Tiap taun musim chelap datai, enda tau enda besebana ka jaket bala dilempai atas sofa enggau dilengka sebelah lantai. Kebuah sida jaket nyu bereba, siku siku ka diau ba rumah aku tu bisi 3 tauka 4 iti jaket dikena. Sahari tu siti tu dikena, udah nya pagila ngena ka bukai ... Lebuh ka komplen pasal gari bereba sebelah rumah, besebut ga pasal ti ka meli alai ngantung sida jaket, tang alu enda ga meli ...
Laban ka nadai kala meda sida coat rack/coat tree ba endur selalu shopping enda lah tepikir ngiga ba tempat bukai. Iya nemu ga ngiga chukup macham utai ba Amazon tauka ba tempat bukai ba internet! Tang enda nemu kebuah ngelama tu enda terunding ngiga sida coat rack ba internet!
Kiraka udah lelak meh mata meda sida jaket lempai kin kitu sebelah rumah, nyu bisi ati ngiga ba internet. Pemadu mayuh alai nyual utai ka digiga! Udah ka meh nya, nyu dua iti alai aku ngorder ... coat tree dibeli ba Amazon vendor .. nindik ga nyenguk ba Amazon ... setengah rega ba tempat bukai! Hall tree enggau storage bench dibeli ba HomeDecoraters.com.
Udah utai ka diorder datai ila, nadai kebuah rumah bereba laban sida jaket bala!! Kenu kitai!
Amat munyi ka nuan, siku endang enda kurang 3 iti jaket. Laban taja ari nya celap, enda sebaka penyelap gak. Pemadu mayuh enggi diri empu...ahemmmm Amat beguna endar pengantung jaket nya.
ReplyDeleteEnggi aku sida jacket nadai tentu maioh masaalah, laban ke bedau maioh bala. Tang bilik ruang tamu nya, selalu agi baka kapal tungkang pechah laban ayam anak. Piak kitai nyikap ia, pia ga orang ngachir ke....ngelu bala
ReplyDeletePasal pemayuh jaket nya ... sigi amat!!
ReplyDeletelysther, pasal ayam ti sebelah lantai, baruh katil, enda ibuh sebut agi .. enggi aku ditu 2 iku anak mit ... berapa iti enda alai nyimpan agi meh enda umbas ... bingung meda!