Blue Moon ti dipeda demalam (31hb Disember 2009) ba Avenal, California. Bekareh ngentu kerita awakka aku ulih pansut ngambar bulan ka terang ti baru niki belakang bukit!
Kami menyanak nadai enggau orang rami nganti penatai taun baru. Hari pan udah petang maya kami ka datai ba Los Osos lemai kemari. Kami mina ngetu ba supermarket meli tusu, ruti paun, enggau hot dogs sebedau kami datai ba barn.
Udah bebela makai bala anak meda video datai ka saduai tinduk. Kami duai Doug apin ga tinduk lebuh jam ka mangkung pukul 12.00 malam. Bisi ga ninga meletup senapang malam nya. Ku Doug, sayau iya enda ingat mai merchun besai iya!
Sahari tu, hari ka keterubah taun baru 2010, kami menyanak ngemas bilik ba barn udah nya pansut betemu enggau sida entua aku. Sida mai kami menyanak makai tengah hari ba restoran enda jauh ari Thrift Store ka di-intu saduai. Pulai ari nya kami ngetu ba Home Depot meli perangka baka tong sampah, sida rachun rumput, container plastik alai nyimpan utai enggau heater mit (chelap amat dalam barn!) ti ulih diangkut kin kitu kelebih agi dibai tama dalam bilik mandi.
Nya aja cherita taun baru tu!
Sekali agi selamat taun baru alu ngajih ka kita semua bulih pengerai, pengelantang enggau pengelikun dalam taun 2010.
selamat taun baru ngagai kita menyanak Dor. Awakka Tuhan merekat kita, meri pengerai, pengelantang, pengaga enggau pemujur dalam semua pengawa!
ReplyDeletekami sebilik pan nadai entu ngau orang berami malam 31hb nya... lelak amat... baru datai ari sibu maya lemai 31hb... mina ampit makai malam begulai enggau sida Bishop aja... dahnya pulai...ninduk ke diri...
ReplyDelete