malaysia concept.

Meanwhile, Miri OCPD ACP Jamaluddin Ibrahim confirmed having received the report of the incident.

He said a thorough investi­gation was being conducted and advised members of the public not to make speculations.

When asked to comment on whether the incident was related to the bomb attacks on three churches in West Malaysia recently, he said: “Please don’t make any speculations or relate this incident to those happening in West Malaysia, as we are still investigating.”

Berita ari Borneo Post

Orang ari Semenanjung nyin ka beli, nyu kitai di Sarawak kena rampit! Aku begedi amat laban tu meh gereja alai kami sembiang di Lutong din. Sapa kitai enda bulat ati laban pengawa orang ka isin enda tentu pasal?

Sekeda ka madah jaku "Allah" nya jaku Arab, nama kebuah orang ukai Muslim di Malaysia ka nginjau jaku Arab nya? Kristian Arab ngena jaku "Allah" enda ibuh laban nya jaku sida, ku sekeda ka sempit runding. Nama kebuah enda ngena jaku Melayu tauka sebarang jaku asal kitai empu?

Nya ti ngasuh aku balat agi bulat ati. Jaku tauka bahasa nya utai ti tau dikena sebarang orang. Jaku tauka bahasa nadai ditagang ari dikena barang sapa ti ka ngena. Nyelai endar enti sekeda jaku mina orang ka empu jaku nya aja tau ngena!

Kitai Iban rindu amat ma ninga bansa bukai landik bejaku bansa kitai. Bansa bukai pan baka nya mega. Enti enda bakanya nama kebuah kitai di Malaysia diansak bejaku Melayu? Enda ka nya tegal sida ka ngemesai jaku enggau bansa sida?!

Aku amat enda setuju enti kitai Kristian nunduk ka peneka orang Islam lalu ngelengkaka hak kitai ti ngena jaku "Allah" ketegal enggai charut. Enda ibuh mayuh kebuah iya. Siti aja udah chukup.

Nya hak kitai. Ka kitai nginjau jaku Arab, ka kitai nginjau jaku Melayu, nya sepeneka kitai.

Deal with it!

Bulat Ati!

Enda bulat ati bala kita lebuhka ninga tauka macha berita pasal orang ti ka ngerebut hak kitai ti ngena jaku "Allah" kena ngangau Tuhan ti disembah kitai?

Enda bulat ati kita ninga sekeda bala ti madah mina orang Muslim enggau agama Islam aja tau ngena jaku "Allah"?


Enda bulat ati kita macha berita pasal gereja kitai Kristian diserang ngena molotov cocktail?

Enda bulat ati kita ninga Menteri kitai nyukung bala orang ti mandangka pengeringat sida tegal Hakim ti udah madah nadai salah Herald ngena jaku "Allah" ba berita gereja Katolik?

Enda bulat ati kita ninga tauka macha pasal Bup Kudus ngena jaku Indonesia kena rampas perintah kitai?

Enda bulat ati kita macha pasal permit nyetak berita Katolik ngena jaku Kadazan enda bulih kemendar?

Enti kita bulat ati, aram enggau aku mandangka kitai enda ulih dikemeli sekeda orang ti sempit runding, ti enda nemu asal enggau penatai jaku "Allah" ba bup kudus kitai!



Aram enggau aku ba Facebook Group dikumbai Uphold the Right of Malaysian Christians to Use "Allah".

Tesau bala kaban kitai, alu bai sama enggau aku ngetan hak kitai Kristian ba Facebook! Anang ringat tauka bebuih kediri! Aram enggau aku!

Chelap Kaki

Sida Lyana, sida Flo besebana ka menua sida chelap sereta dilamun salji. Chelap alu pedis mai kerita ma jalai alun dilamun salji, ku saduai.

Ba endur kami ditu nadai salji. Di bukit din baru bisi salji tang taja nadai salji chelap ga isi, kelebih agi sida kaki. Bestukin enggau beselipar meh kaki nya tang agi meh chelap kelebih enti enda dibai engkebut duduk nunga computer!

Kepuas ngenat kaki diri chelap alu terunding ka meli kasut but ga ati. Ukai kasut ka dikena dalam rumah, bansa ka tau dikena lebuh bejalai pansut ngelaban chelap.

Ujung minggu 16-18 hb Januari tu lagi kami menyanak nemuai ka South Lake Tahoe. Aku bisi bekelala enggau indu Cina ari Kuching ka diau din. Iya ngasuh kami menyanak nemuai ngagai iya alu lebuh kami ka din iya bisi kangau sekeda bala kawan iya enggau kami makai malam lemai kami ka datai nya. Gaga amat iya ninga aku ka datai alu berambih makai pemakai kitai ari Malaysia. Ngaga kari manuk, dagin rendang, laksa Sarawak, babi panggang, ku iya.

Menua South Lake Tahoe tu ba bukit din, kiraka 2 jam ari rumah kami. Ba bukit din endang selalu turun salji. Nya meh kami maya ka kin ila enda tau enda mai rantai ti tau dibelit ba taya kerita laban enti hari besalji, semua taya kerita enda tau enda dipasang enggau rantai enti kerita nya endang nadai udah dipasang snow tires. Laban menua din bebukit, lichin meh jalai lebuh ka bisi snow, nya kebuah taya kerita mesti dipasang snow tires tauka dibelit enggau rantai.

Au, pulai ngagai cherita kasut but tu tadi, ngorder sepasang meh aku. Ukai nadai kasut but tang sengaja ngiga bansa ka tebal agi alu digaga ngena bulu kambin. Kaki aku sigi enda tan ngelaban chelap. Penat alu asai ka dituchuk jarum pemedis iya gasak chelap. Mayuh macham stail enggau peninggi kasut but ba Amazon tang aku enggai bansa ka regup regup ma dikena! Laban kaki kitai mit enggai nyadi ngena sekeda stail!

Arap ka datai sebedau kami mupuk meh kasut aku nya! Ari minggu nyin kemari udah ka meli, alu ga enda. Arap ka enda lebu meh!

Ukui & Kulat

Pemadu gaga orang niki pick-up bemain enggau ukui! Gaga amat iya didilat ukui! Nya meh iya madah ngagai daddy iya ka nupi ukui. Denice pan sama ngumba minta ukui ka iya empu ga. Tang iya enda berani nganjung diri semak ukui, takut!

Orang ka empu truck nya datai nganjung kulat. Kulat nya dikumbai chantrelle .. mayuh maya dia taun ba tanah sida entua aku di Los Osos din. Doug enda entu ngelala kulat nya, enda meh iya berani ngumpul sebarang kulat enggaika tekena kulat ti tau nganu.



Berega amat kulat tu enti dijual. Iya ga besai alu tebal isi. Bisi seplastik beg penyampau kulat diberi orang nya kemari. Aku nadai nemu chara bukai manduk kulat tu. Iya ka temu aku kulat nyamai digulai enggau babi. Nya meh chara aku manduk iya!

Makai Tengah Hari

Sahari tu kami menyanak bisi dikangau entua aku berambih makai enggau saduai ba restoran berimbai enggau tebing tasik. Orang bukai ti bisi enggau makai tengah hari tu tadi iya 2 iku kawan saduai, lalu enggau ipar aku siku enggau laki iya.

Rindu amat meda biew ba alai kami makai tu tadi. Hari panas, asaika ukai musim chelap. Ipar aku ngena baju lengan pandak ... nya pemanah hari! Kawan aku siku ka diau ba Indiana besebana ka penyelap endur sida sahari tu .... 7 °C, ku iya. Kasih amat!

Lemai tu Doug enggau bala anak udah nurun nimbak ... ukai nimbak jelu, main sukan nimbak! Aku enggai enggau sida, enggai kiruh meda hari udah mupuk petang. Enti tak nurun nimbak sida babi babas tauka rusa enda ga ngawa. Mayuh amat bekau babi enggau rusa dipeda aku ba tisi bukit kemari lebuh ka niki bukit ngambar mata panas padam. Ku jaku ka ngambar mata panas padam tang udah kelalu laun ... nadai peda agi mata panas. Beguai kami nurun bukit laban angin chelap benung muput.

Taja siang hari nyamai amat hari tang ma mata panas udah turun alu bisi angin muput berupai endar asai penyelap tauka pengangat hari betukar. Nya meh enda tau tinggal sida jaket enggaika hari betukar chelap.

Pagila mupuk kami pulai ka Galt. Sepatut iya bala anak nurun sekula pagila tang Doug enggai pulai ka Galt sahari tu laban mayuh kerita orang ka pulai chuti ujung taun. Enggai enggau orang berebut nengah jalai, ku iya. Aku barang ku driba!

Meda Kesulai

Tengah hari tu tadi kami menyanak bisi raun ngagai Monarch Butterfly Grove ba Pismo Beach. Ngelama tu aku enda nemu bisi alai kesulai tu belindung maya musim chelap ba Pismo Beach.

Rindu amat ga meda kesulai ngemayuh nya ba siti tempat. Aku endang nganti sida kesulai inggap ba dan baruh agi tang nadai siku ga inggap semak aku. Tinggi atas pun eucalyptus enggau pun pine din alai sida.

Taman kesulai tu sama alai orang tau camping. Mayuh endar orang camping dia, camping dalam RV/caravan/motor home. Nyamai amat camping bakanya! Asaika bedango! Naka berapa iku aja orang ka bisi masang tent peda aku.


Taja hari bisi angin minit tang asaika ukai musim chelap. Sekeda orang bejalai ngena tanchut puntung! Kami menyanak mina ngena baju lengan panjai - sida baju chelap tinggal dalam kerita.


Udah puas bepusin meda sida kesulai kami alu bejalai ngagai tebing tasik. Apu, amat nyamai hari sahari tu, bakaka ukai musim chelap! Patut rami orang camping ujung minggu tu!

Naka tu aja cherita ujung minggu sekali tu!